影片
電話號碼
36188190
營業時間
今日營業
09:30 - 20:30
星期一
全日休息
星期二至日
09:30 - 20:30
以上資料只供參考, 請與餐廳確認詳情
今日放假無乜事做，見屯門碼頭新開左間布拉腸粉店，又正正係屋企附近，就諗住去試吓佢既早餐，睇睇佢有咩特別。餐廳裝修得簡潔舒服，有d懷舊茶餐廳既感覺，選擇都幾多，價錢都算親民。 .即炸雞中翼公仔湯麵餐 $42第一樣試既係即炸雞中翼公仔湯麵餐，抵食到爆，$42仲包埋飲品，我揀左杯熱奶茶。雞中翼一上枱就聞到香味，係即炸既，外皮脆口，內裡嫩滑，仲帶少少醃製過既鹹香味，味道好惹味。至於公仔麵就吾會煮得過腍，湯底調味剛好，飲完吾會覺得太鹹或者太油膩，加埋熱奶茶，簡單又滿足。 .豬潤粥跟住試左佢既豬潤粥，出奇地滑同細膩，吾會有d粗糙既口感，粥底係有熬過既味道，好香濃，入口順滑，完全吾需要加調味料。豬潤份量吾少，切得夠厚，但煮得岩岩好，吾會老又夠嫩，每啖都係豬潤既鮮甜味，非常推薦！ .叉燒腸粉叉燒腸粉就係一大亮點，亦係佢地嘅招牌，佢既腸粉同平時港式腸粉口感好吾同，皮夠薄，食落去又滑又有彈性，重點係餡料多到爆，叉燒切得細細粒，但帶有少少甜味，仲有輕輕既焦香味。咬住腸粉皮再配埋叉燒既香味，絕對係一流！ .鮮蝦仁腸粉再黎係鮮蝦仁腸粉，蝦仁好大隻，咬落爽口彈牙，蝦味鮮甜，一條腸粉入面有2隻大蝦仁。腸粉既皮滑到可以係碟上面「行」，而且吾會因為放得耐而變乾，真係吾錯.大和低糖豆漿
繼續閱讀
【屯門•軒記布拉腸粉・美味粥】@ππππππππππππππππππππππππππππππ新出生滾豬潤公仔湯麵 湯底鮮甜，豬潤滑嫩，公仔麵吸收了湯汁的精華，口感極佳。北菇滑雞粥 粥底滑順，北菇香氣撲鼻，雞肉鮮嫩，令人食指大動。豬潤腸粉 腸粉柔軟，豬潤鮮美，醬油點綴，味道鮮香。炸兩腸粉 外脆內軟，配上甜醬，口感層次豐富，是經典的美味組合。腐乳醬生菜 鮮脆的生菜搭配腐乳醬，清新爽口，十分開胃。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 250✨✨✨✨✨✨✨✨✨✨✨✨✨#屯門美食 #軒記布拉腸粉・美味粥 #web3屯門軒記布拉腸粉・美味粥湖翠路138號啟豐商埸地下G1C8號舖
繼續閱讀
天氣好凍，想食碗熱粥暖吓個胃。屋企附近新開開咗間粥布拉腸粉專門店，一於俾個機會試試佢。🥣生滾皮蛋魚片粥皮蛋同魚片系大大塊唔係切到好細粒，魚片好香好滑。粥夠綿，稀稠適中，生滾粥夠熱，冬天食暖笠笠！🥣炒麵麵質乾爽彈牙，菜葱挺身爽脆，帶鑊氣同麻油香，碟底不見汁水，代表炒得夠乾身，入口亦不油膩唔會好油膩，好香！🥣鮮蝦布拉腸鮮蝦腸粉布拉腸粉係即叫即做，腸粉外皮又薄又幼滑，晶瑩剔透，鮮蝦爽口彈牙！🥣炸兩腸粉熱，油條脆中帶韌性。份量都夠多，飽肚！☕️菜蜜飲多杯菜蜜就係一餐完美嘅中式粥麵店晚餐了。總結，呢間粥麵店嘅品質不錯，性價比十分之高。兩口子打拼嘅家庭式小店，人情味滿滿，十分溫暖，值得光顧！
繼續閱讀
今天天氣很冷，想買一碗碎牛粥暖暖胃，當回到家後打開一看，看不到任何碎牛肉，以為沉底了，用匙羹不斷攪拌最後發現除了花生生菜之外，什麼都沒有……… 非常失望，看食評好像不錯，但結果竟然是這樣。另外牛肉腸粉入邊嘅餡都超級少，份量亦少，但係腸粉唔記得影相。
繼續閱讀
好友今早約我去位於屯門湖翠路138號啟豐商場地下G1C8號舖的《軒記布拉腸粉。美味粥》食早餐，環境舒適，小店型式經營，坐得舒服。我點左個 艇仔粥 $28，鮮蝦腸粉 $24；好友點左個 粥粉常餐 $48，有牛肉魚片粥+葱花蝦米腸粉，配菜心油菜 $10（跟餐）；另外點左個 炸豬扒炒麵 $38，炸雲吞（5粒）$30，雞蛋腸粉 $22。整體黎講係粥底軟綿，材料新鮮，艇仔粥帶著兒時的回憶（粥+炒麵/腸粉的早餐），配料豐富好味；牛肉魚片新鮮好食；腸粉是真材實料自家拉的，三款腸粉都好鮮甜幼滑，炸豬扒炒麵份量不少，豬扒香脆可口，炒麵好食。
繼續閱讀