影片
港鐵元朗站 A 出口, 步行約10分鐘
繼續閱讀
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
琴晚外賣叫咗佢嘅漢堡包試試，見到佢話手打牛肉，就試下佢咩料啦。首先講咗漢堡包先，芝士手打牛肉漢堡，主打梗係手打牛肉啦，但係食落完全冇特別，漢堡扒比較多筋，冇乜肉汁又煎唔香，咬落鞋身，唔好食再嚟佢個黑松露芝士薯條，可能外賣原因，黎到已冧晒，所有薯條黐埋一舊，一舊嘢咁唔知點食，中間有少少黑松露咁，唔推薦。最後嗰餐仲有塊雞扒，炸得幾好食嘅，尚算OK。建議大家想食手打牛肉漢堡，都係搵過第二間啦利申：我係外賣，堂食情況就唔知啦
繼續閱讀
收銀肥女人超級趕客，黑口黑面，見有客係門口都係繼續坐係度唔郁，叫佢仲要叫幾次，然後黑口黑面咁出嚟。遲早執笠都因為個女人，見門口有客想叫嘢食，叫佢又唔理人，痴線。其實唔係第一次，買過幾次，個女人態度都係一樣，態度極差👎🏻👎🏻👎🏻衛生環境差食物味道一般 每次味道都唔一樣 保持唔到上次叫個辣味香蒜雞肉炒意粉 覺得OK今次再叫 完全冇味 得個辣字 個底又勁多油真心差 要自己係屋企加調味 幾無謂不過重點真係個女人 好心老闆請過個啦
繼續閱讀
夜晚9:42落單咖喱雞飯，店員話等20分鐘，仲特登同廚房confirm咗次，20分鐘ok過咗28分鐘，10:10店員話唔夠雞，唔加我錢轉一半叉燒俾我（心諗即係仲未整？）到10:15再問店員仲要幾耐，佢話5分鐘，因為唔夠雞（which is 超過晒佢講嘅20分鐘之後先發現唔夠雞）等到10:25有客人嚟order咖喱雞飯，我已經等到好嬲，俾咗張飛佢叫佢食我個飯第一次等外賣可以等成9個字都未有，到我再買完另一間嘢食，離遠見到等我個飯嘅客人仲等緊，真係好癲！叫個咖喱雞飯要等成個鐘😡店員對答態度好好，不過好似無覺得我等超過咗20分鐘，勸大家大把時間又完全唔肚餓又想食飯先好幫襯
繼續閱讀
我以後除左真係好出名的小食漢堡店我都唔會幫襯呢啲小規模生意的漢堡店基本上呢啲規模的小店你都可以想像到餐廳的換食物炸油的速度肯定快唔過麥當勞kfc，係幫襯呢類型炸物小店的經驗當中很大部份炸出來的食物都有油溢味，呢間當然唔例外。見到呢間路邊漢堡望落價錢ok就叫左手打牛肉漢堡同薯條，食完之後無奈就開始喉嚨痛，飲左兩碗涼茶都搞唔掂，第日都係要生痱滋，呢啲小店又再次教訓到我唔好幫襯啲街邊無名氣的鋪頭。講翻食物，肉餅尚可但都唔太多汁，好似黑椒煎肉餅咁，薯條食落你唔覺，食食下就會好鬼熱氣。附近因為街道垃圾棄置問題個區都多污蠅，外賣店係無服務的，價錢普通。
繼續閱讀
呢間係元朗嘅小店，主要做外賣生意。漢堡包選擇多，因為客人可以自由配搭，豐儉由人。佢哋嘅手打牛肉漢堡有驚喜，即叫即做，非常有誠意。牛肉唔乾，咬落勁多肉汁，配上半溶嘅芝士，食落够晒滋味。另外配合新鮮爽脆生菜，令到漢堡嘅味道更加吸引。另一推介，香草蜜糖雞翼，好好食。皮脆，內裡嫩滑juicy，洋蔥圈夠脆，滋味小吃停不了。餐廳其他菜式亦做得不錯，如白酒蜆肉意粉亦是招牌菜之一，意粉爽口好食，滲出淡淡酒香。白酒配海鮮味道好夾，蜆肉份量適中。
繼續閱讀
您可能會有興趣的...