影片
港鐵佐敦站 D 出口, 步行約3分鐘
繼續閱讀
營業時間
星期一至六
11:00 - 14:15
18:00 - 23:00
星期日
11:00 - 14:15
18:00 - 22:00
以上資料只供參考, 請與餐廳確認詳情
喺佐敦行完街步行過去尖沙咀搵食，經過山林道就望吓有無嘢想食。好想食日本嘢，尤其係刺身，見到呢度門面都唔差，就入嚟試吓啦。呢個特上刺身拼盤，有牡丹蝦、三文魚、吞拿魚、劍魚腩、海膽、油甘魚、帆立貝及深海池魚。厚切刺身，整體亦幾新鮮。油甘魚同牡丹蝦我就最喜歡！本身唔係好肚餓，食完個刺身拼盤差少少就夠飽，所以叫多客火灸三文魚腩壽司。三文魚腩油份超多，魚香濃厚。
繼續閱讀
同事話尖沙咀有間日本野非常抵食，所以今晚就去一試。燒多春魚：食落不但多魚子，咬落非常有口感，而且燒得香口，唔會太濃，加試檸檬酸既汁，令到多春魚更加有味道。明太子雞翼：將雞翼骨起掉，再釀上明太子，食落不但有雞翼的味道，而且還有明太子的香甜，加上蜜汁既甜味，令到明太子都吸收了，所以食落好特別。燒栗米：用上日本的香甜栗米，所以好大粒，加上再面上用上香味粉，食落將甜味帶出，比一般更加香甜可口。柚子雪巴：不可不食既甜品，不但用上整個柚子來製，而且用上正終日本貨，所以有別於其他，加上柚味香濃，絕對係飯後必叫。這裡環境非常大，而且服務一流，絕對係要一試。
繼續閱讀
早兩日朋友話想食日本野，所以今日就同佢去井橋一試。刺身拼盤：三文魚不但新鮮，而且油份含量多，屬於高質貨，食落不但口感爽滑，而且甘香。帶子非常鮮甜，食落甜味十足，實屬一級貨色。火燒三文魚壽司：用火燒過的三文魚又有另一種食法，食落有一種燒香的味道，加上食落彈牙甘香，係必叫之選。龍蝦沙律卷：不但用上龍蝦肉來製造，食落有著很鮮的龍蝦味，加上紫菜脆口，食落唔會很諗。燒鰻魚：鰻魚望上肥美可口，食落加上甜甜的醬汁，實屬一級貨，加上骨很軟，所以可以不用怕小朋友都可以食，加上燒得乾透，唔會太濃。總括來說，這裡食物高質，坐位舒適，絕對係同朋友聚會之選。
繼續閱讀
山林道不嬲都有好多好唔錯嘅餐廳，有時候諗唔到去邊間餐廳食，都會去山林道到碰吓運氣。今次就去咗一間日式餐廳，即管試吓佢啲刺身同埋小食啦！首先前菜要左一個豆腐蕃茄沙律，豆腐好嫩滑！幾片番茄加上大量芝麻汁，仲有唔少蟹籽，半買沙律菜一齊食真係好開胃！去日本餐廳或者居酒屋必點墨魚咀，炸過嘅墨魚咀香口得黎又好咬，點少少沙律醬再開支啤酒，岩晒！主角刺身。同行友人唔多，因此分量無玷好多，但係刺身質素十分之高，而且仲好新鮮添！特別鍾意佢個海膽，雖然份量唔多，但入口十分之鮮甜！帶子三文魚等等都係厚切，值回票價！因為怕唔夠飽，重點在一個火炙芝士鰻魚卷，厚厚嘅芝士片夾埋飯團同埋饅魚一齊食，令人回味無窮。仲有點點燒汗淋係壽司卷物上面，唔怕太乾身。
繼續閱讀
因為另一所心儀居酒屋滿座，轉而來到井橋晚餐。叫了一客刺身拼盤，魚生很新鮮，$328已是大大一碟。本來想再添其他食物，但當我請侍應過來添水時竟一臉不屑，頓時沒有了食慾。坐下超過20分鐘也未添水，在添水那一刻竟板起口臉，粗暴地把杯放下，然後再從後再竊竊私語時面露笑容。那次添水後，接下來20分鐘也沒再添過，害得用膳完畢再到7-11買瓶裝水。原來的一盤刺身並不飽肚，但受的氣令我轉到另外一個餐廳再續晚餐時也吞不下來。在尖沙咀嘗過不下十所日式料理，我頭遍遭遇這種情況。貴店所有設定，食物其實很不錯，不要讓個別員工影響餐廳評價。
繼續閱讀