影片
營業時間
今日營業
11:30 - 21:30
星期一至四
11:30 - 21:00
星期五至日
11:30 - 21:30
公眾假期
11:30 - 21:30
以上資料只供參考, 請與餐廳確認詳情
.#foodie #hk #hkfoodie#HTB美食推介【大埔古早台灣菜｜🍤巨大炸物便當湯拌麵】🐨香酥脆雞便當 $75+12推薦度：⭐️⭐️⭐️⭐⭐️黎到食台灣菜唔可以唔試吓啲炸物！！叫咗香酥脆雞有三大件咁多，枱上仲有麻辣、海苔粉提供，可以一次過試晒唔同味道😋便當仲可以加錢轉滷肉飯，滷肉肥瘦分明，撈埋飯食認真高質！仲有蔬菜、雞蛋同粉絲作配菜，營養滿分～.🐨香酥排骨湯麵 $84推薦度：⭐️⭐️⭐️⭐見免費所以轉咗秘製撈麵，試試佢！！！餐廳係用鮮關廟麵做，麵質有咬口，醬汁微微帶甜，有豬油香又有光澤，仲有埋炸乾蔥、炸蒜等，口感更加豐富更有層次～.🐨香酥魷魚足（大） $68推薦度：⭐️⭐️⭐️⭐魷魚切開一件件蘸上炸粉直接炸，唔會炸到太乾身，一上枱聞到勁香魷魚味～配嘅醬汁少少辣少少甜，好特別，絕對值得一試😋.🐨脆薯起司蛋餅 $38推薦度：⭐️⭐️⭐️⭐⭐好少何見蛋餅會有脆薯呢一個餡料，脆薯雖然包喺入邊，但係都保持到外脆嘅口感，食落好香口！蛋餅芝士味濃，而且煎得啱啱好唔會好油，味道極佳😍.🐨黑糖波霸牛乳 $40推薦度：⭐️⭐️⭐️⭐⭐️牛乳採用維記牛奶，非常香濃有兒時回憶！整體黑糖味重，珍珠有咬口唔會好黐牙🧋令人想一杯接一杯飲....🐨青森蘋果翠玉 $36推薦度：⭐️⭐️⭐️⭐⭐️見到佢喺大埔店限定，梗係要試吓啦，味道好清新，有青檸嘅酸、蘋果嘅甜味配合得啱啱好～食完炸物解膩一流！！——☼——☼——☼——☼——☼——那個ㄋㄚˋ ㄍㄜ 📍地址：大埔翠和里5號麗和閣地下D1號舖🐨推薦度：😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡🛠️分類：#HTB大埔 #HTB台灣菜.#大埔美食 #大埔 #台灣菜 #台灣 #便當 #滷肉飯 #湯麵 #拌麵 #美食推介
繼續閱讀
開咗好耐但一直冇機會試，今次係出面泊到車位終於食到，估唔到有驚喜。本身價錢唔算貴，飯/麵餐會包一杯凍/熱茶，可以加配嘅小食都幾平所以冇抱太大期望。冇諗到真係有台灣古早味，幾個菜式都有少少炭燒味，茶都好好飲。滷肉飯唔係hea嘅肉碎，係肥瘦相間嘅肉粒，好有油香，味道好足。嘉義雞肉飯，明明係加配嘅細碗但好足料，蔥油超香。呢間舖所有嘢份量都唔細，又好味，絕對會再黎幫襯！冇得飛台灣嘅時候可以過下口癮😂（BTW 洗手間雖舊但乾淨唔濕，洗手液幾好聞lol
繼續閱讀
第一次嚟試揀咗招牌迷你滷肉飯加小吃三星蔥餡餅，係有驚喜。滷肉半肥瘦多汁一啲都唔嚡口，蔥餡餅爆汁。鐘意台式菜要試試。環境方面模仿台式cafe打卡一流，睇得出有心機經營。
繼續閱讀
最近番工係大埔醫院個頭 不嬲都知大埔醫院附近無咩好食 但係去大埔中心個到又食到悶哂經朋友介紹 去左翠和里附近搵下有咩好野食去到見到有間台灣野新開又裝修幾靚就入去試下叫左個必食嘅那個滷排骨便當 黎到嚇一嚇塊滷排骨仲大過我塊面 但咁大塊又好入味 烤到有少少脆 對於我呢個肉食獸黎講真係無得彈下次一定會再去食多次其他款式
繼續閱讀
大埔既餐廳食極都食唔完😂😂😂經過見到裝修幾靚就行左入去食🤪🤪（10分為滿分：🌕）味道：🌕🌕🌕🌕🌕🌕🌑🌑🌑🌑紅燒牛腱湯麵($88)配鮮關廟麵及櫻花蝦辣椒湯底係偏中藥既湯底，甘甘甜甜，係比較少見既味道，都算幾特別🤪🤪牛肉都夠腍，關廟麵底麵算煮得剛剛好，不過份量就真係好細份，男仔黎食係完全唔會飽🥹🥹🥹脆薯起司蛋餅($38)食台灣菜一定要食蛋餅，呢到既蛋餅料都尚算充足，但個蛋皮就比較薄，味道不過不失🫣香酥花枝丸($22)都係新鮮炸起夠熱辣辣，不過得3粒2個人分就唔太夠喉🙈🙈香酥臺南蝦卷($28)呢個蝦卷係因為見佢登記會員有coupon free一個$28或以下小食就後加左😂不過就普普通通冇咩特別，似魚肉春卷既感覺不過重口味啲，同花枝丸個味其實差不多😂😂🫣🫣迷你嘉義雞肉飯($38)呢個迷你飯份量都唔算少，如果女仔食唔到一個餐可以叫一個當主食，雞既份量都算足夠，肉質都夠嫩滑，不過佢個汁就咸咸甜甜咁，唔係平時食開既口味😂😂😂😂那個招牌濃厚奶茶($32)+仙草(+$5)茶底揀左綠茶底，綠茶味都幾出，飲落幾清爽，本身係想加珍珠，但點知得黑糖珍珠無普通珍珠，所以就揀左仙草，但加$5份量比想像少唔太抵🥹🥹另外，其實見到有優老加$3可變1000ml，但見到隔離枱個杯咁大杯就嚇就無叫到，如果飲得曬既話係幾抵😂價錢：🌕🌕🌕🌕🌕🌕🌑🌑🌑🌑價錢黎講同平時食台灣菜差不多，但份量就真係唔太夠，主菜唔會食得飽，一定要再加其他小食，飲品黎講加珍珠/仙草要另外加錢唔算抵，所以唔算話非常抵食🙈🙈🙈交通：🌕🌕🌕🌕🌕🌕🌑🌑🌑🌑位置就同上次介紹既Boundless by reaction同一條街，係太和站行過去會近啲😝😝鋪頭出面就係一個咪錶場，不過長期麵勁蛋車，要成功等到位一定要有耐性🙈🙈🙈環境：🌕🌕🌕🌕🌕🌕🌕🌕🌑🌑鋪頭內既裝修係算幾靚既，古典木style，卡位會坐得舒服啲，但2人去食就要坐中間啲2人枱，會同旁邊既人坐得好近，所以坐得唔算話太舒服🫣🫣🫣性價比：🌕🌕🌕🌕🌕🌕🌑🌑🌑🌑台灣菜黎講味道唔算突出，價錢同份量唔太成正比，惟一可取係裝修風枱同餐具都揀得幾靚，不過食完一次唔會話想特別再食🤨🤨
繼續閱讀