影片
以上資料只供參考, 請與餐廳確認詳情
這間位於新蒲崗的一間茶餐廳，雖然裝修簡陋，但最出名是清湯牛腩，叫了一碗，湯底正，牛腩味十足，蔥花自己調節，可以一試。另外這間的咖喱也不錯，下次來可以嘗試~=~°
繼續閱讀
本人好少寫食評 不過見餐廳客人不多 特地寫個食評支持下小店食呢類型既湯粉 我通常都會叫崩沙腩河 但呢間店得一種牛腩第1次食 係男朋友幫我買外賣 我男朋友引述個阿姐同佢講「細佬你唔識食呀 我呢d牛腩好食過乜鬼崩沙腩」😅咁我哋照試下啦估唔到味道又的確不錯 湯底亦唔會太鹹 喺新蒲崗食過幾間腩河 暫時最鍾意呢間 $52 包飲品 算抵食👍🏻有時諗唔到食乜 又想便便哋食個麵都會諗起佢另外 想讚一下有次我想加油菜 但叫1份又太多 老闆知道就特登叫伙記整多幾條菜擺落個河粉度 當下感覺真係好好唔係只想賺錢 會繼續幫襯👍🏻
繼續閱讀
冇諗過呢間雖然叫做清湯腩粉面專家，但係佢整嘅雞係好好食，同埋呢冇諗過係咖喱牛腩都咁正囉，另外佢嘅雲吞麵都非常唔錯雖然呢就殘舊啲間鋪，但係老闆同老闆娘都好好人，值得再去
繼續閱讀
本人因這店而註冊openrice戶口, 新増這店在openrice, 第一次出評語.本人是一名電動輪椅使用者, 於3月17日下午大約1:30想幫襯堂食, 當時店中7個客有3人己埋單走, 另4人坐在牆邊角落位, 我見繁忙時間已過, 有足夠空間才進內, 有一個不知是伙計還是老板娘, 態度極惡劣呼喝我"地方細, 你一眼睇晒, 你唔好入來呀, 要食就坐門口", 廚房中相信是老板視若無睹, 我即時走了.真係嫌我阻地方, 客氣一句"先生唔好意思, 地方細唔方便, 介唔介意坐門口", 我聽到唔會嬲, 會考慮幫襯, 現實咁樣就勁趕客. 記得這店上一手是茶餐廳, 我曾惠顧, 人哋歡迎我囉. 太子十大碗咁好生意 我曾和朋友兩部輪椅入內, 人哋都歡迎我囉. 佢憑乜?
繼續閱讀