影片
以上資料只供參考, 請與餐廳確認詳情
招牌菜
昨天是假期，時間十分充裕，所以帶著期望來這裏試試。有人已經跟我說這裏的份量對於我一定不夠。但心裏想在這區這類的西餐廳都是比較少，所以也想試試，或許會有點驚喜。夫婦二人晚上約7:30來到門口，店內已九成滿座，剛好有一張二人圓枱，但比較接近廁所和洗碗的地方。拿著一個餐牌，太太選了意大利芝士忌廉汁牛肉飯，我因怕真的份量少，所以選了一個應該夠吃的德國咸豬手，心想咸豬手不會小的吧！再加十元配了一個南瓜湯，我們要求吃法包，兩個餐都跟一杯熱飲。點了餐後約過了五分鐘，熱湯和蒜蓉多士來了（來錯了麵飽就算了），那時資深的服務員才發覺我們沒有清水和餐具。湯和麵飽都熱，味道一般，有淡淡的南瓜味，很快就喝完了。等了又等，意大利飯來了。若不是有人提醒，不然必定給其份量嚇倒了，飯的面積約有四吋的直徑，牛肉有四塊。和太太一人一匙的，一下子就把它清了！ 飯帶著芝士汁，吃入口中有點意大利食品的味道（其實那時我是想起又一城的Amaroni's Little Italy，雖然格局和位置有不同，但我想以價錢和份量來比較，二店是差不多的，Little Italy是貴，但份量足夠，並且味道叫人懷念），牛肉有點渣。我們二人都有點失望。接著就呆坐了半小時，等了又等，看見有食品送到我後面的客人，太太說他們比我們更早來到的，心裏又一沉。在我右邊的一家人，有老有少的，那位小女孩笑完咸完，出了店外又回來，心想他們吃完為何還不離開呢？原來他們其中一樣食品現在才來！ 終於我們的咸豬手配芥辣汁來了。還好這個份量好看過意大利飯，芥辣汁是不俗的，唯少了一點，豬手的皮和肉很快就離開了，豬手皮不算肥，但肉就較散，用义來吃時就散了。我們要了咖啡，味道一般，沒有期望在這類西式餐廳會有這質素，因之前已失望，所以反而不覺甚麼。整體而言，食物質素不算差，只屬一般，但以這價錢和份量就有點強差人意了。再加上其出菜的速度，更加連再試一次的勇氣也消失了。或許他們不應在這區開店，我想若在西灣河鯉景灣那一帶的地方開，人客志在談心吹海風，可能會比較適合。
繼續閱讀
Icon café 算係近期係北帝街新開O既食店! 平日行過見到呢間舖頭水靜河飛! 但今日找地方醫肚見到舖頭入面有d人氣(本來想去對面的金×利醫肚)便入去試一試!!....:我點左“匈牙利蕃茄蓉鮮蝦意大利飯“$60同埋“紐西蘭牛柳伴黑椒腸配野菌汁”$75、另外還加了$l0叫左“意大利雜菜湯配蒜蓉飽”…..先到的食物“意大利雜菜湯”…見到有d呆眼!d湯o既顏色有d似茶! 一飲就我同老婆大家眼望眼二口同聲講飲鹽水湯得個咸字! 蒜蓉飽唔特別差唔特別好!.. “紐西蘭牛柳伴黑椒腸配野菌汁”黎到即刻有比人厄既感覺出現! 塊牛柳薄到得五蚊銀坩厚、雖然有兩塊但加埋都大唔過我部Galaxy…….條腸長唔過中指、粗唔過食指!...雪糕球一樣大o既薯蓉普普通通!...跟住意大利飯到! 我地對眼呆多一次!...首先買相得條莞茜做伴碟、用左隻約五吋×五吋白色膠碟盛住d飯!..望落去有d似大排檔d午市套餐(A餐..西抄飯)果隻! 食落味道當然無驚喜!但味道同買相都不及d飯既質地坩唔惦!.. d飯既質地、意大利飯應該痴立立有d硬!但我地一食d飯、d感覺就似食冷飯翻蒸!d飯煮到過晒火!飯粒爆晒口!...再加上配料”鮮蝦”!少之又少!..凍檸茶、檸水不值一提!好老實!埋單仲加埋一要成$171! 比錢食d坩o既野真係有d離譜! 食物質數差、份量又少! 連一向細食o既老婆之前唔食蒜蓉飽因驚食唔晒碟飯!最後我都要返屋企再食野填肚!!!!十個火
繼續閱讀
太座一直很想試這一間最近轉了手的西餐廳。今夜的快閃晚飯小聚，地方就敲定在這兒吧....無論是裝修佈局抑或是食物的收費價錢，這裡都跟上兩手的餐廳是大同小異的。不過很不幸的一點是，就連食物的水準也是同樣的不濟....就單單先說那碗只令人吃着一股黑胡椒的味道，但卻又稀淡如水的洋葱湯。喝多兩口已讓人提不起勁過來了....伴吃的蒜蓉多士亦是枉然的 --- 蒜蓉醬極少，吃不出甚麼味來。唯一叫好的，只是夠脆。不過硬度卻是令入可以咬崩牙的...明明叫了香草欖油煙肉雞絲意大利粉的，但上枱時卻變成了扁意粉。反正我兩者都沒大所謂，閉起雙眼照吞下肚可也。份量頗小的，而且炒得甚油膩(幸好用的是olive oil，不然就會飽飽滯滯了)；料又不算太多(特別是雞絲，真是要翻箱倒籠才找得到)；linguine是十分的港式茶記處理手法，一點咬口也沒有。吃到的，竟跟那餐湯一般，都只是吃到一股濃重的黑椒味....試了一口太太的牛柳，淰是夠淰的，但那所謂的野菌汁卻是不夠濃厚；那伴碟的胡椒腸，只可說是自己孤陋寡聞，是吃來吃去也不像在吃sausages，就只像將一團東西 / 肉放進口中而已...雖說價位十分的經濟，是不大應該對東西有甚麼要求的。不過若有相類的選擇的話，自己就反而覺得上趟吃過同區，在上路的"Yan 1-cafe"就更勝幾籌了....
繼續閱讀
唔錯唔錯!新張期間, 建議唔好爆場果時入去食左佢個煙三文魚南瓜意大利飯意大利飯要煮得好食唔易, 佢唔算"痴", 唔算硬算係煮到岩岩好另外跟餐果個南瓜湯都幾正, 要試試不過佢d waiter真係好生手waiter係請返黎, 生手唔緊要但係連個疑似老細都好似係生手咁兩個餐咁簡單, 就已經有一個飯漏左單我食到一半, 摧一摧佢先知漏左單...佢拿拿臨煮, 朋友個飯黎到, 我都差唔多食晒, 攪到有d冇癮好生手, 不過服務態度算係幾好間野未夠老練, 但係食物方面係煮得有心機唔係求其之作其實比起前身既canteen已經好好多過多排等佢熟手d, 我會再去始終佢d食物係ok架整體上我會俾呢間野80分
繼續閱讀
全間餐廳得一個waiter,仲要係完全唔聽人講野,等左30分鍾野飲又無野食又無,同佢講佢聽都唔聽就擺左两本menu喺度,再叫佢個waiter先講無落單,服務實在太差!
繼續閱讀