影片
電話號碼
36203028
開飯介紹
這本土咖啡連鎖店是caffè HABITŪ的姊妹品牌，於2012年成立，以自家烘焙的咖啡豆沖泡精品咖啡，並供應多款西式熱食，讓你休閒地用餐。
繼續閱讀
特色
飲o野傾計
營業時間
今日營業
08:00 - 21:00
星期一至五
08:00 - 21:00
星期六至日
10:00 - 21:00
公眾假期
10:00 - 21:00
以上資料只供參考, 請與餐廳確認詳情
食家推介
3438 瀏覽
老婆夜晚有節目，通常就約朋友食番餐，唔得嘅話就一支公，做個孤獨嘅美食家。今晚就一個人 嚟到海港城嘅「The Coffee Academics」，志在嘆番杯高質素嘅鮮奶咖啡，當然啲嘢好唔好食都喺考慮嘅原因之一。餐廳嘅環境可以講跟商場空間連成一體，但又分咗幾個區域，先介紹用餐區，以黑色為主調，配以木系傢俬，天花吊咗好多盆栽，綠化後予人感覺更舒服，加上開放式天花，所以，更具空間感。而另一邊有一排二人位，挨住落地大玻璃窗，景觀開揚。此外，外邊仲有個好大嘅活動空間，放咗多張露營櫈，如城市綠洲，放鬆心情，坐晌度飲杯凍飲，不知幾爽、幾悠閒。而鋪面中間位，喺餐廳沖泡咖啡重地，亦喺一個個外賣區，所以，見到有唔少淨喺買杯咖啡凍飲嘅客人， 尤其樓上啲寫字樓客。另一邊如大多數嘅咖啡店，都會兼營售不少咖啡嘅相關產品，但呢度就大規模好多，擺放咗唔少濾杯、濾紙、咖啡豆、咖啡杯……等等作零售，琳瑯滿目，非常多款式，而且，更有T恤、環保袋賣，十分多元化。先介紹主餐牌，有輕食類、全日早餐、沙律、意粉、漢堡、小食、甜品，當然咖啡更加喺佢哋嘅強項，選擇非常之多，又夠特別，此外，亦都有 多款茶品、梳打、雞尾酒……等等。想食得划算啲，可以晌套餐度埋手：是日餐湯或沙律、主食、小食、甜品可以自由彈性組合，再包基本餐飲，價錢由$148起，豐儉由人。雖然餐牌列明如果想試蛋糕，就要A+B+C+D嘅全套組合，但當用二維碼落單嘅時候，原來又可以跳過C，所以，最後我嘅組合制ABD。餐具、餐紙就放晌枱側嘅竹籃度，以枱上嘅二維碼落單，再由店員送餐，簡單嘅服務，要留意需加一服務費喔。是日餐湯因為本身就諗住試佢嘅「學研特色早餐」，個早餐已有沙律菜伴碟，所以，頭盤梗喺揀飲餐湯啦，而是日餐都喺雜菜湯，雖然無話好特別，但入口味道清爽酸活，而且，湯內有好多雜菜，非常健康清爽。學研特色早餐 $158幾款主食都啱口味，不過，呢個特色早餐心理上好似抵啲，因為價錢差唔多，但就功夫多咗，同埋又試到好多款食材，包括豬肉腸、脆煙肉、炒野菌、茄汁豆、羅馬蕃茄、煙三文、烤芝士、太陽蛋、酸種包多士，伴有少少沙律菜。成品嚟到份量都幾大，好有睇頭，打卡度高。整體食物做得唔錯，食得出用料具質素，好似啲豬肉腸，腸衣脆口有肉香，唔係啲平價貨可比，煙肉唔喺得啲肥膏嘅貨色；野菌加咗新鮮香草去炒，零舍有風味，烤芝士都好特別，外脆內軟芝士味好濃，而片酸種麵包烘成多士，非常之脆口，再加埋搽咗層青醬，非常好食。黑森林蛋糕 +$20都好耐冇食過黑森林呢款經典蛋糕，見到只加自廿蚊無理由唔試。咪睇佢外觀好似啲屋邨麵包舖嘅黑森林蛋糕咁，其實食落就知完全喺兩個分野。上中下夾層嘅朱古力海綿蛋糕做得非常之鬆軟有彈力；下層嘅朱古力慕絲做得軟滑而挺身，而且朱古力味濃郁，最驚喜嘅係裡面真喺混有車厘子果肉，唔喺啫喱啊，喺黑森林蛋糕嘅精髓，上層嘅忌廉都打得好柔滑，面頭再灑滿朱古力碎碎，實在無論味道、口感都極富層次。鮮奶咖啡 +$8鮮奶咖啡一向喺小弟嘅偏愛，所以，梗喺加少少錢升級為鮮奶咖啡啦，雖然簡單嘅一杯鮮奶咖啡 ，亦都有三款豆俾客人選揀，我就揀咗Hong Kong Blend。個心心拉花唔算話好精緻，但沖泡嘅手勢確喺唔錯，喺完全無攪過之下，每口飲落去都好平均，而且，咖啡味比較沉實醇和。雖然得一支公開飯，但小弟也樂在其中，因為一來食到啲好嘅食物，二來又可以無拘無束咁樣，一個人靜靜哋hea住用餐，喺生活中的一份小確幸！
繼續閱讀
今日收工後去尖沙咀海港城行街，見到這間cafe好似幾吸引，便決定進去吃晚餐。喇沙椰香蝦意粉（$158）：喇沙椰香蝦意粉是一道融合東南亞風味與意大利料理的菜式。這道菜的特色在於它將傳統的意大利意粉與馬來西亞的喇沙醬汁結合，形成香濃美味的佳餚。喇沙醬汁的基底由椰奶、香料、咖哩粉以及蝦膏組成，味道香濃有層次。醬汁與意粉的搭配，讓每一口都充滿椰香和香料的風味。蝦仁煮得剛好，鮮嫩可口，與醬汁結合相得益彰。意粉的韌性和喇沙醬的滑順形成了良好對比。當意粉吸收醬汁的味道，每一口都讓人感受到豐富的口感，十分滿足。Chocolate Truffle Mousse Cake ($45):慕絲的質地非常柔滑，彷彿在口中融化。這款蛋糕的朱古力香氣濃郁，搭配著合適甜度，既不會過於膩口，也能讓巧克力愛好者滿足。
繼續閱讀
呢間Coffee Academic環境舒適 景觀開揚位置係商場同甲級寫字樓集於一身既港威大廈幾適合同事/ 見客/ 朋友飯局除左輕食 主食 甜品 當然唔少得咖啡4/F 一上電梯左手邊係餐廳右手邊係好似咖啡小展覽室 陳列左唔同咖啡產品不過聞唔到有咖啡香味有別於傳統口味意粉呢到有幾款亞洲特式意粉今次揀左三星蔥油蒜意粉 $118可以按自己喜好加topping eg 雞肉 煙三文魚 Parma ham加左雞胸肉 4件 +$25有少量沙律菜伴碟用左真空低溫煮法 肉質唔乾澀調味剛好蔥油蒜意粉 味道適中唔會過油過咸炸蒜少少脆口意粉口感不錯比較之下 上次食既喇沙椰香虎蝦意粉比較惹味是日蛋糕 有3款選擇揀左Chocolate Truffle Cake $45切件蛋糕size都幾大件蛋糕碟上枱既時候係凍冰冰蛋糕質感唔會太硬朱古力味濃店員服務都唔錯給予適度既幫助亦會主動遞清水
繼續閱讀
The Coffee Academics (尖沙咀）又係尖沙咀食好西既時間。餐廳係商場高層既角落，又有一整排落地大玻璃望向商場平台花園，好適合朋友聚會傾密計。Jumbo Prawn Pasta Laksa 喇沙椰香蝦意粉 （$158） 喇沙同意粉原來都真係幾夾，食落好香口，加上啲辣味就更正。而且用料好足，幾隻大蝦同、豆腐同魚糕，正正的。Daily Cakes & Tart 精選蛋糕（$45）是日精選蛋糕係黑森林蛋糕啊！首先佢唔會好甜，甜度剛剛好，朱古力味明顯，啲cream既份量又唔會太多令到件蛋糕太heavy。係好食既蛋糕！
繼續閱讀
被Okinawa Coffee 驚艷！ 沒想到我會愛上Coffee Academics 的Okinawa 熱咖啡。 為了這一杯咖啡, 我再去了灣仔哪一間 Coffee Academics，可惜卻比不上尖沙咀。 沒想到同一間連鎖店做出兩款味道的咖啡，尖沙咀這間的Okinawa Coffee 泡沫又濃又厚，有點像奶油一樣口感。 有著濃濃的奶味泡沫，就像吃甜點，上面有一層被燒焦了的咖啡還是咖啡糖粉？ 這一層燒焦了的咖啡粉又香又濃,真的是驚艷到我。 而灣仔連鎖店Coffee Academics 的 Okinawa Coffee泡沫沒有這麼厚實，是可以喝的但是不驚艷。 建議喜歡喝咖啡的可以來尖沙咀這一間試試。 希望不是偶然幸運讓我喝上這麼好的咖啡，我是一定會回來。
繼續閱讀