影片
營業時間
今日營業
08:30 - 22:00
星期一至日
08:30 - 22:00
公眾假期
08:30 - 22:00
*最後落單時間：21:30
以上資料只供參考, 請與餐廳確認詳情
食開新蒲崗店好掂，但淘大店咸豆漿真係唔掂，好似1:1加熱水溝咁，冇豆味冇麻油蝦米香…似一碗鹽水加榨菜…好失望肉鬆奶脆多同粢飯都ok～但係饅頭太油有d 油膩食唔哂4舊
繼續閱讀
豆漿大王由細食到大 價錢親民 份量大件📸今次嚟咗位於九龍灣德福廣場嘅分店 一眼睇晒點咗擔擔面湯底🤩 配上韭菜餃 滷水豆腐 先講份量 💯睇相就知道勁大碗 湯同面係成碗滿晒 餃子同豆腐都突晒出嚟 擔擔湯係每次嚟都必食 香濃好多花生碎 仲有香蔥 肉碎 好多配料 韭菜餃大大粒 餡料勁多 一啲都唔會偷工減料 最後就係滷水豆腐 都係十分之大件 睇相就見到重大見過假餃子 最後上海麵份量都好足夠 簡單啲嚟講就係一定飽肚餐廳上餐速度比較快 如果趕時間都冇問題 另外好多食物都可以加錢就有唔同嘅配搭 好啱乜都想試吓嘅朋友
繼續閱讀
人稱粢飯世一，試試佢先今日唔太餓，所以冇叫飯/麵，簡單叫左個粢飯，小籠包同豆漿🥛雞扒粢飯✨糯米飯入面包住榨菜、肉鬆、油炸鬼同雞扒，層次豐富😍油炸鬼同雞扒都炸得好香脆，夾埋肉鬆榨菜一齊食出奇地夾，果然係世一👍🏻小籠包✨皮薄多汁，黎到熱辣辣，食既時候要留意個皮薄好容易整穿流走晒啲汁😆凍豆漿✨好好飲😋😋😋豆味濃又夠甜🥛
繼續閱讀
知道九龍灣開左豆漿大王 一直都唔就腳 今日終於黎左食 餐廳設有室內同室外雅座 咁熱嘅天氣我就唔揀室外坐 廢事未食已經出哂汗招牌栥飯一定要叫！仲可以額外加料 肉鬆或者炸菜 亦可以揀原件/切兩下或者三下 栥飯入面個油炸鬼超級脆 糯米唔會過硬或過軟 配合埋炸菜係非常出色！小籠包4粒 呢個我就覺得一般左少少 皮比較厚 煎菜肉包 比較油膩 菜肉饀亦比較少 韭菜煎餃4隻 相反韭菜餃非常之重料 大大粒 亦煎到金黃色豆漿除咗有 有糖/無糖 仲有玉米/紫薯選擇我會覺得一分錢一分貨 食咗咁多嘢都係$100鬆啲找數兩個人
繼續閱讀
講到豆漿粢飯第一時間我會諗起豆漿大王 而我本身都幫襯過幾次 印象係唔錯 今次黎到淘大分店順便過下口癮先⍥ 雞扒粢飯 ❙ $25淘大分店限定架 同原始既鹹粢飯一樣 都係有油炸鬼 榨菜 肉鬆 另加雞扒 落單時可以選擇對半切 粢飯熱辣辣 有一邊握得唔實散開晒 糯米飯濕潤唔乾 油炸鬼同雞扒都炸到好脆 肉鬆榨菜夠鹹香 食到尾都有餸 唔會好油 係幾好味 不過俾我再揀 應該會食返原味 畢竟加多$5得舊雞扒仔有啲唔抵⍥ 熱豆漿 ❙ $10豆漿少失望 無咩豆香 幾鍾意本身無加糖 可因應自己喜好落多落少 不過黃豆味真係激淡
繼續閱讀