影片
營業時間
今日營業
11:30 - 21:45
星期一至日
11:30 - 21:45
以上資料只供參考, 請與餐廳確認詳情
相關文章
其實我都好耐冇去過榕基，上一次去已經係舊舖嘅時候，嗰陣時新開仲係喺橫街細鋪仔，細細間，人流不多，挺有滋味。反而而家開咗嚟大街廣福道中間，都想試吓佢有沒有變化。想不到，去大舖之後它仍然保持一貫作風，慢慢落完單之後先至一個托盤將整個午餐托出，真正「和盤托出」始終我都唔太食得鵝，於是就叫咗個豬頸肉，豬頸肉的肉質相當好，夠油香滑溜，細細塊，以上邊的蜜汁味道夠甜香，上邊那塊蜜汁簡直燒得脆香，完全是焦香的那個狀態，非常可口。而家多咗枱佢都沒有見到服務特別差，依然仍然會以前那般殷勤，即使因為呢邊卡位以及中間座位都坐滿晒人。湯麵不算太大碗，份量剛剛好，沒有點我有的始終驚會敏感，清雞湯嘅麵條都夠晒份量，大大碗，湯熱又香太太還是點了的滷水鵝，滷水我比我想像中美味，佢整到細細件，因此滷水鵝肉食起上來細細塊，感覺夠嫩口，滷水鵝煮得好嘅時候，就係沒有燒鵝那種鵝油以及酥香味道。不過我都係10年先至食一次鵝肉，因此也很難批評，只不過佢肥瘦均勻，不覺得太多脂肪，但有特別具香味，因此都算是挺不錯的。冬瓜茶真是偏甜，不怕甜的人也覺甜小食嚟講佢嘅鵝腸亦都係味道相當唔錯，好清新，好爽口，都很乾淨，完全沒有異味。
繼續閱讀
每次經過都見到好多人係門口排隊，所以好好奇係咪咁好食，所以就決定排隊試下，好彩唔係等左好耐就入得，鋪頭細細間，但裝修幾整潔。睇餐單除左鵝/鴨外，仲有豬/牛/雞等等，仲可以配飯或者鵝油撈麵，就叫左招牌滷水獅頭鵝+鮮鵝油撈麵！招牌滷水獅頭鵝+鮮鵝油撈麵⭐獅頭鵝滷得幾入味，滷水調味幾香濃，鵝皮帶少少爽脆，鵝肉肉質嫩口，食完唔會口乾，麵條爽滑彈牙，撈埋鵝油令香氣提升更重鵝味，搭配埋秘製川麻辣醬辣中帶麻。另外有個小甜酸菜好清爽開胃。
繼續閱讀
💙招牌滷水鵝髀配鵝油拌麵💙招牌滷水獅頭鵝配配滷肉飯💙花雕雞軟骨💙招牌滷水鵝髀配鵝油拌麵鵝肉好食！ 鵝髀啲肉係厚身啲同埋大份啲～滷得好入味～配既鵝油拌麵食唔好出鵝油 但揀咗少辣所以好惹味 個辣係有麻🤪小菜既腌蘿蔔都好爽口💙招牌滷水獅頭鵝配配滷肉飯呢個鵝肉就細啲，但係個皮就多啲～滷肉飯既肉係偏向多啲瘦肉，所以油脂冇咁重，佢仲有得揀少飯～小菜既蓮藕丁都好好食💙花雕雞軟骨 MVP居然係花雕雞軟骨應該可能煮咗好耐，所以花雕酒嘅酒精味完全冇晒！得返酒嘅甜味再加埋有少少杞子，但係啲雞軟骨仲係脆嘅，所以個口感同埋食落去都好得意😊
繼續閱讀
#大埔搵食 同屋企人一齊放假，所以打算chill住去大埔墟買菜，買菜前當然要填飽個肚仔先😌所以就去左成日排長龍的榕基滷水店，食下打冷嘢。因為店入面位置有限，我去個陣已經好多人，所以舖頭入面真係唔方便影；位置就係普通茶記位，大家又唔需要擔心係D街邊檔形式。舖頭都好乾淨，衛生程度唔錯，侍應都多，一坐低就比QR code點單，所以一定唔需要等好耐。我地order左兩份全日套餐，分別係招牌滷水獅頭鵝一份，另外一份就係香烤焦糖豬頸肉配秘制酸辣汁。獅頭鵝就一如既往的好，肉質好入味，唔會咬唔開！配埋鵝油撈麵，相當正！香烤焦糖豬頸肉配秘制酸辣汁相當有驚喜，份量都叫做OK；但係個豬頸肉加蜜糖烤到相當脆皮，甜得來唔會太膩，超級好食！加埋個酸辣汁，咁感覺仲好有D泰式感覺！此外我地仲額外叫多左份墨魚，相當爽口，脆卜卜！推介大家試下依間榕基滷水店🥰#榕基滷水專門店1992（大埔）📍大埔廣福道97-99號地舖
繼續閱讀
12/10/2024📍榕基滷水專門店1992之前睇YouTube介紹過呢間舖 話幾個後生仔將傳統老店以新派方式經營💡呢日經過大埔 終於有機會嚟試下晚市唔只滿座 仲有好多人等外賣 入面裝修的確冇果種老店嘅感覺 好光猛 不過座位比較窄 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨原隻鵝髀配鵝油撈麵（$82）+黃金滷肉（$7）成隻去骨鵝髀切開咗8嚿 食起上嚟好方便 冇乜皮下脂肪 肉質實淨 好入味！黃金滷肉同台式滷肉差唔多 撈落個麵度 冚過咗鵝油香 但都幾好食幾鍾意個麵質 唔會太軟身🍜每個set都可以揀一款小碟 我哋試咗糖脆炒花生魚仔同埋醃蘿蔔 都幾好食✨綜合牛肉配雞湯麵（$69）+滷豆腐（$9）一次過試晒牛𦟌、牛筋、牛肚 全部都煮到好腍好入味🐮但係牛𦟌切到好薄 口感差咗啲 牛筋好冧 好似豬軟骨咁 食落好驚喜湯麵嘅湯底唔油 又有雞嘅鮮甜 麵質同撈麵一樣 唔易浸到腍晒🍜滷豆腐有4片 同樣係好入味 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單～$180（免收加一）我哋都未試過專賣滷水嘅餐廳 所以都唔知點為之出色嘅滷水 但單憑個人喜好 我哋都幾鍾意呢間嘅口味🫶🏻推薦指數🌟：4/5📍大埔廣福道97-99號地舖
繼續閱讀