影片
付款方式
以上資料只供參考, 請與餐廳確認詳情
招牌菜
幫襯左呢間小食店都有幾年，由學生時期食到而家，去到今日真係已經完全失望！以前有冷麵，雪糕，小丸子，珍珠奶茶等多元化產品，前排去都仲好正常，但今日去真係咩都無晒...雪糕:無賣冷麵:無賣好似只係得返小丸子...以前$1就1粒，而家$10/8粒，$5/4粒，物價高加價都好正常，理解，但質素完全唔掂...今日買左$5黎試，一食落口，暖暖地ok，但係勁硬...入面好似無餡咁...4粒入面2粒硬2粒軟，水準唔穩定 相比起以前大大粒，入面勁多菜，栗米，而家完全唔知似咩...
繼續閱讀
出席朋友聚會而來天水圍。難得來到天水圍，當然要週圍逛逛。來到這小商場，看見這人頭湧湧的小店，仔細看看，有很多平價小食，於是我也買了一些來吃。綠茶雪糕 ($5)：顏色深草綠色，十分對辦。綠茶味是意外地香濃，雪糕奶味和甜味適中，很不錯。脆筒十分脆，好味！芒果沙冰 (+$5)：芒果味不重，但味道清甜，不會甜得過份，而且十分夠凍。消暑妙品。食品十分廉宜：雪糕$4一球，$6兩球，雪糕筒$5，沙冰$6而惠顧任何食品可加$5購買。可惜不是住在這區，否則如此價廉物美的食物，一定會常常買來吃。
繼續閱讀
之前都幫襯過這店買章魚小丸子，但無寫食評。今次剛遊完濕地公園，便再幫襯這店買章魚小丸子及雪糕。1) 章魚小丸子5粒$5雖然我見右面那間「三和小食｣賣緊$5七粒章魚小丸子，但我選擇再幫襯這店的原因如下：1)這間店的章魚小丸子比較大粒。2)我在旁邊觀察兩間店整章魚小丸子時，發覺這間店落得比較多料。3)這間店排哂隊，而「三和小食｣就不需點排隊。通常比較多人排隊的應該比較好食。4)我還聽到一對情侶的對話，女的問男的為何不去「三和小食｣買，那裏同樣價錢有7粒小丸子，會抵啲。但男的回答話這間店好食啲。睇佢哋應該是住天水圍的，既然本地人都咁講，這間店的小丸子應該好食啲。講番個小丸子，價錢好便宜，味道仍然咁好，味咬開後見內裏有好多章魚，好足料，不是只得個外皮。 2) 雪糕5元兩球價錢便宜，其實新北江商場的小食店多是這個價。味道幾好，而且都很大舊下。總括而言，價錢便宜，食物好味，份量又多，值得推介。註：之後我也幫襯過「三和小食｣買章魚小丸子，發覺仍然是這店的章魚小丸子好食啲。(見「三和小食｣的食評」
繼續閱讀