影片
港鐵屯門站 F2 出口, 步行約5分鐘
繼續閱讀
電話號碼
66427310
付款方式
以上資料只供參考, 請與餐廳確認詳情
晨早跑完步，又唔想一個自己去飲茶，只可買點心回家食！今次就介紹一下新墟街市的"上美點"！哪裡沒有堂食，只得外賣！$15 一籠，$26 兩籠， 仲要有鵪鶉蛋燒賣！燒賣：香菇鮮蝦燒賣，味可但香菇過重，肉太硬少蝦味！鵪鶉蛋燒賣：得3粒， 鵪鶉蛋太硬！整體性價比高，勝在價錢平！早餐又想平的確抵食！
繼續閱讀
08.05.2022 星期日 母親節下午上美點母親節嘅午餐，唔想同人迫，輕輕鬆鬆喺屋企飲茶食點心，於是上外賣平台，見「上美點」會員有七五折，真係好抵食，由最平嘅包點$3.8一隻，蝦餃$16.5一籠，以至各式盅頭飯也只是$21，比起其他酒樓平咗好多，而且上Open Rice全是好評，於是訂咗幾款點心。餐單款式不少，包括特式美點（例如蝦餃、燒賣、牛肉之類）、腸粉、粥類、盅頭飯、鹹點、甜點、甜包、麵類等，仲有每日一特，星期三古法馬拉糕$9三個。至尊蝦餃皇（3隻）$16.5皮好厚，但餡料足夠還可以。鵪鶉蛋燒賣 （3隻）$16.5唔係間間酒樓有鵪鶉蛋燒賣，而且整得好味，推介。蜜汁叉燒飽（4大個）個叉燒包真係俾佢笑死嚇親，個個大過我隻拳頭，唔知以為係傳統嘅大包，真係食包都食飽！但估唔到又幾好食，鬆軟好味，有意外驚喜呀，推介！魚肉釀茄子（4件）$16.5始終係外賣，送來已經淋哂，味道尚可。雜果沙律卷（4件 ）$16.5都係嗰句，即買即食應該好味啲，外賣來到個皮已經淋咗唔脆，但個沙律雜果餡真係好味。大大隻糯米雞（一隻）$19.5其實又唔係好大隻，正常大小，餡料也是平時有嘅肉、雞翼等，味道可。四寶雞扎本來落了單，但送漏了，很可惜；一來自己好鍾意食，二來見個個讚好，所以好期待，可惜舖頭執漏咗。最好味係叉燒包同鵪鶉蛋燒賣，饀料足，抵食好味；其他就麻麻地，但始終外賣，質素差啲屬正常，而且呢個價錢真係好平，要求也不能太高，建議選擇蒸點點心。
繼續閱讀
屯門新墟的外賣自取點心店！因為見到盅飯外賣最平 $17 就有，又見都有人排隊，就買嚟試下！😝$14/碟，$24/兩碟蟹籽燒賣皇燒賣的豬肉饀幾多，但食唔出有蟹籽，面層的熟蟹籽無味～鵪鶉蛋燒賣都好大粒下～鵪鶉蛋好香，燒賣肉餡亦多鮮竹牛肉球幾大粒，肉厚，雖然同坊間好多家牛肉球一樣無牛肉味，但無過份落重調味！同無怪味或so味！而且幾彈牙！算幾好食！四寶雞扎都幾足料___________________上美點 (屯門)屯門啟民徑13號金麗樓地下H號舖___________________
繼續閱讀
無野可以阻止我搵野食既決心。能夠驅使我放假都換衫出街仲要搭車去買你就知我有幾想食，真係好想食點心，想左成晚。蝦餃 燒賣 鳳爪 雞扎係必須。竟然無蝦餃 嗚嗚😕沒有蝦餃的燒賣好失色🤣唯有要鵪鶉蛋燒賣啦。全部點心都好平！超抵食，出奇地海鮮卷炸完放咗喺度質素都唔差，自己翻熱幾好食！好飽啊😂呢個Lunch真係不得了，肥到不得了。疫情下慣咗少啲出去食飯，連同屋企人飲茶都好少。買點心外賣返屋企食一樣咁開心😙😙
繼續閱讀
經過屯門，順便找點吃的回家，走進大街小巷，發現有一檔點心點大排長龍，人頭湧湧得在等待外賣。由於疫情嘅關係很多人都會打包回家吃，所以外賣點心就成了焦點。首先我看一看餐牌，發現大部份的點心也只是10數元，非常化算。點了一堆點心和盅點飯，也只是百餘元！糯米雞厚實，餡料充足，吃一個已經可以當一個晚餐！腸粉大大條，牛肉腸裏面的牛肉份量也多！燒賣大大粒，餡料飽實，一盅4粒非常抵食！平時最愛吃鮮竹卷，所以也點了一籠，鮮竹卷非常大卷！也叫了個小食炸茄子，非常邪惡的小食，吃了一定要做很多運動，但炸得很不錯！還叫了一個鳳爪排骨飯，也是非常份量大！如果不想煮飯，在這裏叫幾籠點心也很飽肚呢。
繼續閱讀