影片
以上資料只供參考, 請與餐廳確認詳情
上次半年前黎左食豬潤肉片米 好想食多次 但今次黎到豬潤賣晒 老闆話因為佢地用新鮮豬潤 唔用急凍豬潤 賣晒就無🥲唯有食其他咁今次佢有新花款 多左雞蛋仔 鯛魚燒 最後走個陣仲發現到佢有炒雪糕 無試到 但佢話可以家庭樂 自己炒又得 佢地炒都得 仲有唔同味凍鴛鴦唔洗講嫁啦 必叫紅豆冰今次老闆推介加左海鹽味雪糕 我家姐話好正我試左少少 又真係幾好味 牛奶味好濃郁 加少少海鹽嘅咸 更加突出奶香味朱古力雪糕+朱古力鯛魚燒整係睇個賣相都可以打晒卡啦 上面有爆炸糖棉花糖配脆脆嘅鯛魚燒 口感豐富 好夾 上面朵花都係糖黎 食得嫁 唔係藥水味 食晒👍🏻唔中意朱古力味都可以轉味 我家姐叫左 曲奇味+吉士鯛魚燒咸牛蛋包嘩 呢個都入左我嘅必食推介咸牛蛋入口即溶 麵包外脆內軟 真係無得輸班蘭雞蛋仔我貪心叫人地加雪糕 食落去好now搞😂一滅就跌雪糕 建議加落鯛魚燒到或另叫雪糕食比較好 整係評價班蘭雞蛋仔 好香班蘭味唔太甜 食多幾粒都唔怕大澳蝦醬/蝦膏炒飯（唔記得名）超香咸香得黎又唔會過咸 材料豐富 飯粒軟身得黎又乾身 仲粒粒分明又入左我必食推介奶油豬外脆內軟 牛油即化 上次食過 keep到水準👍🏻下次入大澳一定再幫襯要試埋炒雪糕先
繼續閱讀
上星期入嚟行下，食咗個超好食嘅豬柳蛋漢堡😋😋，嗰日入到大澳食咗好多小食，但係呢一個係我覺得最好食，除咗啲餡，包皮一樣好緊要，個包皮外脆內軟好正👍🏾👍🏾，仲有炸雞髀🍗，面頭脆扑扑，入面仲係勁多汁好滑，呢兩樣一定要食，入嚟前喺網上搵有啲乜嘢好食，雖然冇介紹，但盲中中諗住搵間野坐坐，點知好有驚喜🤩🤩
繼續閱讀
黎到大澳,次次都係掃街今次經過呢間姿味坊,試吓先由於係開心share食,食物黎到,叫妹妹幫手拎碗快😊妹妹好叻好幫得手食咗豬肝豬肉米(家的味道)牛腩麵(牛腩好淋好入味)豬扒包,鹹牛炒蛋包👍🏻👍🏻👍🏻堅好食
繼續閱讀
今日中午路經大澳，經過這間食店，我選擇了一個蒸魚午市套餐，老闆介紹今日的蒸魚是⋯大澳黃立倉，我立即選擇試試。原來發現這條倉魚十分好食，好有海魚的鮮味、而且醬汁一流、火候十足，並且魚肉鮮極至入口溶化，是我在其他地方從未食過這種那麼好的黃立倉的鮮味，我覺得十分滿意！而且我把整條魚完全食晒，連魚骨也食清楚其味道，正斗之極！在價錢方面，只是一個午市套餐價錢，當然非常合理。老闆娘行過問一問我對這條蒸魚的食評，我當然表示十分讚賞！原來是她煮的。之後，老闆也主動與我們分享在大澳出產的魚類，整個午餐的感覺，覺得大澳人情味濃。
繼續閱讀
小情味小店，遠到大澳都可以體會到😘😘為咗一睹小燈籠風采,遠道去到水鄉大澳，大約五點全街仍然有很多人，應該係想等到6:30亮燈儀式簡單走了一圈，食咗一個淡而無味嘅豆腐花仍然未夠喉，走着走着很香的炭火燒烤魷魚串燒撲鼻而來，最後被這間門口貼着豬扒包照片而吸引着，決定走入這間毫不起眼的小店在門口正在徘徊的時候疑似老闆已經很熱情的招呼着: 裏面坐啦，有冷氣㗎❄️對行到又熱又攰嘅我呢個時候聽到呢一句說話簡直就好似遇到救世主打救一樣😚原來經過廚房裏面係別有洞天，簡單放着四張枱，整個空間其實係煙霧離漫，不過冇辦法只好硬着頭皮坐埋去唯一張吉枱因為表姐未食嘢，所以好快就決定 豬扒包🍔炸雞髀🍗同埋蝦醬炒飯🦐上菜速度快速，雞髀炸得好靚，外皮金黃色非常吸引，豬扒包嘅麵包係法包，看似好硬但係外脆內軟，真係好想問佢麵包可唔可以單買，反而係塊豬扒比較平凡，不過整體都OK嘅登登登，嚟到大澳點可以唔食蝦膏嘅產品，蝦膏炒飯出場較早嘅時間睇住一位應該係老闆娘嘅女士拎住一碟白飯同埋一碟材料行入去後邊貼住廁所圖樣嘅門口，我諗應該係廚房吧，3分鐘後一點香噴噴嘅蝦膏炒飯就出爐了🥰🥰🥰第一啖食得出一啲都唔孤寒，用料足好多蝦，而且啲蝦肯定係原產地直送唔係雪藏，蝦膏鹹香唔係死鹹明顯新鮮唔係擺咗成年，大大碟抵食兼好食😋食到一半嘅時候老闆娘經過見我停晒手，問我係咪唔好食，我話唔係，係好好食不過我要慢慢食㗳真啲期間有個小插曲，食到咁上下有個小妹妹突然企喺我面前望住我，我問佢做咩事有咩可以幫到佢？開頭佢唔出聲，我就問佢肚唔肚餓，想唔想食嘢？佢竟然話想，咁我就叫佢攞個碗嚟裝咗碗仔飯比佢食，佢好開心之後就係咁撩我玩，原來佢係老闆娘個孫女，唔怕生好可愛好似個小公關咁🤣🤣再講下先至知原來小店係由爸爸媽媽哥哥妹妹一齊經營，總括嚟講，做街坊生意充滿人情味家庭式小作業都有用心嘅出品，冇大量宣傳冇名人推薦，仍然會有欣賞嘅客人😘
繼續閱讀