影片
以上資料只供參考, 請與餐廳確認詳情
南丫小島上的隱世小店，深藏在民宅之中，要花點心思發掘寶藏。老闆是愛音樂之人，cafe內放置不同樂器及曲譜，讓來自各方的咖啡客jam 歌之餘，也享受自家烘焙的咖啡香。老闆說島上好多臥虎藏龍，亦試過有音樂家客人來訪。當日好多外國人，老闆心血來潮，與客人們即席與眾同樂，來個live jam，這種隨意率性的小島風情非常稀有，好爽😬試咗杯today's special 伯爵咖啡 (HK$60)及tiramisu (HK$3x) ，前者好香earl grey，與老闆傾開先知喺鬼佬鴛鴦~咦? 又喺WO🤣 tiramisu 勁重酒味，好足料，小心食醉😬cafe亦有自焙咖啡，有掛耳/沖粉，可以當手信返屋企飲
繼續閱讀
《咖啡譜》📍南丫島假日休閑好去處之一(o^^o)如果行到好累或者想搵一個角落小地方去嘆咖啡，可以到依間寧靜隱閉的咖啡店去享受美好的假日( ´▽｀)一入到去成間餐廳好有休閑度假嘅氣氛，望到牆身會有手寫嘅餐牌，而且餐廳入邊會放着部琴，上面仲有好多咖啡迷嘅簽名，睇得出店主對於咖啡都有一定嘅研究(⁎⁍̴̛ᴗ⁍̴̛⁎)💜Iced Americano $35Meow小編點左一杯Ice Americano試吓佢沖嘅咖啡味道，一飲係冇苦澀味，反而有好香濃嘅咖啡豆味，而且飲落會漸漸會有咖啡的回甘味擴散去口腔內～當小編打開個蓋係望到面頭有一層泡沫，應該係打咖啡豆而成嘅？雖然小編對於咖啡唔係有好多研究，但係相信呢款有回甘味嘅咖啡應該都係唔錯嘅咖啡(｡ì _ í｡)幸福指數：😻😻😻/5*不需加一服務費(外賣)Yumyum舔舔脷指數：🧸🧸🧸🧸/6環境指數：🧸🧸🧸🧸🧸/6服務指數：🧸🧸🧸🧸🧸/6性價比指數：🧸🧸🧸🧸🧸/6回頭指數：🧸🧸🧸🧸/6(滿分為🧸🧸🧸🧸🧸🧸)以上屬小編主觀(非專業)食評，所有意見只供參考( ´▽｀)
繼續閱讀
一間真心充滿人情味嘅咖啡店，老闆係一個對咖啡豆充滿熱情同專業嘅人，我好幸運係我南丫島之旅，可以認識到咖啡店老闆，同埋品嘗到佢嘅虹吸同手沖咖啡嘅手勢。如果你對咖啡係好有熱誠，同埋真正認識咖啡嘅人，你會發覺咖啡譜裏面嘅咖啡真係好高質素。我兩日裏面，試過Burundi Kayanza 嘅虹吸咖啡同埋Kenya AAA 嘅手沖咖啡,兩者咖啡香氣撲鼻，入口嘅時候係好順滑同埋舒服嘅感覺。Burundi 嘅茶感好出，感覺好香醇。Kenya 嘅黑棗同烏梅味好出，果味香濃。咖啡譜絕對係一個寶藏，咖啡豆好高品質，所以我買左包咖啡豆返屋企。我真心欣賞同佩服老闆對咖啡嘅專業同熱誠，佢毫無吝嗇咁分享佢炒豆同沖咖啡嘅心得，我知道我好快又會返去南丫島再去品嚐咖啡譜嘅咖啡。
繼續閱讀
難得入到南丫島，人山人海，難得見到有咖啡賣，呢間cafe 少人d, 就即刻買杯ice black 同埋scone....點知杯啡質素真係麻麻，話佢nutty 又唔係。。fruity 又唔算。隻酸味怪怪地。即使我係凍飲，已經有冰，隻味都係好出。至於個scone...一d 都唔鬆，冇牛油香。。幸好價錢唔算貴。。環境都可以，戶外都有2個位可以坐，如果純粹想有個位hea 下，可以試一試，但如果真係想杯靚啡，就可能要揀其他cafe喇。
繼續閱讀
自己無開寫食評，本身都唔打算評餐廳，所以無去影相，只係寫下個人意見。啡難飲，飲過杯美式咖啡有陣不舒服既酸味，可能隻豆問題掛，坊間連鎖店都好飲過佢。另外scone 都幾難食，有鹽，鹹食（？）唔鬆，咬落去有啲實，無牛油味，與我期望又香又鬆既scone 係兩回事。我過左一日不愉快既南丫島之旅，鍾意飲啡既朋友不推介。
繼續閱讀
您可能會有興趣的...