影片
港鐵尖沙咀/尖東站 B1 出口, 步行約5分鐘
繼續閱讀
電話號碼
22173638
開飯介紹
餅舖由數十年經驗的前半島酒店師傅主理，專售香港傳統餅食，適合送禮。主打無添加天然蜂巢蛋卷，共有12款口味，蛋香及牛油香濃郁，獨特配方令口感鬆脆。
繼續閱讀
營業時間
星期一至日
11:00 - 21:30
以上資料只供參考, 請與餐廳確認詳情
食家推介
相關文章
走過街口，彷彿有種神秘的味道緊緊牽引住我嘅味蕾，於是決定入去這家店試吓傳說中嘅蜂巢蛋卷。咬落去嗰刻，啲蛋卷鬆化得嚟有勁，夠脆又唔會太甜，好過癮🤤。每款蜂巢蛋卷啖啖香濃，有種牛油係咀嚼間慢慢溶化嘅滋味。中秋節鬼鬼祟祟地接近緊，就算唔係買月餅嘅心情，都會想一試流心奶黃同流心薑汁白蓮蓉月餅。呢兩款月餅真係超正！流心奶黃嘅奶香同鹹蛋黃嘅鹹香結合得天衣無縫，完美得宜家都仲回味緊。至於流心薑汁白蓮蓉，清新嘅蓮蓉同微辣嘅薑汁交織成一種冇踩過界嘅新滋味，呢個創意真係有心思！😋而家嘅飲食文化好講究真材實料，眼前呢家店無疑係貫徹呢個理念。店員熱情，解釋每款產品嘅特色都好耐心，叫人感受到港式好客嘅態度。無論係想滿足一下自己嘅小慾望，定係送禮自用兩相宜，呢間店提供嘅選擇絕對可以滿足到你！🥮🌟
繼續閱讀
之前曾分享過「皇玥」嘅兩款經典奶皇月餅，早前偶爾經過其尖沙咀店，知道佢哋都出咗款榴槤奶皇月餅，雖然唔喺人人都鍾意嘅款式，但卻喺我倆公婆頗心水嘅口味，故短篇寫寫分享一下。之前嘅食評都介紹過晒佢哋嘅背景，以及包裝點樣花心思，所以，今次就唔嘥篇幅講咁多。總之，「流心貓山王榴槤月餅」（$328）外觀典雅，長形皮革紋理紙盒喺其獨特標記，送禮一流。如之前嘅流心奶皇月餅，都喺一盒6個裝，每個獨立包裝，迷你小巧，一次一個，啱啱好。講得喺流心就唔喺流料，一切開陣陣榴槤飄香，貓山王榴槤唔喺浪得虛名，而中間嘅榴槤流心餡睇落都好軟滑，今次我無叮熱佢，因怕啲流心餡瀉晒出嚟，反而依家咁樣，有種軟心嘅感覺仲正。配合埋餅心香滑嘅奶皇餡，香而不膩，實在無得輸。 質素即喺質素，「皇玥」個名差唔多喺一種保證，皆因前後試過佢哋幾款產品，都無令人失望。
繼續閱讀
今日諗住買月餅送禮，去左尖沙咀揾下有咩得體又抵買既舖，經過加連威老道見到新開既餅舖，之前睇過係半島首創奶皇流心月餅既葉師傅研發！入面有好多中式禮餅，有月餅，蝴蝶酥，杏仁條等等，樣樣都吸引！屋企人鐘意食蝴蝶酥，見到有幾種口味，最得揀左榛子蝴蝶酥($138) 翻屋企第一件事就梗係同屋企人開心share食落超脆超香牛油味🥰 入面榛子令個蝴蝶酥更加多同多左啲果仁味～ 細細塊一啖一舊就啱啱好😛 話咁快成盒已經一次過俾人食晒啦
繼續閱讀
屋企人好鍾意食蝴蝶酥，咁啱今日行經尖沙咀加連威老道見到皇玥，於是行入去逛下。店舖好闊落，內裡布置好有心思，門口有個老香港懷舊風的打卡位。 店員好有禮貌，仲可以試食各款餅食。店員介紹呢度嘅蝴蝶酥是由米芝蓮餅藝大師黎永冠師傅主理。黎師傅銳意鑽研，創製出12款口味的蝴蝶酥。買了盒伯爵茶蝴蝶酥精裝禮盒回家做tea， 口感鬆化，有清新嘅伯爵茶香，唔會太甜，一盒有四包，每包有四塊。酥餅採用法國天然牛油，牛油香味自然，質感綿滑，加上來自英國的上等伯爵茶葉，帶來不澀口的伯爵茶香👍🌈。
繼續閱讀
買了原味蛋卷兩次，好香牛油同蛋味。唯一奇怪的是只有三條短蛋卷的包裝， 鐵盒一盒八包$198，因為三條短的其實等於一條傳統長蛋卷😅所以價錢係相當貴而且over pack. 送禮會比較合適。我個人鍾意傳統的長條可以試真個味。雖然比較貴但在本地制作來說是個不錯的選擇👍🏻
繼續閱讀