臺味冰點餐廳

營業中

休息中

星期六2:30先有下午茶餐，2:00嚟到，叫咗正餐雞翼米線，凍蜂蜜紅茶走冰。想落單，餐廳內九成員工都當睇你唔到，要一段時間先可以成功落單。餐廳除咗湯粉麵，仲有焗飯、炒公仔麵/意粉/烏冬，同吐司，扒類可以選配西芹/豆角/沙律，種類好多。另外可以配一杯台式或港式飲品，都多選擇～米線配有椰菜、粟米粒、蔥粒同日式魚片，米線正正常常，質地粗身，但偏腍，用力少少夾就會全部斷晒，比較碎，食起上嚟有少少麻煩。雞翼有四隻，唔會太油，夠入味香口，肉唔乾身，係好食嘅～蜂蜜紅茶，🍯蜂蜜味突出，☕️中和紅茶嘅香濃，好飲！飲品唔會偏淡冇茶味。如果本身唔鍾意太甜嘅朋友，呢杯正常蜂蜜紅茶，可能會偏甜。餐廳枱都算多，星期六暫時唔需要等位。