影片
附加資料
彝倫街1號對面
營業時間
星期一至日
17:30 - 00:30
以上資料只供參考, 請與餐廳確認詳情
招牌水煮魚片(1條)朋友推介俾小編要試吓～魚片切得好大塊～份量亦唔小～水煮魚唔食好辣反而幾好味👍小編覺得幾抵食亦好味～配菜亦有芽菜同薯粉～都好入味一定要食返兩啖🤤🤤椒鹽鮮魷·椒鹽九肚魚小編幾鐘意食依款椒鹽～佢唔係好咸個種～搭兩款菜式都出色·魷魚同九肚魚都幾大舊🤤蜜椒甘薯牛柳粒薯仔勁入味～煮得剛好唔會太淋👍牛柳粒唔會煮到過火～好有咬口仲要唔係細細粒😍啫啫生菜煲用上幾多配料去炒起～食落好有鑊氣盛惠💰$8xx好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:好食👍有飯局想食小菜都會推薦俾其他朋友去試下～會再去的🤡
繼續閱讀
昨晚收工，想去食小炒，可以餸酒的菜式，在新蒲崗搜尋見到這間店舖，就入去一試，第一次來食，服務員態度好好，座下先叫了兩個餸，炸大腸及炸鯪魚球，兩個菜式外脆內軟，炸大腸的酸甜沾醬，唔太酸又唔太甜剛剛好，令以往唔喜歡酸甜醬的我都覺得好味；炸鯪魚球的魚肉調味一流，外皮加了炸過的米粉一起炸，鬆脆鮮香，之後想食乾炒牛河又點了，實在好味。用餐當中見到好多枱客人都點蠔餅，實在好想食，但又怕食唔晒，這個唯有留下一次食。
繼續閱讀
早幾個月前咁啱經過就入咗去試，從此就愛上咗呢間小店，幫襯過幾次每次試唔同嘅嘢都有驚喜👍🏼今次叫咗蜜椒金薯牛柳粒，沙拉骨同豉椒炒蜆🤤金薯牛柳粒每次都必叫，薯仔炸到外脆內鬆化，牛柳粒好軟腍，好夠鑊氣，送酒一流👍🏼豉椒炒蜆每次嚟都想食但次次都話冇，今次終於食到！蜆肉大大粒又鮮甜，好味🤤🤤🤤沙拉骨好香口，肥瘦適中，味道酸酸甜甜好開胃，我覺得可以再落多啲沙律醬😂好期待下次再試其他菜式😂😂😂
繼續閱讀
小炒大王, 勁推👍🏻👍🏻😋😋 首先俾大家睇睇個餐牌先,都唔算好貴, 同埋都幾多選擇~必食推介👍🏻👍🏻👍🏻👍🏻👍🏻👍🏻沙薑凍豬手($70)而個豬手真係無得頂,雖然份量唔算多, 但一定唔會令你失望!!佢個醬係自家調配既, 真心好味到痴曬線!!😋炸蠔餅 ($80)佢而個蠔餅每一粒蠔都大大粒,唔會好似淨係食緊炸粉咁~又脆又香😋蒜茸蒸頭腩 ($138)最中意食d有粉絲墊底既海鮮😍個頭腩又唔腥, 好味😙最後想推介埋而個鐵板薑蔥魚卜 ($108)唔係度度都有魚卜食,而個魚卜用鐵板上, 無咁腥, 仲好野味😋仲有一點, 而間餐廳上菜速度勁快,快靚正! 值得推介👍🏻👍🏻
繼續閱讀
以下，係我寫呢篇食評之前嘅 心理掙扎…內容非常沉悶，唔想睇？咪唔好睇囉！我個心一路反反覆覆，唔知應唔應該寫呢間「發記」嘅食評，因為呢間舖頭細細，喺新蒲崗工廠區，外貌又平平無奇服務麻麻，落單又立立亂嘅食店，居然D小炒有咁嘅質素，居然價錢又咁平，萬一我寫完食評之後，多咗人去，以後訂唔到位咪捉蟲……但諗深一層，我係唔係太自大呢？我啲POST，嚟嚟去去都係得果小貓三四隻睇，何來有咁大影響力！再諗深多一層，食到好食嘅嘢，上OpenRice推介，係天公地道嘅事！最後我決定，放兩個我去到必叫嘅菜，就係 蠔餅 同 豉油皇鵝腸你覺得啱睇嘅，咪去試試囉……
繼續閱讀