影片
港鐵九龍灣站 B 出口
繼續閱讀
開飯介紹
金加利集團旗下被譽為最優質服務食肆，以港式西餐為主，免收加一。
繼續閱讀
營業時間
星期一至日
07:00 - 00:00
以上資料只供參考, 請與餐廳確認詳情
食家推介
招牌菜
好耐無去牛頭角淘大呢間金加利餐廳，今晚專程再嚟食多餐，估5到居然失望而回，極之失望，真係從未試過一間咁差既茶餐廰，飲品5掂、湯似水、鐡板5熱，服務態度又差，真係5知佢點做餐廳，各位千萬5好去試、否則後悔莫及
繼續閱讀
想近近地係屋企附近揾食，同區類似餐廳印象只有茜X及金巴利，但2者都類似快餐店水準，但前者收費較貴，所以今晚落腳點就選了這間。是晚我們分別order 了⋯餐湯例牌紅/白湯 + 餐包（只供order鐵板餐)～忌廉味淡淡的，粉量較重~喜歡的傳統餐包，但如果可以叮番熱更好味主菜1） 什扒鐵板餐～最啱愛吃肉的朋友，分量夠多，醃料味較重無乜肉味（個人覺得偏鹹）2） 雞肉咖哩麵包配薯條～ 外皮麵包係即叫即焗，外皮夠脆，雞肉份量充滿了整個麵包內，但薯仔只有一粒咁多。味道為中辣，好野味。餐飲咖啡/茶或同價飲品轉紅豆冰要補錢
繼續閱讀
見睇戲前仲有少少時間，就求其入左間茶餐廳，叫左個西多士下午茶餐。睇落好普通點知食落有驚喜，佢係即整架，火喉剛剛好，如果太耐麵包會吸哂d油。最正係花生醬剛剛好，唔多唔少，最勁係裡面層次分明
繼續閱讀
今日路過淘大商場行行下肚餓 又唔想幫襯連鎖餐廳結果大約3pm左右 選擇左依間有卡位 又唔洗等既餐廳入到去 友人揀左個焗飯 我揀左西多士侍應仲好友善咁問 「西多想要糖漿定煉奶」等左3分鐘焗飯就黎左 仲快過d野飲 質素麻麻點解咁講?? 因為焗飯明顯預先焗定 熱度不足 唔夠汁 有點失望飲品反而唔錯 感覺上仲幾大杯添西多士 大約10分鐘反先黎到 超大份 又厚 勁抵食落枱之前已經落埋煉奶 而且仲好重手 正!!!!賣相超吸引 食一啖 已經feel到系新鮮即整既感覺超超超超超好味 (同時亦代表超超超超超邪惡too orz)為左份煉奶西多 我下次都會再黎既^_^
繼續閱讀
十點零五分行入去，入去之前見到淨返一枱客都心知有伏，臨坐低都問咗收銀阿姐收未，佢答我未，但就要快點菜同埋單先，ok無問題，叫左兩個餐，分別係“雞扒豬扒葡汁焗公仔麵”+“豬頸肉龍脷柳芝士汁焗意”。先評個所謂餐湯，一紅一白，紅嘅都算正常，但個白嘅。。。好明顯係放入微波爐翻熱，一上枱有層“依”咁嘅嘢，我唔係食緊雙皮奶呀。。。之後再講個焗公仔麵，焗出嚟嘅同湯麵無異，只係無湯浸住，濕到呢。。。算，我當維持生命，食。至於服務，真係好到呢。。。兩個換好衫嘅阿姐坐咗喺前面卡位吹水，之後收銀就連冷氣都熄埋，喂呀，當時係十點二十分，個“焗意”上枱唔夠五分鐘，你即係趕客？咁我入座時你就咪話未收啦。。。成餐飯我用咗廿分鐘完成。。。其實，我明收工的確好緊要，但真係唔應該咁囉。。。
繼續閱讀