影片
附加資料
消費滿$200方何使用信用咭
營業時間
星期一至日
11:00 - 17:00
18:00 - 23:00
以上資料只供參考, 請與餐廳確認詳情
招牌菜
入大圍踩車, 最頭痛就係唔知去邊食野, 又平又飽行行下見到有商場, 天氣熱, 就入去呢間野個經理/boss係咁sell佢地既定食,門口仲擺左雪櫃, 標明movenpick, 唔知真定假叫左 芝士南瓜海鮮飯($5x): 幾好食, 芝士味幾香, 南瓜都幾粉, 但我嫌唔夠甜, 因為我同朋友share, 我只食到魚, 炸得幾好吉列豬扒飯($4x): 豬扒ok, 汁係照燒汁, 稀左d, 味道ok既, 但另外上既飯真係好少豬軟骨拉面($4x): 面好腍, 豬軟骨唔係軟骨, 唔夠腍, 成碗面, 一d都無日本風味, 唔講係日本拉面既..味道都食得入口既黑椒牛舌($30): 本身我地叫係燒物既牛舌, 點知佢黎左串燒, 仲要我地問, 佢先話舖到無燒物個隻牛舌, (咁就唔好擺佢係menu啦!! 仲要唔講俾客人知), 兩串上, 大舊有4件, 細舊(剩低的)有2小件, 有咬口, 味道唔錯, 但咁就$30由於係套餐, 會有前菜同甜品前菜係麻醬味既玉子豆腐...only 1件, 食落好似食緊腸粉咁甜品就係頭先講既movenpick ice-cream, 只有綠茶同芝麻味, 綠茶幾清甜帶甘, 同一般食唔同, 芝麻味幾濃, 但都幾甜...(如果唔食雪糕, 可轉飲品, or+$5轉特飲)service..not ok架喇, waiter們無笑容, 落單又好似好唔耐煩, (上述)仲要唔老實, 唔怪得無乜客人啦順帶一提, 睇menu時, 記得睇清楚大menu同普通menu的菜式同價錢因為例如我地叫既芝士南瓜海鮮飯, 係普遍menu係套餐&平d, 但係大menu個名好似少左"芝士", 係單叫, 仲要貴d.................仲有menu上竟然會有泡菜石頭飯...但明明就係日式料理台....真係好奇怪 呢d亦係香港好多食肆既通病
繼續閱讀
今晚無煮飯，於是落樓下呢間日本餐廳試下。在門口，見到全店當時只有一個客人...我地諗唔知係唔係因為打風所以禁少人。我地入到去都 order 左一個二人餐 ($138 + 10%)，包括有:1) 三文魚刺身2) 照燒雞排3) 蛟子4) 拉麵 兩碗 (如轉烏東要另加錢)5) 餐飲兩杯，我地要左ice lemon tea & ice coffee起初覺得以呢個價錢有禁多野食都幾抵...不過食完之後，就發覺一 d 都唔值!1) 三文魚刺身 - 無咩特別，但一食就知係一般貨色，唔係好夠鮮味...元氣好好多 。2) 照燒雞排 - 得好細碟，味道一般，吉野家做的好味好多。3) 蛟子 - 味道 ok 4) 拉麵 - 真係好差...基本上係無咩材料的...麵整得好淋...湯底無味...係食過最差的拉麵 。5) 餐飲兩杯，我地要左ice lemon tea & ice coffee... 個 ice coffee 一飲就知係平價咖啡 。可能少人0既關係，上菜上得好快。 不過真係一食就食得出呢間0既d 用料唔得...0甘0既食物，唔怪得知無人啦!
繼續閱讀
朋友仔黎沙田見工... 見自己冇野做，便相約朋友在大圍食飯。見寶田有七十一款定食 (包埋麵豉湯和前菜)，價錢相宜，咁就入去試。 三文魚蟹籽飯: 有四塊三文魚，厚度適中，但唔夠新鮮肥美，有少少梅既感覺.. 至於蟹籽就 OK 的。而 D 飯就落得太多醋了，好酸 ~~~ 而且佢個 SIZE 好細，感覺有點小家。 地獄拉麵: 朋友仔點的，佢都話個份量唔得，好少。同埋覺得唔夠熱，麵質好林，湯地較油，中下水準。相信都唔會再去了 ~~~
繼續閱讀
自從之前間三和轉左名,等openrice開呢間餐廳ge record等左好耐....事實上, 呢篇係我首篇食評....以往試過好與唔好ge餐廳, 其他人講ge意見大概都可以形容到我ge感覺...所以無去專登去寫...但係呢次我等左成個月, 都仲係好想寫低我ge不滿....事緣由三和到寶田, 開左成年幾我都未試過...而我其實係好鍾意食日本野, 雖然去過日本2次, 仍然想再去大刷一餐!!咁果晚就同girlfriend去試下...間野由2月開始搞左個 "入座即送三文魚刺身" 優惠, 見係送... 試下....另外order左黑板上面寫ge七味雜錦刺身, 佢標明送海膽刺身一板...仲有個海鮮烏冬,girlfriend唔記得叫左咩麵...(記得ge 3個item, 只因係3個都有問題... 詳情之後講)我好同意樓下第2個食家講, 入面有個男人staff (應該係大粒人) seems好有禮貌~但係.... 間舖頭每晚得果三兩檯客, 好難無時間/無人手serve wor...同埋.... marketing je....佢不斷提住話我地order果個雜錦刺身個師傅"整"得好靚, o黎到我地就知咁...呢一句令我對佢做marketing ge力度好有體會...首先o黎果個送ge三文魚刺身....食落.... 咁怪ge....... 勁腥味, 懷疑隔左一晚夜...之後我已經唔多高興.... 但係order左個刺身, 又唔好意思話cancel...一o黎.... 係真係"整"得好靚wor, 個兜........放晒碎冰, 葉呀咁....但係大大隻碟, 細細堆刺身.... 分到開晒, size又唔o岩....食落就無果種隔夜味ge, 但係我食到有d不是味兒, 因為真係成舊水得d刺身仔咁細..仲要數o黎數去, 點解得7種刺身ge呢, 唔係話送海膽刺身咩?我即時睇番本menu, 原來....... 我地個刺身括住左包邊幾樣, 其中有個就係海膽...有無搞錯呀!! 咁即係"包括"海膽, 唔係"送"海膽啦!!!! 我真係激到無野好講.之後o黎左個海鮮"拉麵"... 我同個男人講我係叫烏冬wor..佢面色沉左一沉........ 結果都換左俾我....但係.... 最重點ge係... 我一路食, 一路搵到ge只係三文魚塊, 吞拿魚塊, 同埋d蟹柳咁... 連魚蛋都無...我想問下....... 其實佢係咪將d隔夜ge三文魚送做刺身, 再賣唔出/隔多幾晚ge o黎做海鮮烏冬呢?我明白每一間日本餐廳, 海鮮烏冬/拉麵用ge料都有所不同...我唔係要求每間都有青口, 帶子, 蝦等等...但係我未見過淨係得d同刺身一模一樣ge料但係煮熟左囉....全晚都活o向不安同憤怒ge心情....到埋單.... 張單寫$256 ge~到我簽左卡, 張信用卡單係$258.......其實唔只我, 我有d friend以前去過"三和"食ge, 都話佢會計多人錢...但係咁樣呃.... 又真係估佢唔到....我知6同8字差唔多好難發現, 好可惜我見得到.最後... 我失望到落俾貼士施捨俾佢地算la...我無癮到同佢地嘈ge心情都無...我深信.... 呢一間餐廳只會係等天收同等眾食家ge罷食! (註: 本來我諗住問番girlfriend拎d相放上o黎, 點知佢話難食到delete埋, 以後都唔想見... @_@)
繼續閱讀
12/4 星期日復活節,隔離吉野家好多人,同 5 個 friends 一齊又肚餓,見呢度有位就入左去,入去之前都講左話呢間野試過一次唔得,咁見其他人都無問題,我唔反對,諗著俾多次機會佢~咁就叫野食啦,同個 waitress 講話要豬扒飯,鰻魚飯,跟著一句" Number 呀!!!" 彈過黎,叫我講個餐牌野食個 number 黎點餐,咁我講左鰻魚飯你都可以自己 translate 返 ga ma,當你唔記得都可以好 d 禮貌嗎? 個 waitress o係門口就好好禮貌叫 d 客入去,入到去就唔同哂態度~咁就叫完佢個 Lunch set 啦,有人食豬扒飯,鰻魚飯,魚生飯。個豬扒飯塊豬扒都幾金黃色 gei,不過個鰻魚飯塊鰻魚就好細塊,個鰻魚飯仲要係特別貴,又係隔離吉野家個鰻魚飯都好過佢!!!跟著叫左兩個牛肉飯,要凍飲,跟著 d 豬扒鰻魚飯都黎哂,過左 15 mins 牛肉飯都未到,咁就同 waiter 講啦,跟著其他野都食哂之後仲未到,又再同 waiter 講~最後等左 30 mins 都無黎,咁就因為都趕時間,搞到有人飯都無得食就要取消個餐和離開。只不過係兩個牛肉飯,唔明點解 30 mins 都黎唔到, 30 mins 真係過隔離吉野家買完,食埋走人都得啦! 真係離譜呀! 個凍飲收返我轉凍飲個 $2,杯野飲又係等左好耐先到,杯 coffee 又係好淡又無味,真係咁平咁俾我飲都抵唔到我餓左 30 mins 都無野食 law!
繼續閱讀