影片
電話號碼
38535503
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
🔸 招牌三寶牛肉麵 $82係牛肉清湯底， 三寶就係牛筋、牛肚、牛腩，件件都炆得十分腍，肉味鮮甜，口感超軟糯，係正宗台灣牛肉麵做法，佢嘅金錢肚畀得好大塊又好多，牛腩就一啲都唔韌，配菜有好好食嘅青紅蘿蔔。 今晚太幸福喇，唔使走到台灣都可以食到咁正嘅地道台灣麵， 麵條係用類似【關門麵】嘅粗面，口感好爽有麵香味，份量相當充足😚餐跟小食：話梅鹽土瓜，就係炸番薯粒撒咗一啲話梅鹽， 係酸酸甜甜嘅， 話梅味配上炸得香甜嘅番薯，好惹味。餐飲：酸梅湯，係餐廳自家製嘅，有十分特出嘅烏梅味，加上山楂同酸梅味道，整體偏甜，好好飲。味道：8/10性價比：7/10🔸 麻辣三寶 麵 $84麻辣牛肉湯底，呢個食材基本上同上面個三寶麵差唔多，不過就係味道層次更豐富，微微辣、微微麻，配菜有生菜、雪菜粒、蔥花同埋炸蒜片，啱曬重口味嘅人士。跟餐小食：揀咗鹽酥雞，係台灣夜市嘅特色美食，雞件炸得十分酥脆， 配咗一啲炸脆咗嘅 辣椒葉，用嚟夾住炸雞一齊食，更加滋味。餐飲：珍珠奶茶， 呢個係正宗台灣珍珠奶茶，做得好地道， 唔會好甜，食完個台灣麵再飲返杯台灣奶茶， 感覺就似去咗台灣。味道：7/10性價比：7/10
繼續閱讀
好少行到來H.A.N.D.S.，今晚朋友提議一起過來這邊食飯。原來這個商場都有幾多食肆，走了一圈後，決定食台灣野！來到位於商場zone a區域的「小胖台灣麵」。三寶包括了牛肉、牛筋和牛肚。牛肉厚身，口感軟腍夠味；牛肚爽脆有𡁻頸；而牛筋燉至半透明，入口充滿Q彈感。牛骨湯頭香濃鮮甜，牛味很香又不會過於油膩。麵條份量很多，掛汁帶煙韌口感。碗內另有生菜、紅白蘿蔔等配菜，頗為豐富。湯麵以外，還點了一客乾拌麵。同樣份量很多，麵條質感煙韌，拌上皮蛋、滷肉肉燥、青瓜絲、香蔥乾等，味道變得很香。鹽酥雞扒大塊，炸至脆卜卜，口感酥脆，帶著微微鹹香，肉質就嫩滑juicy。這個是一款涼菜。茄子拌五味醬，醬汁味道層次多變，既鹹又甜，既酸又辣，難怪名為五味醬。整體感覺都幾特別。2碗麵都加配了特飲。朋友點了珍珠烏龍奶茶，珍珠口感Q彈煙靭。而筆者點了凍朱古力，甜度可以自選，點了微甜。
繼續閱讀
屯門友愛邨開咗一間好地道的台灣餐廳，阿媽話聽街坊講好好食，一定要試下台灣小食同埋牛肉麵。喺屯門站搭輕鐵兩個站就到，都算方便。餐廳好大，環境好舒適。🌟#半筋半肉紅燒牛肉麵這招牌菜好正！牛肉麵的湯頭濃郁，帶著濃厚的牛肉香氣，而牛肉大件，非常嫩滑，有一半是筋，一半是肉，吃起來口感豐富。湯裡還有蔬菜和配料，增添了口感的層次感。🌟+甘梅脆地瓜 （$ 14）🌟+ 台灣香酥骨 （$ 16）加十零蚊就有一份#甘梅脆地瓜和#台灣香酥骨 。甘梅脆地瓜是好正宗！地瓜炸得金黃酥脆，外層撒上甜甜的甘梅粉，吃起來酸酸甜甜，非常開胃。香酥骨外層酥脆，內裡肉汁豐富，搭配店家特製的醬汁，味道更加美味。🌟#日月潭奶茶茶香濃郁，加上適度的甜度和奶香，非常順口。🌟#芋圓仙草材料豐富，份量足，仙草凍口感滑順，搭配著Q彈的芋圓，清爽又美味。呢間餐廳係我最近食過最地道的台灣菜，能夠係屯門食到好有驚喜。不僅牛肉麵美味，其他的小吃和飲料也相當出色。店內的氛圍舒適，服務態度也很友好。如果你喜歡台灣小吃，可品嚐一番！
繼續閱讀
🚇交通：近安定輕鐵站，在Bagal Cafe旁邊那一行商店。🏠環境：設室外和室內，室外佈置如一個小花園，但只可以以外賣形式享用，所以我們就轉入室內，面積大，設有二至四人卡座，簡單裝潢，舒適乾淨。🤵🏻服務：QR Code，不收取加一。🍽️午市：提供湯麵、拌麵和車仔麵套餐，選擇多！🐮半筋半肉紅燒牛肉麵🍜 $78🤩第一見到配料是舖滿整碗麵😮，有三至四塊的牛肉，跟手掌那麼長身厚肉🥳，口感很軟腍😋，亦有幾塊牛筋，膠質如啫喱般軟綿😍，亦黏口。搭配了蘿蔔塊和唐生菜🥬，麵如上海麵般有口感，😆完全吃不了那麼多！🥚皮蛋醬🐷滷肉香蔥乾拌麵🍝配🐥雞排 $58份量挺多，😍鹽酥雞排炸得外酥肉嫩，滷肉多肥膏，醬料重醬油香和帶點微辣😚，搭配青瓜🥒絲和皮蛋片，十分惹味開胃🤤。🥣芋圓仙草 $28份量正常，芋圓口感軟韌、軟綿的紅豆加上煉奶，不錯👍！🥤鴨屎香手打檸檬🍋茶（凍） $15最近香港也很流行的特飲，帶點檸檬🍋的澀香。🥤古早味手搖酸梅汁（凍）$12跟平常的酸梅汁有點不一樣，難以形容！
繼續閱讀
終於，「小胖台灣麵」喺屯門開張啦！呢間店以正宗台灣牛肉麵為主打。無論係鍾意濃郁湯頭嘅牛肉麵定係香辣嘅乾拌麵，呢度都能滿足你嘅味蕾。招牌三寶牛肉麵：一碗滿足嘅美味招牌三寶牛肉麵 $111，係呢度嘅必點之選，內含牛筋、牛肚同牛腩。牛筋經過長時間燉煮，入口即化，膠質豐富，令人一口接一口。牛肚則係脆嫩有彈性，每一口都充滿咗獨特嘅香氣。牛腩則係肉質鮮嫩，帶有豐富嘅肉汁，同濃郁嘅牛骨湯底完美結合。湯頭濃郁但唔油膩，每一口都能感受到牛肉嘅精華。麵條則係Q彈有勁，吸滿咗湯汁，令整碗麵嘅味道層次豐富。藤椒川辣滷肉乾拌麵（雞排）：辣味同香氣嘅完美結合，重口味人士最啱藤椒川辣滷肉乾拌麵（雞排）$70，係另一款令人垂涎欲滴嘅選擇。滷肉乾拌麵嘅滷肉入口即化，帶有濃郁嘅香料味，同麵條嘅Q彈口感相得益彰。藤椒嘅辣味適中，令整道麵嘅味道層次更加豐富。而配上嘅雞排外皮酥脆，內裡肉質鮮嫩多汁，每一口都充滿咗香氣。藤椒嘅微麻同川辣嘅刺激，令人一口接一口冰爆咕咕力：甜而唔膩嘅朱古力享受冰爆咕咕力 $13，係朱古力同谷咕嘅混合版，讓人一試難忘。可可味濃郁，帶有谷咕嘅微苦，甜度唔高，恰到好處。每一口都能感受到濃濃嘅朱古力香氣，口感絲滑而唔膩，令人感到非常滿足。半價升級手搖茶，更加係讓呢款甜點嘅性價比更高。鴨屎香手打檸檬茶：清爽解渴嘅好選擇鴨屎香手打檸檬茶 $15，以其獨特嘅香氣同清爽嘅口感，成為咗我嘅最愛。檸檬嘅酸甜同鴨屎香嘅獨特香氣相互交融，每一口都清爽解渴。茶味濃郁但唔苦澀，令人感到非常舒爽，係飯後嘅絕佳選擇。夜市鹽酥雞：酥脆可口嘅小食夜市鹽酥雞 $16，以優惠價加配，絕對係值得一試嘅小食。外皮酥脆，內裡鮮嫩多汁，每一口都充滿咗香料嘅香氣。鹽酥雞嘅味道唔會過於鹹，恰到好處，讓人一吃就停唔住。呢道小食令我彷彿置身喺台灣夜市，唔洗飛一轉台灣都可以感受到果份熱鬧同美味。
繼續閱讀