影片
以上資料只供參考, 請與餐廳確認詳情
朋友介紹市廣場新開這間茶星人好飲又抵飲就一於嚟試下全部都好大，店員都幾有耐性！點咗黑糖珍珠鮮奶700毫升35蚊飲得出用上全鮮奶奶味好濃，不過就飲不到其他味道😅😅珍珠都夠q彈，但亦都有乜到黑糖香😅😅size就真係夠曬大喇700毫升，一個人飲曬都飽lu茶飲嚟講未算出色
繼續閱讀
天時暑熱去飲下茶飲真係好舒暢😋唔止解渴咁簡單，仲好好味，好似食緊甜品咁🤤大大杯淨係飲杯野都飽到我😂好滿足😁為食餐單: 芝芝桃桃🧀 $38(升級)標準裝既芝芝桃桃係$33，不過我想飲豪d，就叫左個升級版😏升級版係特別加左好多鮮桃果肉係杯飲品度🍑一邊飲甜甜香香芝芝桃桃一邊啜啖啖又甜又爽既桃果肉，好正😋仲加左好厚既芝士係上面🧀我就仲意飲下下面香甜桃汁，再將飲筒移上少少飲香濃既芝士層，真係超級仲意芝士個層creamy泡泡，仲意芝士奶蓋既就一定超級仲意依個茶飲🤤奇亞籽火龍果🍉 $33新鮮火龍果汁配上奇亞籽，飲一啖好fresh又帶有少少茶味既火龍果汁，好舒服relax🙂再咬下火龍果汁入面既小籽，好有咬感🥰
繼續閱讀
呢日入左屯門探朋友，佢極力推薦呢間茶星人，新鮮水果配茶飲夠哂清新，行過見到好多街坊支持。餐單分類夠清晰，主打水果系列，亦設純茶系列，另特設梳打/黑糖珍珠/鮮奶朱古力等特調系列，好多選擇，總有一款岩~芝芝桃桃賣相吸晴，見到大量桃肉。面層有咸香味十足既芝士厚奶蓋，揀選升級版桃肉會再多D，正!新鮮又甜美既桃肉，每啖都充滿桃香味，粒粒果肉夠哂清新。健康消暑透心涼，值得一試!手工芋泥烏龍鮮奶香滑綿密既手工芋泥好足料，烏龍茶茶韻香濃回甘，鮮奶口感滑順，口感層次豐富，甜而不膩，推薦芋泥必試!
繼續閱讀
係屯門分店既茶星人😍#黃店經濟圈 係好好飲既手調店💛杯身仲印有「香港」字眼！餐牌選擇好多👍🏻裝飾方面 好有特色! 好有星空feel🌃仲有好多ET外星人🪐💫☄️⭐️招牌-水果大爆炸 $33材料非常豐富😍 推薦✅有齊橙、火龍果、蘋果、菠蘿、紅柚、青檸、奇亞籽👏🏻第一啖飲落去，個茶底又香又濃😙之後就慢慢飲到好豐富既新鮮水果味😚草莓雙朱脆皮 $33好重既鮮奶+朱古力味🤤再加上淡淡既草莓味，飲落偏甜少少🤪而且仲可以咬到好多朱古力脆皮🌟飲完之後，簡直係重回小朋友既味道
繼續閱讀
話說嗰日同媽媽出完九龍就陪佢去屯門探舊街坊知道嗰度附近有間黃店 於是我就拉佢去試吓買兩杯嘢飲返屋企慢慢嘆我揀咗黑糖波霸宇治抹茶媽媽揀咗手工芋泥烏龍鮮奶店員妹妹好好禮貌一個人打全場落完單就入去整嘢飲😆全能職工👍🏾等咗5至6分鐘左右就有得拎了拎到手即刻望吓個杯有冇香港加油字點知無🤣可能之前呢款杯太受歡迎了帶埋飲品同媽媽回家去因為返屋企都要搭一程車所以兩杯飲品我都叫咗走冰半糖以免影響品質先講吓杯黑糖波霸宇治抹茶一飲落就非常香！個抹茶粉應該係靚嘢至於啲珍珠都幾彈牙唔會煮得過腍甜度我就覺得啱啱好媽媽試咗一啖就話可以甜多少少然後係個芋泥烏龍鮮奶想講超級重奶香！應該又係用靚奶先會有呢個效果啲芋頭有泥亦有一嚿嚿芋頭令個口感更豐富媽媽話啲芋頭好甜佢鐘意呢杯多過宇治抹茶🤣我就覺得兩杯都好好飲！偶爾放縱吓飲杯手工飲品是必須的🙈
繼續閱讀