影片
港鐵太古站 A2 出口
繼續閱讀
營業時間
*最後落單時間: 21:00
星期一至六
11:30 - 22:30
星期日
12:00 - 16:00
17:30 - 22:30
以上資料只供參考, 請與餐廳確認詳情
一直都係呢度老顧客，好耐之前就好鐘意呢間，百幾蚊又有得食放題真係抵質素方面，我今次都係食番最愛既特上牛肉，湯式揀番豬骨同壽喜燒（我心中既必勝組合），質素一直都keep到，不過不失，唯一要講既係留意到配料好似少咗幾款同以前唔同既係以前加湯係用枱面既壺加水（我記得以前店員話係木魚湯？之類）而家係會有三款湯放係出而面自助加湯，我早幾日去仲多咗塊板放喺隔離建議你邊款加咩湯，等啲客唔使諗，又幾貼心喎👍🏻至於服務方面，我睇過呢度啲comment仲以為呢度啲服務變得差咗，我有次星期三中午時間黎，12點幾已經爆哂😿幾驚冇位🥲見到得兩位店員係度忙前忙後，企係出面等佢地黎帶位，全程都好有禮貌請我等等，上上個星期日黎既時候店員好似多左啲，不過又係撞岩好多人排隊😮💨（倒霉體質）一直由排隊到坐低都服侍好周到，仲會間唔時走黎問要唔要加肉，基本上都見佢地好忙咁行黎行去，叫埋單都會提早叫定俾啲時間佢地準備叫佢地唔使急，有時夜晚收工先過黎食，佢地都好nice咁提醒番截單時間要拎定食物，以我眼見既話我黎果幾日店員又少又好似撞岩比較忙，服務又真係唔算差，只係可能佢地忙過頭冇乜笑容又真既。以我自己黎講，我覺得呢間我以後都係會keep住黎食，價錢唔算太貴，同而家店家都好似放鬆咗冇再成日夠鐘就催人離場，可以再坐多幾分鐘，所以我覺得都仲係抵食，希望下次黎唔好再係咁忙驚冇位食😂
繼續閱讀
在中午時間食Lunch,在門口有介紹我試下海老湯，入到去就已經好快有湯同肉，見到職員好忙碌，但職員又會行過嚟問要唔要加肉，而且仲提我吔係出邊加湯，服務細心幾好，真係愉快的午餐
繼續閱讀
我由幾年前一直都好鍾意嚟呢度吃嘢 係真心好失望……今日我都照常嚟吃嘢 點知d醬料酸酸地 開頭以為係我將醬油加成醋 結果第二次加都係酸酸地 我朋友都話d醬料無端端酸口 之後就發現係d花生醬有問題 似琴日夜晚剩嘅 之後我地就去問適應 嗰班人就係度笑 我想問你笑咩姐🥺係咪跟住佢地換咗芝麻醬同花生醬 乜都無講 芝麻醬花生醬全部隔夜攞出嚟俾顧客吃 邊個夠膽吃你間嘢啊 😄服務態度極差 擺嘢好似特登好大力擺 你係咪邊度唔滿意啊😅之前2017直到依家我都經常黎呢度吃 失望透頂😚最近d侍應全部都好臭面擺俾顧客睇 成班人係度唔知做乜 傾計唔理人 我係顧客定係你係顧客啊 第一次寫食評 真係好嬲 無心情吃飯😅之前嗰班侍應仲好好人講野好似唔歡迎我地過去吃嘢咁樣 大佬 唔想再去呢間 徹底失望 今年除咗疫情嚴重嗰時 我地個個禮拜黎吃 仲有推薦俾朋友嬲爆😅 仲有蟲飛黎飛去飛咗落我個醬油碟度 想嘔噁心失望透頂 唔會再想吃呢間 痴線 辜負咗我咁多年一直嘅鍾意👌
繼續閱讀
lunch時段上到去門口一個人招呼都冇係鋪入面玩手機要大聲叫佢出來出到來鬼食泥完全溝通唔到第一次未食過又唔介紹餐牌唔怪之得lunch時段去成間鋪得一個客真係未食已經一肚氣之後就走左冇幫襯
繼續閱讀
平時都好鐘意食邊爐放題，入去果陣話每人可以簡兩個湯底仲覺得好抵，就入左去啦，兩個人揀左壽喜燒，辛辣湯同蜆湯，除左蜆湯其他都無味😑佢個一人鍋本身好細，食左一陣諗住加湯，居然同我講只可以加枱上面果個好似清水咁既昆布湯，咁我一開始揀湯底做咩，問多次佢就話入座果陣有講，但我同男朋友都肯定無聽過，唔係既一定唔會入嚟。兩個人食左六百幾蚊，個牛OK既，其他都無咩特別，但連湯都無得加真係感覺好差，下次食番連鎖店穩陣👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼
繼續閱讀