影片
港鐵太子站 D 出口, 步行約2分鐘
繼續閱讀
開飯介紹
藝人杜大偉開設的火鍋店。雞煲、火鍋一應俱全。海鮮拼盤、刺身拼盤等食材新鮮而且份量十足。
繼續閱讀
營業時間
星期一至日
18:00 - 01:00
以上資料只供參考, 請與餐廳確認詳情
呢間倫哥其實係上年年尾食左～但一路都冇時間打食評真係超多野食～大約300$ 有雞煲、大閘蟹（遇岩季節先有）、鮑魚燘冬菇、椰子雞湯、邊爐料（多數任食，牛送一碟，特別海鮮就冇得添～）、甜品、飲品包括酸梅湯罐裝飲品任飲～講完以上既野相信大家都見到係有幾咁多野食個雞煲唔夠仲可以添，放左魷魚同牛柏葉入去炒非常之惹味鮑魚都好林好入味個雞湯就好足料，好濃味～個雞煲有專人幫你炒，食完之後就上個湯底打邊爐啦～食完雞煲都飽左一半跟住就開始打邊爐，基本上每樣海鮮食完一件之後都好飽亦都幾新鮮～D丸都好好味，不過太飽都唔係好食得落～最後仲有個甜品，真係食到勁飽又抵食
繼續閱讀
見到倫哥做緊團購優惠，任食海鮮火鍋套餐，6位只需$1298，即係圍返每人$215但包超多野除左主角海鮮鍋外仲有前菜、雞煲、果盤、鮑魚同甜品🤘太子呢間仲要做緊promotion送象拔蚌刺身！雞煲：朋友唔舒服所以揀左唔辣，個醬汁好香濃，d雞好嫩滑入曬味😋如果加辣應該更加惹味🤤象拔蚌刺身：份量好多，不過象拔蚌唔算好鮮，好淡味鮑魚：雖然係鮑魚仔但已經好滿足，腍滑得嚟又炆得好入味海鮮鍋：其實食完以上嘅野已經飽左一半。。。海鮮超級多，包括生蠔、海蝦、帶子、蟶子、大/細蜆、魷魚、魚片，大部分都好新鮮，尤其大蜆超鮮甜🤝平價嗰d可以無限refill，但其實食唔到好多，因為除左海鮮仲有好多其他火鍋配料，包括手切牛頸脊、丸類、魚/蝦滑、水餃、響鈴、大量蔬菜。。。個牛頸脊我地俾錢追加左因為好好食😋特別想讚下個湯底，開頭夾左舊蕃茄嚟食心諗點解咁清甜一d蕃茄腥味都冇，原來係西瓜！夏季限定！估唔到生果都可以攞嚟做湯底，清甜得嚟又同d火鍋配料幾夾喎衰鬼🤪總括嚟講呢餐性價比超高，呢個價錢食到咁多款唔同菜式同配料，仲要係任食同好味嘅，強烈推介👍🏻👍🏻
繼續閱讀
Booking經whatsapp，好鬼方便。上一次係ssp食嘅，感覺良好但服務麻麻。所以今次試下係太子依間食。飲品係任飲，而且仲有一大壺五花茶，抵讚。啤酒就要另外俾錢冇得任飲。首先上雞煲，侍應話係任食，所以我地未等齊人先食第一輪。揀左中辣，唔算好辣，不過好入味。之後齊人再叫第二輪雞煲。食到一半雞煲可以加埋牛柏葉，水魷同豬肉一齊食。到完雞煲，就上左每人一壺嘅燉湯，料有椰子、雞腳同豬肉，好好味。之後仲有每人一隻蒜蓉粉絲蒸蟶子，都幾大隻唔失禮，好新鮮。（我記得上次係ssp係鮑魚，不過我鐘意蟶子多ｄ）食完前菜，上左黑糖水晶粉俾我地清下喉嚨～好清新，滑嘟嘟，黑糖味好出～之後就打邊爐啦，我地加左$30一隻嘅龍蝦配湯底，唔加就係普遍蟹。好彩加左，因為隻龍蝦冇雪味，朋友們都食得出好新鮮。6人份量嘅牛肉，睇得出係靚部位，不過份量就真係唔夠囉，如果要追加就要加$68，我地見好多其他野食就冇再追加。6人份量嘅海鮮盤，留意只有蝦、翠肉鯇、細蜆、魷魚同龍躉可以追加外，其他如鮑魚、貴紀蚌、大蜆、帶子就冇就追加。海鮮全部都好正，係翠肉鯇我覺得麻麻。以下全部都可以追加，包括炸魚皮、響鈴、白魚蛋、年糕魚蛋、芝士魚蛋、貢丸、韭菜餃、蝦滑、墨魚滑等等。堅好食又會令我一食再食嘅係韭菜餃同黑色嘅墨魚滑。之後見到隔離檯問佢拎烏冬，先知道有得叫。我地都叫左２包，好驚喜，因為係讚岐，並唔係普遍噹噹牌，而且係獨立包裝未開過。（上次我去ssp食都冇人俾我地)最後每人送一客甜品，係3.6牛奶燕窩蛋白，好味。由6點食到差不多9點就問我地加唔加野食，其實book檯個時都問我地可唔可以9:30pm交檯，我地食到3個鐘真係飽到上心口，所以9點半交檯都冇問題。星期六收費係每人$333連加一（要收現金！！！），侍應都算唔錯，起碼叫追加食品都唔會甩漏，上次係ssp追左好耐先有。我覺得太子分店比深水埗更好。
繼續閱讀
想試倫哥好耐了，經常聽朋友講好正！但倫哥一直都好 full booking, 今次有朋友做攪手乜都吾洗理最舒服，今次仲一行22人打邊爐，分兩枱，有自己房間！因為經已有朋友仔到了，所以一入到房就經已有一碟前菜在眼前！呢度個雞煲可以任食，但一轉左打邊爐，就無得返轉頭食雞煲，我地食左兩次，佢每次比既份量都吾多，可能怕有人浪費，寧願少少，少少甘比！好可惜席上有人怕太辣，只叫左中辣，對我來講，一點辣味也沒有！食完兩轉雞煲後有跟人頭份量既海鮮，好新鮮又大隻！某部份既海鮮仲可以添！牛肉不能添，好味，好有質感﹠肉味！原本對Ｄ丸興趣不太，但我喜歡貢丸，於是試一粒，超好味，肉﹠冬姑味都好重，於是就試多粒蟹子丸，都同樣好好食，裡面個蟹子好足料。呢個係可以 encore 既海鮮，就連大隻既蜆都有得添，正！！
繼續閱讀
又係時候打邊爐嘅日子，成班人約埋去咗（倫哥私房菜）近佐敦道地鐵站交通十分方便，成班人最好就係揀任飲任食，埋单每人都係三百零蚊， 依家食火鍋真係冇分天氣及時候，總之喜歡就可以約埋一齊，夠兩個人就可以，飲吓食吓，好快放過了一個開心的晚上。打邊爐之前一定會食雞煲先， 我哋叫咗微辣，雞好似少左些，雞都好滑都好入味，好快手就食完。最有睇頭就呢個海鮮拼盤，有聖子、海蝦、龍躉片等每樣都好新鮮。 倫哥私房菜都有好多間分店。
繼續閱讀