影片
以上資料只供參考, 請與餐廳確認詳情
外賣等成15分鐘先有，仲要包好又唔叫number。見倒個職員外買盒蓋跌左喺地上之後又執返放返喺乾淨嘅蓋上。疫情底下超唔衛生叫個雞飯，得好少肉。全部係皮，又唔係咁熟。防疫措施做得好差。食完好似冇食過咁。
繼續閱讀
北角和富商場的 Olive cafe 午餐石板燒，超平仲要免加一👏🏼👏🏼西班牙黑毛豬 150g 連 Set $78 , 包沙律餐湯同白飯黑毛豬肉好似個心形咁好靚，忍唔住要係咁影佢相，上枱時快黑毛豬唔係全熟，我可以慢慢燒，慢慢食，都唔怕塊黑毛豬過熟😊始終豬肉唔可以生食，我燒到每個表面都熟哂，但食落口就比較韌，好似避免唔到🥲沙律餐湯，白飯同醬汁在自助吧醬汁就得兩款可以揀，牛肉汁同蒜蓉汁餐湯係忌廉湯好飲，落水嘅份量恰當，唔會太稀or稠，紅蘿蔔好淋沙律我就加左胡麻醬，攪勻食
繼續閱讀
今日過左海去左北角一帶工作，下午約３點左右完成後，行到咁上下有Ｄ餓，但又唔想食飯咁ｈｅａｖｙ，於是去左間附近既餐廳食下午茶。見到店外貼左個優惠，係３０元有雞脾，紅豆冰。於是就叫左，然後我就要左份西多士，檸水。雞脾係鹵水既，食落唔算咸，不過雞脾ｓｉｚｅ不算大隻。肉質唔算ｈｉｇｈ口。紅豆冰既紅豆都足料，而唔係得奶水。３０元來講，算係合格同抵食。至於西多士，反而我地覺得有驚喜。原來以為同其他餐廳一樣，係得一塊方包，但原來係兩塊，係雙層的。然後會好貼心咁將糖漿另上。我地要求走花生漿，侍應哥哥都應承，無叫廚房唔落，值得嘉許。新鮮整既西多士，真係下午茶既極品檸水就無咩特別，正正常常。
繼續閱讀
星期五諗住同老公Happy Friday Dinner係屋企附近搵咗呢間諗住食下期待已久嘅石頭燒但點知我錯啦，錯在冇睇清楚所有食評，包括負評。亦錯再入去嘅時候，冇睇清楚點解旁邊餐廳咁多人排隊，但呢間有咁多吉位嘢飲係正常嘅，如果雪糕紅豆冰個雪糕入邊包住啲冰係正常嘅話……朱古力奶昔我老公話味到正常第一樣嘢啦，萬眾期待嘅石頭燒，有牛味，但原來150 g，嘅份量真係比較少，男士們可能未必夠食，如果想試就要試吓叫大份啲啦第二樣嘢黎啦，經典嘅小食拼盤$88 ，特價減$10 ，包括有油淋淋既魷魚，無味但全熟嘅雞翼，急凍嘅炸雞塊入口暖暖地唔脆，仲有最特別嘅白色炸薯條，係解咗凍嘅急凍薯條好似蒸咗一陣，琳琳地….如果要搵一樣嘢讚佢，成碟野都係熟嘅第三樣嘢，$128餅底Pizza，冇錯真係好硬既餅底，係最平嗰種急凍$30至$40，嘅急凍Pizza，個Pizza個名仲叫食肉獸Pizza，但就得幾塊腸仔，同係肉醬意粉味成餐飯$374 ，我唔知我食咗啲咩，仲要俾兩蚊一個外賣盒買咗兩個，食淨嗰啲嘢唔想浪費，睇吓拎返去焗一焗會唔會救得返。我唔會再去食，完！老公叫我補充，令餐具是有飯粒係啲叉度…
繼續閱讀
見咁多人話好食，於是帶埋家人，一行4人去食。叫咗2份牛，2份黑毛豬。其中一份豬肉2/3都係肥肉，由於餐牌上只得一款豬，無得揀之下，唯有叫佢姐妹餐廳的食物。終於到本人開餐食牛了，一放入口，壞咗，直情用鼻都問到一陣味。同經理講份牛壞咗，經理話無理由，又叫廚房嚟睇，廚房聞完都話有陣味，攞咗份牛入廚房，點知出返嚟同我講“豬有陣味係正常”，O咗嘴，嗰份係牛肉喎。。。最終叫咗另一款牛肉。雖然的食物唔得，但禮貌唔錯，可惜始終都係去食嘢，唔係食禮貌！家人話下次會揀大家樂！
繼續閱讀