影片
以上資料只供參考, 請與餐廳確認詳情
今日向新蒲崗大有街附近，都唔知食乜好，因為對這裡唔多熟。行下行下見到有間魚蛋粉，就入去試下。一坐低見到啲人食緊牛腩河，或者油菜要腩汁，我估應該是牛腩好食所以d人咁叫。\我都叫一碗魚片頭牛腩河同奶茶，先來一杯奶茶，跟茶餐廳一樣沖得有茶味和香滑，但因為隻杯唔熱所以奶茶好快凍左。牛腩片頭河來了，片頭得2粒=.=好少又細粒，咬落彈牙，有魚味，不過2粒就真係太少！牛腩一望就知有層次，一咬落去鬆化而且唔痴牙，有牛腩味，係清湯牛腩，份量多，好食。河粉份量都好多，有潮州果種風味，我個人覺得湯比較咸同濃味，如果可以淡少少會好啲。
繼續閱讀
喜歡到新蒲崗覓食因為此區小店多, 而且質素佳. 今次又找到一間高水準的粉麵店 黃昏時候, 店內客人不多, 一坐下阿姐已過來下訂單, 心情好, 一口氣點了兩碗:- 牛腩牛丸粉- 雙併 - HKD27 牛腩軟而入味, 偏瘦但一點也不乾, 還帶一些坑腩, 正! 牛丸郤不太爽口, 一看餐牌, 第一項是手製魚蛋, 加上門口有售魚蛋, 後悔沒有點 下次一定回來嘗 淨水餃, HKD22 - 有生菜墊底, 五隻肥大的水餃, 蝦很爽口, 黑木耳也不少, 想不到潮州粉麵店的水餃也原此不賴. 又多個理由回來光顧 此店座位寛敞, 地方清潔衞生, 燈光明亮, 令顧客吃得安樂!在付款時, 店內的員工圍在一起吃晚膳, 全都是吃店內的牛腩. 牛雜, 魚蛋粉麵等, 吃得津津有味, 可見水準高, 大家也百吃不厭!
繼續閱讀
前兩星期開始, 逢星期六下午都到新蒲崗上課。上課前找地方食LUNCH, 不想吃茶餐, 又不喜歡工廠區的西式餐廳, 無意中見到這家粉麵面, 去到門店總聽日大叔到喊"入黎坐, 自制魚蛋潮洲粉!!"。我係潮洲人, 不喜歡沒蔥沒蒜的粉, 而且河粉一定要潮式的才好吃! 店裡的員工都是潮洲人, 我就已經自我感覺良好^^! 聽住佢地講潮洲話好有親切感! 而且佢地對客人都好有禮貌, 成日都"唔該!!", "唔好意思"~第一次去食左牛肚水餃河, 牛肚炆得"林", 但不爛! 好入味! 水餃大大隻, 皮薄, 鮮味!今次去叫左魚皮餃河! 皮薄彈牙, 裡面既肉好好食, 好鮮甜, 但又一D都唔咸 (唔知大家有冇留意, 好多魚皮餃都做到好咸!)...第一次叫2味, 今次1味, 因為份量真係有夠多! 上次食唔晒覺得好浪費, 點知今次都仲係差少少先食得晒><!!! 叫少底又怕唔夠食........其實, 都係想講句好抵食呀! 平靚正!
繼續閱讀
約左下午兩點見工，十二點幾就去到新蒲崗，梗係要搵個地方食野同hea下。行到爵祿街，沿途都有好幾間餐廳，快餐店，茶記，星馬菜都有，偏偏我就係吾想o係面試前食咁heavy，平平地簡單食碗麵就算。好彩都比俾我搵到呢間魚蛋粉，一間o係新蒲崗開既“香港仔“魚蛋粉 =.="入到去係典型既魚蛋粉鋪格局，我簡左個舒服既卡位坐底。叫左碗魚蛋河，加個我至愛既魚皮。魚蛋大粒彈牙有鮮味，未必係最好食既魚蛋，但一定好食過四海魚蛋好多倍！魚皮就相當鬆脆，有好重鮮魚味，不俗！埋單廿八蚊，心諗而家出街食野竟然仲可以二字頭埋單，抵食！食完野，感覺飽滿，抖擻精神，去迎接面試。
繼續閱讀
今日我同朋友兩個人打完波諗住食D簡單又飽肚既野，行過呢間粉麫店，未試過咪入去試下。我見魚蛋粉係呢間鋪頭既招牌貨，我就叫左一碗魚蛋河，我朋友就叫左一碗雲吞米。D魚蛋一食落口，就覺得不得了，十分彈牙爽口！河粉又滑又唔會lam pat pat！朋友就話佢碗D雲吞，粒粒大大粒，同埋兩碗粉都份量十足，岩哂打完波食，抵食夾大件！同埋D員工都好Nice，所以呢間鋪頭絕對值得推介，將會變成我地既飯堂！
繼續閱讀