影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
第一次寫食評，要警世！！嚟到厚福街，見到一間幾多人嘅米線就諗住入去試吓啦。先唔講一入到去就坐喺冷氣機下面，啲冷氣機水係咁滴落嚟。一坐低就嗌咗兩碗麵，分別係蕃茄泡椒肥牛金菇銅鍋米線$60同豬扒酸酸辣辣銅鍋米線$52。一上到枱賣相看似吸引，諗住係蕃茄湯包穩陣，實冇死啦，一食落口真係未食過咁難食既湯同米線。（譚仔真係好食好多，人地真係對得住價錢同食物質素）最後都冇食哂就走啦。埋單果陣，個侍應都相當有趣。叫我地自己嘟張單既code比$。我地自己嘟就唔洗請你返嚟收錢啦
繼續閱讀
某日自己一個夜晚喺尖沙咀想食米線，就求其行左入呢間…餐牌好多選擇，價錢相宜，而且上菜速度快。服務質素同環境一般，不過收咁平，算啦！米線軟硬度啱啱好，配菜足料，湯底食落好香濃惹味。不過食到一半，就開始濃味到好懷疑係落左味精/一大舊油嗰種火鍋底料…總結：可以好間唔中去食吓嘅
繼續閱讀
之前已經聽過呢間嘢，今日咁啱經過見有位就試下佢，首先d位好逼，果下已經後悔左。叫左兩個小食，一個秘制雞翼一個豆卜炸蝦，個雞翼好入味，同自己用李錦記汁整嘅一樣，個豆卜炸蝦好脆幾好食。到米線喇，我就叫左個豬腩肉豆卜中辣米線，一見到d豬腩肉又厚又多以為賺到，點知又鞋又難咬又重豬味，食左一啖放棄，個米線幾多配料，酸菜唔錯，湯底一般，個辣好似食雲吞麵加果d辣椒油嘅味咁，我會用葵廣小雨天lv形容呢碗春城米線，但小雨天野飲係好飲過佢dd!
繼續閱讀
淡而無味湯底很奇怪，食到個芫荽個味道仲濃烈嗰個湯你話用濃湯寶溝水都信酸辣招牌蕃茄湯都試咗，豬扒冇味咁多人排隊百思不得其解食咁多米線嚟講呢個湯底鹹又唔鹹，酸又唔酸酸，辣係同湯底分離得黎又唔好味試伏
繼續閱讀
係厚福街 夜晚都幾多人食有飯有米線 可以自選餸可以+$6凍飲 叫左杯凍檸茶 正常👌🏼農鄉蕃茄銅鍋米線 ($35)好大碗 銅鍋keep住個溫度👍🏼番茄唔算好濃味 可接受 至少唔會食完好口渴不過米線偏軟 爽口d會好d揀左2個餸 紫菜 ($7) 新鮮蠔仔 ($16)都好多 紫菜索左番茄湯味蠔仔都幾肥美 冇惺味 好食😎蟲草花椰子雞米線 ($60)好重椰子味 不過湯底都幾多油但料係幾足嘅 雞就多數雞胸位都幾鞋😂 相比銅鍋米呢個遜色d爆漿紅糖糍粑 ($20)有3粒 幾好食 熱辣辣個皮唔厚 炸得好脆同埋唔甜入面個紅糖漿真係流心 不過食得多會好漏3粒2個人食岩岩好～
繼續閱讀