影片
食家推介
招牌菜
相關文章
小編今日來到天水圍一間台式餐廳「臺味冰點」，位於新北江商場的台式茶餐廳，以平價美味的台式料理/茶餐廳美食✨如各式肉燥飯、焗飯、乾炒牛河、XO醬豬扒炒公仔麵、台式特色小食等🧡 推介特色奶茶及雪泡飲品系列，跟套餐只需加$2，帶來台式美食風味🇹🇼 「台式鹽酥雞翼拼香煎蓮藕餅肉燥飯」份量極足料，5隻雞翼夠大隻，外皮金黃，雞肉多汁嫩滑🍗 另單點招牌小食「香煎蓮藕餅」，自行「加料」放在肉燥雞翼飯上😎 自製雞翼燥拼香煎蓮藕餅飯‼️ 蓮藕餅外層微焦，內裡保持爽脆，帶有淡淡的甜味👏🏼 台式肉燥肉燥燉煮得入味，裡面加入香菇增加香味，口感更豐富🍄🟫 油脂融入米飯中增添香氣，值得推介👏🏼「芝士雞皇焗飯或意粉」散發著濃郁的芝士香氣，表面覆蓋著拉絲的車打芝士，輕微焦化更香口🧀 白汁雞皇醬帶奶香，不會過於厚重，加上啖啖肉雞球🐔 焗飯沒有炒飯底，整體不會油膩，帶出米飯鮮香，適合愛吃焗飯的朋友🧡「朱古力奶茶」濃郁的朱古力香氣，加上奶茶底醇厚順滑，味道不會過於甜膩，帶香濃可可粉味，將台式奶茶的西式朱古力的甜味結合，特別推介✨🍫 🍽 ：台式鹽酥雞翼拼香煎蓮藕餅肉燥飯；芝士雞皇焗飯或意粉；朱古力奶茶👅好味指數：8.25/10；7.75/10；8.0/10💰消費：HK$57；HK$37；HK$56；+HK$2📍地址：臺味冰點餐廳 (天水圍) 天水圍天湖路1號嘉湖新北江商場1樓C23-24號舖
繼續閱讀
星期六2:30先有下午茶餐，2:00嚟到，叫咗正餐雞翼米線，凍蜂蜜紅茶走冰。想落單，餐廳內九成員工都當睇你唔到，要一段時間先可以成功落單。餐廳除咗湯粉麵，仲有焗飯、炒公仔麵/意粉/烏冬，同吐司，扒類可以選配西芹/豆角/沙律，種類好多。另外可以配一杯台式或港式飲品，都多選擇～米線配有椰菜、粟米粒、蔥粒同日式魚片，米線正正常常，質地粗身，但偏腍，用力少少夾就會全部斷晒，比較碎，食起上嚟有少少麻煩。雞翼有四隻，唔會太油，夠入味香口，肉唔乾身，係好食嘅～蜂蜜紅茶，🍯蜂蜜味突出，☕️中和紅茶嘅香濃，好飲！飲品唔會偏淡冇茶味。如果本身唔鍾意太甜嘅朋友，呢杯正常蜂蜜紅茶，可能會偏甜。餐廳枱都算多，星期六暫時唔需要等位。
繼續閱讀
外賣上海麵，值得一讚嘅係店舖好好，會自動分湯。不過翻到屋企，將麵放落個湯內，即刻滿瀉哂，仲要係滿瀉到離哂譜，唔明白比咁多湯做咩清潔完張枱，個麵都凍哂，食咩都冇機湯底又淡又冇味，得辣講餸，支竹冇味，蓮藕餅不過不失，值得讚係有4塊，叫抵做。
繼續閱讀
今日唔使返工，喺屋企附近嘅餐廳度食咗個午餐，碗飯好大碟食唔晒同埋佢仲跟餐送嘢飲，天水圍人都會知呢間餐廳㗎喇，因為其實都開咗好耐，都真係唔差。我叫咗個雞翼蓮藕餅飯，個蓮藕餅配喼汁真係好好食，值得推介嚟到天水圍新北江商場嘅人可以過嚟試吓。
繼續閱讀
呢間台式餐廳真心不得了，喺新北江存在咗咁多年，真係唔係浪得虛名，每次同friend 去親新北江，都係食呢間多。-香辣金沙骨油豆腐上海麵 $48呢間野嘅金沙骨簡直係我嘅至愛，甜度適中，又有𡁻勁，油豆腐都係正宗上海餐廳好食啲，上海麵麵質都爽彈。-XO醬海鮮炒公仔麵$60炒得乾身，而且夠香，啲餸都唔少。-台式三拼飯(豬扒、雞翼、金沙骨)$53食肉獸必嗌！將三樣名物放埋一齊，教我如何不愛上。-珍珠奶茶、蜂蜜綠茶 +$0最正係台式飲品唔洗加錢！珍珠彈牙，蜂蜜同綠茶比例恰度好處！
繼續閱讀
您可能會有興趣的...