影片
以上資料只供參考, 請與餐廳確認詳情
呢排真係好鍾意咗食串燒， 返到屋企附近就周圍搵下邊度有串燒舖頭，原來新蒲崗都有好多間於是乎今次就揀咗呢間試下，佢嘅食物品種呢度唔算好多， 就係基本嗰啲囉，冇乜特色。夜媽媽又得自己一支公，於是乎就叫咗個“牛油金菇“試下 （我係外賣拎走），34蚊一份👉聽落去比出面嘅好似貴D（出面around25蚊度），但係無諗過佢會咁大份😲😲，有大外賣盒甘大，所以先貴d， 所以都幾抵食， 不過佢就好似冇乜牛油味同埋味道比較清淡， 好似我呢啲食開農味嘅人呢就覺得佢有啲淡，不食開清淡嘅人應該就OK😂😂😂
繼續閱讀
同女朋友係鑽石山睇完戲, 走15分鐘到新蒲崗搵宵夜, 搵到呢間有燒魷魚筒(女朋友最中意)食既 歎燒串燒專門店。。一入到去就有濃烈燒烤味。嗌左4樣野燒魷魚,燒黃立倉,司華力腸同雞脾肉。 樣樣都好食。黃立倉同魷魚非常推薦。好野味。店內唔大地方 非常岩兩三人食宵夜,仲有電視睇
繼續閱讀
燒蠔: 38蚊2隻蒜茸燒蠔, 都幾大隻! 不過燒得熟左少少, 蒜茸份量亦少左D,。炸脾: 幾大隻, 雞脾肉幾嫩滑, 都JUICY架~ 加埋辣粉好惹味, 可惜果日叫左大辣, 變左辣得滯, 好食得辣都覺得辣啊BTW, 我地叫外賣, 包得好好, 好方便
繼續閱讀
對不熟悉黃大仙的人來説，新蒲崗似是交通不便的地方，位於黃大仙和鑽石山之間，沒有地鐵直達。但若熟悉黃大仙和鑽石山區的話，新蒲崗是個非常方便的地方，雖然沒有地鐵站，但從觀塘開出的巴士和小巴幾乎全都要經過新蒲崗，要過海、去尖咀各地方亳無難度。而且，新蒲崗的店舖都暫時未有大集團的壟斷，小店居多。附近的人都會在放工後到新蒲崗吃晚飯，勝在沒這麼早就關門，十點後依然營業，人情味依舊。 歎燒串燒店應該是家族經營的小生意，所有樓面至廚房的都由兩公婆一腳踢。當日有某個時段有很多人走進來點外賣，但老闆娘卻一一拒絕，原因是接單太多應付不瑕，所以想吃個外賣也要視乎當日的人流。因為即點即燒，所以也需要點時間，唯有耐心點等候。雖然帶著疲倦又飽的身軀和肚子，但期間聞到的串燒味道和炭燒香味，實在令人非常期待。除了串燒之外，也有鍋燒烏冬和炒飯來撐肚子。串燒終於做好了，快快開餐了。左邊的墨魚丸表面有點乾，味道一般。右邊的豬頸肉，沾上醬汁之後肉質更是鮮嫩，非常惹味。燒菠蘿：此屬新鮮菠蘿並非罐頭菠蘿，未吃之前已經偷偷加點分數，燒烤過後並沒有把菠蘿水份抽走，依然保持鮮甜多汁，令人回味。唯一美中不足就是菠蘿太大一片，一口未能把整片放到口中，用口咬開又相當困難，如果可以先切成粒再燒那就更好了。燒粟米：看似「乾爭爭」的粟米，吃起來味道也不錯，粟米剛剛熟透，爽口之外更帶有甜味，仍帶有水份。魷魚筒：淋滿醬汁的魷魚筒甚有鮮味，把魷魚筒切成片，爽口彈牙，又有嚼口，跟高級的燒烤餐廳的不遑多讓。勝在較便宜又大份，非常超值。 蒜蓉茄子：在燒烤較少吃茄子，今次發現在炭燒爐上加入蒜蓉的茄子別具一番風味，炭燒後不帶乾涸的感覺。吃茄子時夾雜著蒜蓉粒，蒜蓉的香味又不會把茄子的風頭搶過，茄子帶著爽口質感，比起平時吃的魚香茄子帶來另一個前所未見的口感。我見幾乎每枱都會點這個蒜蓉茄子，我想這就是歎燒的招牌菜吧，非常推介。蒜香燒生蠔：一碟兩隻，鋪滿蔥花和蒜香經過炭燒的過程把味道都滲到蠔裡去。雖然蠔不算大隻，但充滿蠔的鮮味，小吃海鮮總給人滿足的感覺。海鮮泡菜烏冬：泡菜的湯底沒有很強烈，加入泡菜料的湯烏冬跟韓國餐廳那種誓要展出優質而有辣勁的泡菜略有出入，鍋燒令鍋內的食物依然保持溫度，泡菜味道簡單不多花巧的東西，再配上簡單的海鮮配料，卻有家的感覺。訂單太多，但最後金菇終於燒好了。牛油和蒜蓉味十足，跟朋友BBQ一定不可以缺少就是金菇。 雖然說不上是獨特的味道，但那種牛油加上蒜蓉、蔥花的味道配在金菇上，使金菇的味道更顯清甜，用錫紙包裹著，時間也把金菇湯汁迫出，在BBQ中既可濕潤那乾涸的喉嚨，才是BBQ的精華所在。有很多歎燒的食物款式都可以在家製作，難度也不算高，好像墨魚丸串和燒金菇，甚至是泡菜海鮮烏冬，簡單平凡但卻很有味道，我說的不只是炭燒的味道，而是那種聚會和家庭的感覺。只要一吃炭燒串，以前的回憶全是浮現出來，到底我對上一次跟朋友燒烤是幾時呢，吃到這個烏冬，想起到底什麼時候在家吃過這個烏冬呢，也令我突然想起原來我好久沒有回家吃晚飯了，我也好久沒有跟某朋友聚聚舊。只要有材料，想在家或是出外BBQ吃到也不是一件困難的事，事情也許只在乎有沒有心機和時間去經營。就好像想起跟朋友很久沒見，也許誰作主動一點都不重要，要這樣猜猜忌忌，倒不如鼓起勇氣Whatsapp也好電話也好，約出來見見面聚聚舊吧。有心不怕遲，快拿起電話約班朋友出來一起搞個燒烤聚會吧。
繼續閱讀
其實間野開果陣都食過, D串燒過得去, 豬軟骨湯烏冬還可以最近再去食, 環境當然一樣差不多, 太迫, D人好似唔同晒主要叫串燒食, 叫左牛舌, 牛肉等肉串, D野食來到, 好多油, 食物份量好少, D牛舌細到, 差D食唔到咩味, 食油多過食肉, D雞軟骨一樣細粒到, 你話好平就話, 又未真係好平, 同出面好多地方差冇幾, 但份量真係太少, 又唔好食, 地方又迫, 夏天就更加唔好去, 因為冇冷氣咁濟, 可能附近冇咩串燒店, 所以佢唔休冇客, 坐位少, 所以食飯時間多數滿, 但講食物味道, 真係唔會去了, 千其唔會特登去食, 因為唔值
繼續閱讀