影片
營業時間
星期一至日
08:00 - 18:00
以上資料只供參考, 請與餐廳確認詳情
好耐冇去旅行，行尖東海旁見到呢一間有外國風情嘅咖啡店，有幾位外國人坐咗喺餐廳外面嘆緊咖啡，就入咗去探索一下.我哋嗌咗個三文魚牛油果早餐，再加上一個scone.細食到我哋食完都已經好飽，不得不講佢哋嘅麵包產品都真係好好食，真係見到佢哋用心整，配上佢哋有嘅almond butter。呢個配搭真係絕配..早餐配上一個yogurt， 入邊有啲健康嘅oats, mix 埋一齊真係唔錯。.喺海旁行吓，行到攰就可以入嚟嘆杯咖啡，享受模擬外國生活
繼續閱讀
早日係圓方Oain Quotidien同朋友茶聚,環境唔錯，服務更加係令我有點意外的好。侍應生好有禮貌，食物都唔錯，普通食個tea都變成左一種享受。經過又想tea,都值得入去坐下。Scone有三種醬，分別係cream,黃梅果醬同好似甜花生蕉糖醬，雖然不是配English clotted cream,但一件只是24元的Scone都感覺到有心思。已經下午四點幾，但仍然可以叫早餐，所以叫左個Smoked Salmon Breakfast。仲有一杯Cappuccino 同Americano. 消費左228，值！
繼續閱讀
今早到element睇電影，見還未夠時間見Honey ，就攝個時間 me time，在element 360超市隔離的咖啡店，吃了一個健康的早午餐。之前經過，已經想試baker brunch，但那天人很多。今天店內只有一兩枱客人，静静的，就入内hea下。我問店員baker brunch是什麼，女店員耐心介紹，有：紅菜頭湯、咖哩雞肉多士、沙律……而且可以配mocha 、cappuccino、 latte等等。先上一碗mocha，好大碗喎！而且，濃濃的朱古力。(我最怕mocha只有奶，沒有朱古力味)有半碟是沙律菜，各種各樣都有：baby Spanish、rocket、lettuce……沙律汁是酸酸的，開胃！咖哩雞肉多士，咖哩味輕輕的，正好，别太濃就好了。還有鷹嘴豆蓉，也是酸酸的，很滑。紅菜頭湯，不是濃濃的忌廉湯羹，能飲到紅菜頭的清甜，而且很熱，意想不到！整個餐又健康又開胃，飽肚，吃了也不會有罪過感
繼續閱讀
上次經過圓方諗住去M+行下 點知啱啱又覺得有D肚餓 就諗住填飽小小個肚先 見到呢間cafe外面擺放左好多麵包同蛋糕 仲有舊好大未切嘅麵包係櫃頂🤣而且裝修都特別北歐風 好溫暖嘅感覺🍰CARROT CAKE💰28從來冇試過carrot cake 原來都有肉桂嘅味道 呢隻係我鐘意嘅紮實口感 入面都有唔少胡蘿蔔粒粒 而上面仲有開心果碎同凝固翻糖漬 不過食得多會覺得肉桂味太重🥐PAIN AUX RAISINS💰29呢個就係比利時版提子酥😍上面撒嘅煉奶已經凝固左 糖漿都已經痴實曬 冇得再流動 令提子酥嘅甜度再增加 每一圈入面都有唔少提子 而整體口感酥脆 就算擺左一陣都仍然唔油膩 好香甜☕️LATTE💰38就算係野飲都係用類似碗嘅用具裝住架🤣呢隻咁嘅杯冇手柄 所以要捧著飲 而且都真係好大杯 要飲好耐先飲得曬 味道都還可以呢度係要點完餐之後係座位等店員送過來 而麵包都真係好吸引 仲見到有好多比利時嘅brunch同埋其他正餐 但係我地個日淨係想試下甜品所以冇食到 麵包來講呢度都好多選擇 而且係小眾D嘅歐式麵包 愛好者可以試下🧡📌 Le Pain Quotidien (尖沙咀)尖沙咀柯士甸道西1號圓方木區1樓1089C號舖
繼續閱讀
坐落喺尖東酒店、名店林立嘅cafe，裝修帶有歐洲風格，裏面充滿咗木質嘅傢俬，感覺都幾溫馨。同朋友路過尖東呢度，感覺得有啲口渴，就比呢間cafe吸引咗。點知入到去我哋一直企喺個櫃枱前面等落單，幾個店員完全冇打算同我哋落單，係到傾計，我地咗幾次佢先問我地…店員清一色講英文…咖啡味道都唔錯，但係唔算得上岀色，再加埋店員嘅態度，我諗都係冇下次喇……
繼續閱讀