影片
港鐵天后站 A2 出口, 步行約2分鐘
繼續閱讀
電話號碼
28800938
營業時間
今日營業
12:30 - 22:45
星期一至日
12:30 - 22:45
以上資料只供參考, 請與餐廳確認詳情
相關文章
天后地鐵站一出行1分鐘都唔使就會到，今日過嚟做嘢，行過覺得好口渴想買返杯奶茶嚟飲吓。🥰🥰點知一睇，嘩，原來真係好平，性價比超高，超級抵飲，大部份都唔過$30，全部都20幾蚊就有一大杯。朋友都忍唔住買番杯嚟飲吓，質素都幾好。👍👍芋頭奶茶$28，一大杯。芋頭味濃郁，我叫咗5分糖，唔會太甜，店員話原本嘅芋頭都會帶小小嘅甜味。啖啖都感受到芋頭嘅香滑同微微嘅粉香，配合奶茶嘅醇厚味道，口感好順滑，唔會太膩，啱啱好。👌👍百香搖果樂百香果嘅酸甜味好鮮明，唔會過酸，反而帶有一種自然嘅清新感。飲落去，口中充滿咗果香，唔單止係百香果，仲有少少橙香味。都係叫咗5分糖，唔會太甜。又有茶香，又有果香。兩個味道非常之夾。😍
繼續閱讀
去天后搭車返屋企前經過呢間COMEBUY，見門口放咗大大個板寫住買指定茶飲減$5，幾吸引喎，買杯試吓先等候期間見一路都有客，應該口碑唔錯！仲聽到幾張單都叫「海神奶茶」，等我下次又試吓先「百香搖果樂」入面有珍珠、荔枝凍、椰果，軟硬度適中，珍珠唔會溶溶爛爛又唔會硬到咬唔開，OK～ 啜每一啖都有嘢咬，好有咬口。揀咗半糖少冰，百香果味好舒服「蘋果冰茶」呢杯係屋企人飲嘅，入面有蘋果肉、寒天晶球，非常清爽，蘋果味舒服，唔會係好假嗰啲果汁味
繼續閱讀
Comebuy Tea就飲得多，天后呢一間COMEBUY都係第一次飲，呢條街有好多手搖飲品店，所以可以喺度生存我諗應該都唔會太差，今次經過就試吓佢芋頭奶茶加珍珠 $32 唔知有冇人同我一樣鍾意飲假嘅芋頭味嘅奶茶，呢度exactly就係我鐘意嘅味道，但佢唔係齋用粉溝出嚟，個底係有芋頭粒嘅，令口感更豐富，而奶同茶嘅比例都做得唔錯，口感滑溜百香搖果樂 $26 朋友就叫咗比較fresh嘅果茶，呢杯嘅配料好多，有荔枝凍、椰果、珍珠，口感層次超級豐富，百香果味道酸酸甜甜，好開胃，天氣熱嘅時候飲番杯好舒服
繼續閱讀
天后地鐵站一出見到呢間茶飲店原來係台灣手搖店✨見到都好多人幫襯menu飲品選擇除左基本嘅奶茶果茶仲有冰沙同拿鐵添✨今次叫左蘋果冰茶 少冰，少糖飲落酸酸甜甜好消暑解渴🥵而且仲有晶球，蘋果粒十分足料而且好大杯！茶底茶味都好出，比例調得好好👍🏻另一杯海神奶茶個名好特別好想試原來係日式煎茶嘅茶底，少冰，少糖額外推薦加粉條就試埋飲落好香茶味 茶底一啲都唔馬虎粉條都幾有咬口好特別，冇加錯呢款配料好似唔係間間茶飲都有所以都幾新鮮😆整體黎講呢間茶飲好高質絕對值得一試😍如果鍾意百香果嘅依家仲可以減$5👍🏻👍🏻
繼續閱讀
海神+愛玉 係日式煎茶 採用蜂蜜醃製過的水果搭配茶葉烘製 飲落有水果香氣帶有淡淡蜂蜜香✨有啲似水果茶 配埋愛玉 有得食又有得飲🩷呢杯幾好飲 有驚喜‼️大麥紅茶+蘆薈：大麥紅茶叫咗無糖 但飲得出大麥本身嘅香甜❤️ 口感溫潤 配搭埋蘆薈清新嘅口感 好適合今日咁熱嘅天氣飲✅而且都係一款健康嘅選擇
繼續閱讀