影片
電話號碼
38535503
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
是日同朋友嚟咗愛定商場食嘢，揀咗食小胖台灣麵。一點幾鐘嚟到全場滿座，仲有唔少六位、八位等大枱添，真係幾意外。等咗一陣店員執好枱就可以入坐，店內原來幾大，內邊仲有好多枱。⭐紅燒牛頰肉便當今日想食下飯就叫咗紅燒牛頰肉便當，上枱十分迅速，個碗好熱，啲飯好熱，個餸都好熱，成碗嘢熱到入唔到口，哈哈。牛頰肉炆得軟腍，口感唔錯，調味架有辣椒油同牛油，兩樣都落啲更加香口惹味😋⭐招牌三寶牛肉麵朋友就叫咗招牌三寶牛肉麵，牛肉牛筋牛肚十分多，件件都大大舊，厚切但炆得入味，入口無渣，湯底甜甜哋鮮味，台灣麵有口感，好好食👍⭐香辣炸雞扒黎得食台灣嘢就想叫下台式小食，本身想叫鹽酥雞，但見餐牌有個香辣炸雞扒好似仲吸引，就叫咗一塊試下，外層炸得酥脆，雞扒肉嫩，加上香辣粉好惹味，勁正😍⭐珍珠烏龍奶茶 & ⭐白桃珍珠烏龍茶最後梗係唔少得珍奶啦，呢度有標明邊啲款式固定甜度或固定冰量，其他無標明嘅都可以自己揀，叫咗一杯珍珠烏龍奶茶同一杯白桃珍珠烏龍茶，兩杯都叫咗微糖，甜度啱啱好👍飯同麵都係超大碗，好食又抵食呀😋
繼續閱讀
𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ · ▎最近 ɪɴꜱᴛᴀɢʀᴀᴍ 見到唔少人介紹 屯門 ʜ.ᴀ.ɴ.ᴅ.ꜱ 嘅『 小 胖 台 灣 麵 ▫𓎺 』見大家都好評不斷咁贊 就嚟同朋友試試佢 ᴏᴘᴇɴʀɪᴄᴇ 發現 「 元朗 — 千色匯 」有分店就係星期日下午茶時間 入元朗飲夏茶試埋佢 當日下午茶時間去到 餐廳坐滿人仲要等排隊 唔知會唔會係 「 千色匯 」附近街坊嘅美食？半筋半肉紅燒牛肉麵 煮得夠淋 湯頭紅燒味唔濃 應該想就返本地口味 有改良調配過一下湯頭 配料帶俾我地一種台灣港版「 車仔麵 」感覺 半筋半肉 大件抵食 青紅蘿蔔白蘿蔔軟淋入味 麵底口感食落較似上海麵 份量極多 彈牙飽肚食台灣嘢一定要配台式小食 但無鍾意嘅台式香腸唯有嚟份夜市鹽酥雞 炸得夠香脆可口 食落啖啖肉咁 即叫即炸 叫完一陣就上枱 快到嚇一嚇 鹽酥味滿滿 ᴊᴇɴɢ便當同野飲同台灣麵 ▫𓎺 比較下表現普通 首推牛肉麵🜸▸ 半筋半肉紅燒牛肉麵 ┅ HKD 78▸ 日月澤檸檬紅茶 (C) ┅ HKD 13▸ 古早味烤豬排便當┅ HKD 48▸ 金橘檸檬 (C) ┅ HKD 13▸ 夜市鹽酥雞 ┅ HKD 32𖡘𖤣 (˙-˙ ٥) (˙-˙ ٥)· ┈┈┈┈┈┈ · ꕥ · ┈┈┈┈┈┈ ·𓌈˒˒ 小 胖 台 灣 麵 ▫𓎺 𓂃𖠚∗ᤲ𑀇 ❀❜ 元朗元朗教育路1號元朗千色匯地下25-26 & 61號舖Shop 25-26 & 61, G/F, Kolour Yuen Long, 1 Kau Yuk Road, Yuen Long— @chubbynoodles.hk @chubbybento.hk· ┈┈┈┈┈┈ · ꕥ · ┈┈┈┈┈┈ ·܀܀܀܀ Follow @chillfood.basis for more 📸
繼續閱讀
想食好耐，但行過幾次都見到勁多人😳早幾日同朋友特登約早𝐝，避過𝐏𝐞𝐚𝐤 𝐇𝐨𝐮𝐫去😂食完就係明點解咁多人，好味大碗又抵食🙆🏻♀️一路食𝐊𝐞𝐞𝐩住有客入，走個時門口仲勁多人等位，好彩早去😏~•~•~•~•~•~•~•~•~•~•~•~•~•~•~•~•~•~•~• 🍜 台灣湯麵 🍜🔸可轉新竹米粉 / 王子寬麵 (加+$3 ) • 轉配生菜底 (加+$4)▪麻辣招牌三寶牛肉麵 (台灣牛腱肉 • 牛筋 • 牛肚) ▪半筋半肉紅燒牛肉麵 (台灣牛腱肉 • 牛筋)𝟐碗都係超大碗，勁足配料，大大件！🤩牛腱肉🥩又淋又入味，牛筋滿滿膠原🧏🏻♀️，牛肚窿窿位掛滿湯汁😋另仲有埋紅 / 白蘿蔔...麵條少少煙韌 • 有咬口🤓枱面有𝟐樽調味料。一樽係辣椒油🌶，另一樽橙橙黃黃🧡既係黃牛油(加落湯麵食，可加強牛香味😝).▪麻辣涼拌牛肚爽口 • 掛汁，麻辣度比麻辣湯麵高🤪.▪野飲▫️鴨屎香手打檸檬茶 (固定甜度)🍋▫️珍珠烏龍奶茶 茶味奶味都出，珍珠煙韌，唔會淋𝐛𝐚𝐭𝐛𝐚𝐭🧋.~•~•~•~•~•~•~•~•~•~•~•~•~•~•~•~•~•~•~• 🔺免收加𝟏𝟎%服務費🙆🏻♀️ 🔺自己用電話嘟𝐐𝐑 𝐂𝐨𝐝𝐞落單📲🔺學生 / 長者優惠(*指定時段)套餐減-$𝟑🈹~•~•~•~•~•~•~•~•~•~•~•~•~•~•~•~•~•~•~•
繼續閱讀
剛從台灣回來的我，突然有點想念台灣麵，而之前行HANDS商場時有留意到這間小胖台灣麵，環境不錯人流亦多，便決定帶太太來試試😊✏️位置（9/10）：商場外圍地舖，旁邊就是巴士及輕鐵站，很方便✏️環境（8/10）：想不到面積不少，座位多亦感覺舒適✏️服務（8/10）：掃碼落單很方便，上菜比想像中快，侍應很有禮貌✏️食物（9/10）：台灣麵味道比想像中還好，絕對會再來🌟招牌三寶牛肉麵 - $82有牛腩、牛肚及牛筋的三寶麵，紅燒湯底微甜香濃，麵質幼滑，十分入味。三寶中最驚喜是超稔口感的牛肚，一咬即斷；牛腩亦煮得夠稔，啖啖肉亦無根；牛筋則有點煙韌，但我卻很喜歡🥰🌟夜市鹽酥雞 +$16跟餐小吃，炸得香脆，啖啖肉的口感，感覺不錯😘🌟古坑冰咖啡 +$14跟餐加配來自台灣的咖啡，香中帶甜，比較順口😃🌟麻辣半筋半肉紅燒牛肉麵 - $80同樣有軟稔的牛腩及軟滑適中的牛筋。湯底更是驚喜，在紅燒湯中加入麻辣，不會太辣但卻非常香濃，味道提升一個層次，喜歡吃辣的真的要試試😍🌟台灣香酥骨 +$16香酥骨有點酥軟，亦有豬肉香，帶骨的肉就是好味道😉🌟鴨屎香手打檸檬茶 +$15口味清新，檸檬味突出卻不澀☺️🏠小胖台灣麵(屯門) 📬屯門屯門鄉事會路2A號愛定商場(H.A.N.D.S) A區1樓A122號舖
繼續閱讀
🔸 招牌三寶牛肉麵 $82係牛肉清湯底， 三寶就係牛筋、牛肚、牛腩，件件都炆得十分腍，肉味鮮甜，口感超軟糯，係正宗台灣牛肉麵做法，佢嘅金錢肚畀得好大塊又好多，牛腩就一啲都唔韌，配菜有好好食嘅青紅蘿蔔。 今晚太幸福喇，唔使走到台灣都可以食到咁正嘅地道台灣麵， 麵條係用類似【關門麵】嘅粗面，口感好爽有麵香味，份量相當充足😚餐跟小食：話梅鹽土瓜，就係炸番薯粒撒咗一啲話梅鹽， 係酸酸甜甜嘅， 話梅味配上炸得香甜嘅番薯，好惹味。餐飲：酸梅湯，係餐廳自家製嘅，有十分特出嘅烏梅味，加上山楂同酸梅味道，整體偏甜，好好飲。味道：8/10性價比：7/10🔸 麻辣三寶 麵 $84麻辣牛肉湯底，呢個食材基本上同上面個三寶麵差唔多，不過就係味道層次更豐富，微微辣、微微麻，配菜有生菜、雪菜粒、蔥花同埋炸蒜片，啱曬重口味嘅人士。跟餐小食：揀咗鹽酥雞，係台灣夜市嘅特色美食，雞件炸得十分酥脆， 配咗一啲炸脆咗嘅 辣椒葉，用嚟夾住炸雞一齊食，更加滋味。餐飲：珍珠奶茶， 呢個係正宗台灣珍珠奶茶，做得好地道， 唔會好甜，食完個台灣麵再飲返杯台灣奶茶， 感覺就似去咗台灣。味道：7/10性價比：7/10
繼續閱讀