影片
港鐵紅磡站 D1 出口, 步行約5分鐘
繼續閱讀
電話號碼
35654496
21515654
95939196
營業時間
今日營業
12:00 - 16:00
17:30 - 23:00
星期一至日
12:00 - 16:00
17:30 - 23:00
以上資料只供參考, 請與餐廳確認詳情
影片
相片
班斕神仙水 & 芒果沙冰
馬莎文咖哩牛坑腩配薄餅
+369
+54
食家推介
最近發現咗呢間泰絕，真係一個好大驚喜！好有泰國街邊小店嘅feel，啲裝修好有heart一入到去，即刻聞到陣陣香味，等咗冇幾耐，我哋就開始點餐。首先嚟個柚子蝦沙律做開胃菜，個柚子香甜清新，啲蝦新鮮彈牙，配埋酸酸甜甜嘅醬汁，開胃一流！飲品揀咗班斕神仙水同青檸梳打，班斕神仙水香甜清爽，青檸梳打就酸中帶甜，消暑解渴一流。主食方面，我哋叫咗三款船河。泰斗招牌牛船河個湯底香濃惹味，啲船河煮得啱啱好，夠彈牙，牛肉片片新鮮嫩滑。招脾牛腩河就係我嘅最愛，個牛腩慢火燉到腍實入味，一啖咬落去，肉汁四溢，仲要夾埋啲新鮮豆芽，完美！至於招牌豬肉河，啲豬肉炒得香口，配料豐富，同埋個醬汁勁惹味，真係停唔到口。啖啖蟹肉奄列係我哋嘅心水推介，蛋炒得金黃香滑，入面嘅蟹肉夠鮮甜，加埋個特製醬汁，每啖都係享受。牛奶烤豬肉串就香甜可口，豬肉腍滑多汁，牛奶香氣濃郁，食完仲想再叫多兩串！串燒沙嗲牛都幾出色，牛肉夠嫩滑，醃料入味，配埋個花生醬，香口開胃。尤其係個花生醬，香濃惹味，完全唔會覺得漏。最欣賞佢哋啲船河全部都係即叫即整，啲湯底香濃，啲粉條爽滑，配料新鮮，真係勁有誠意。佢哋啲船河份量唔係好大，但係夠正宗，真係想試下泰國地道風味嘅話一定要嚟試下！最後送俾大家一個貼士：佢哋啲辣度可以跟個人要求調較，怕辣嘅朋友可以加返枱上面嘅醬料中和返。
繼續閱讀
今日嚟到尖沙咀新文華中心呢一間泰國餐廳，見到佢裝修都好新，所以朋友就話想入去試吓！餐廳主打地道泰國小炒同埋特色泰國食品！同埋見到佢有最新嘅主題，主力係船麵，都有驚喜，竟然喺香港都食到正宗嘅街頭泰國船麵！細細碗價錢又抵食，大食嘅朋友應該可以食到好多碗😙🥢嚟到呢度當然要試吓佢嘅船麵，試咗佢嘅招牌遊船河，招牌豬肉船河同招牌牛腩河！每一碗嘅味道同泰國正宗嘅味道真係非常相似，好似返咗泰國咁！你愛佢有好多唔同嘅配菜包括有通菜芽菜芫荽蔥，令到成個口感配搭上更加好食！牛肉亦都選用左新鮮嘅靚牛肉，食落去嘅口感好好！另外豬肉嗰碗我都非常鍾意食佢嘅豬肉丸，喺餐廳自家製嘅豬肉丸非常爽口彈牙！每碗都非常好食，可以試多幾種唔同嘅！🥢蟹肉奄列，嚟到嘅時候份量非常多，冇諗過咁大份，中間睇一睇非常多蟹肉，第一次見到有咁多蟹肉既奄列，蟹肉亦都非常鮮味，加埋一齊食，簡直就係正！🥢秘製牛奶豬肉串，呢個同泰國街頭嘅串燒味道亦都係一樣，非常好食，而且再有一個餐廳特別配製嘅醬汁，可以點埋一齊食！我朋友都非常鍾意佢呢一個味道，真係做得唔錯！🥢泰式生蝦，鍾意食生蝦嘅我，每次去泰國餐廳都會叫，呢一間餐廳都做得唔錯，佢嘅蝦非常爽口，而且加埋餐廳特別配製嘅醬汁酸酸辣辣，成個口感上我都覺得非常好，而且亦都令人開胃！🥢青檸檬梳打，佢嘅檸檬梳打唔會太甜，飲到本身青檸檬本身嘅酸味道，加埋梳打一齊飲好爽！
繼續閱讀
係尖沙咀行完街, 見到新開泰國餐廳, 於是入來試下正宗曼谷"三口"船麵曼谷招牌豬肉河 (干撈)、曼谷招牌牛船河、曼谷招牌牛腩河每一款都各有特色, 麵質煙韌彈牙, 放上泰國辣椒, 更加惹味~店員建議如果太辣, 可以加醋中和一下辣度, 本人平時都食開辣, 今次既辣度的確有料到哈哈~中意食辣既朋友, 一定要點呢3款船麵試下啦~蟹肉奄列生拆蟹肉非常充足, 將雞蛋夾住蟹肉一起吃, 味道更加match, 當然可以加上辣汁調高惹味程度!秘制牛奶豬肉兩串加入牛奶的豬肉, 味道絕對有微微的牛奶甜香! 而豬肉的質感亦很嫩, 配上餐廳的自家製酸甜醬汁, 鮮味更加突出!秘制泰式香燒雞雞皮燒得很香脆, 而雞肉亦很嫩滑, 連雞胸肉都不會有太粗糙的口感, 師傅燒烤功夫確是一流!芒果糯米飯芒果冰凍鮮甜, 配上熱乎乎的糯米飯, 再淋上椰汁一起吃, 有冰火二重奏的享受!而且甜度也剛剛好, 可以中和一下前面的辣度~ 這是必點的甜品唷!斑斕神仙水店員推薦這一款, 因為有濃濃的斑斕葉香味, 且帶有微微的甜味, 味道非常新奇, 而且一D都唔甜!適合飲唔到太甜的朋友唷!泰式奶紅茶 茶膽味香濃, 奶茶口感也非常順滑, 吃完惹味香辣的泰菜, 喝一口奶茶, 尤其舒服呢~
繼續閱讀
第一次嚟食，兩個人叫咗好多嘢，柚子蝦沙律味道超正宗，唔辣嘅，柚子份量好足，而且好甜，蝦亦都有好多隻，係泰國街頭嘅味道另外叫咗飛天通菜，正常發揮，唔係好辣跟住仲有一個紅咖哩牛，呢個性價比唔係好高，辣度畀我想像中犀利，如果唔食得辣嘅建議唔好叫，椰汁味比較濃，可以不試，跟住配咗個蒜蓉包，一般啦，冇咩特別細嘅小食拼盤，蝦餅好推介，好彈牙，大大隻蝦，唔會撈咗好多豬肉，魚餅都唔錯，係結實嘅，另外仲有兩款都好似春捲嘅小食，其實我唔係好知係乜嘢嚟，不過味道係ok嘅，整體嚟講可以一試
繼續閱讀
我個friend話帶我去食正宗船麵，佢講到超好食一於跟佢去😌-正宗曼谷三口船麵有三碗，分別係曼谷招牌牛船河、曼谷招牌豬肉金邊粉、曼谷招牌牛腩乾撈，我哋一次過叫晒😌份量講得明係三啖😂湯底有啲辣同偏甜，夠濃唔腥，幾好啵😙🌟曼谷招牌牛船河 $32有牛肉、牛柏葉、牛丸，呢碗叫咗河粉，都幾索湯🙌🏻🌟曼谷招牌豬肉金邊粉 $32有豬肉片同豬肉丸！豬肉片肥瘦均勻，食落去唔會好乾好柴😙🌟曼谷招牌牛腩乾撈 $32呢碗明顯味道比較甜，牛腩煮得軟腍，唔會好似食湯渣，麵條冇乜特別口感，有啲似公仔麵😙🌟蟹肉奄列 $168份量超大，蟹肉巨多，我哋一路食一路認真諗究竟用咗幾多隻蟹🤯佢嗰啲蟹肉唔係罐頭一絲絲，而係真係人手剝，勁 crazy🤯味道係想像到嘅味道，烹調出嚟都唔會過油，好難唔好食嘅🤪另外有搭配咗一個辣醬，但我覺得調味上太濃，反而搶咗蟹肉個 focus🙂↔️🌟牛奶烤豬肉 $38呢款牛奶烤豬肉有兩串，真係超超超超推介🤩豬肉用牛奶醃製，令肉質更加軟嫩，外皮烤到照照向香，外邊嗰層蜜糖搽得好厚，口感好特別，口感似係剁得唔係好碎嘅肉餅，帶有肉絲，好鬆軟，配埋佢個酸酸地嘅醬汁，多咗一個清新嘅感覺🫶🏽🥹omg 好X好食🥹🌟串燒沙嗲牛 $48上一個牛奶豬肉太好食，呢個相對普通好多，好就好在佢有四串都幾抵食😝🌟冬蔭功大頭蝦湯 $108呢碗湯頭濃郁，夠酸夠辣，我覺得幾好飲嘅，不過唔太食得辣嘅朋友可能會覺得有啲辣🌟芒果糯米飯 $58芒果好甜，糯米飯係雙色糯米，白糯米同紫米，色彩繽紛🥳椰漿嘅味道好濃，但唔會過甜，恰到好處🌟芒果沙冰 $48沙冰好大杯，芒果味道濃郁-🌟青檸梳打 $32好清爽嘅飲品，酸酸甜甜，有助舒緩辣味🥵-*此乃自費食評
繼續閱讀