影片
開飯介紹
荃灣起家的人氣日本料理店，石燒香草吉列牛是必食之選，亦有日式火鍋及新鮮刺身。
繼續閱讀
附加資料
入座起60分鐘用膳時間。人齊入座。
另設包場服務（星期日至星期四）10位起上限16位，最低消費$250起 (自成一角)，有意可聯絡。
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
相關文章
份量同,價錢同埋A4和牛都好OK. 可惜冇酒牌。如果可以飲酒送肉就一流，sushi 選擇唔係好多，但係都好fresh. 同埋個shabu shabu都好好。冷氣夠凍所以記得着多件衫
繼續閱讀
前幾日6點去到，見到間舖空溜溜，以為自己太早去，點知就中左伏。入到去叫左個吉列牛同海鮮火鍋。先講吉列牛，完全無牛味，食得出係好唔新鮮，唔係話入唔到口，而係呢個質素同價錢我會寧願返屋企食杯麵。個海鮮鍋先係世界級難食。鍋底係淡而無味嘅龍蝦湯，真係淡到食到一半先食得出。最重要嘅係啲海鮮超級唔新鮮！！腥到想嘔，隻蝦仲要係臭嘅！你無睇錯，係臭，唔係霉，真係腐爛左嗰種臭。食完真係好唔舒服，好彩無真係病。唔太清楚點解呢間餐廳有咁多正評，但係奉勸大家，正評可以買，負評係差到要特登上黎打文發表，邊樣可信啲，大家自己知。唔推薦任何人食，除非你想推比你老細食，如果差唔多辭職可以考慮。
繼續閱讀
在旺角初見食左個🐮牛肉火鍋，這裡的環境簡約而舒適🌿，讓人感覺輕鬆自在🎋。點了一份牛肉火鍋，服務生迅速地為我端上了一鍋熱氣騰騰的湯底。牛肉的質量令人印象深刻，鮮嫩多汁😋，切割得恰到好處，煮熟後的口感滑嫩，與湯底的融合讓每一口都充滿了肉香。除了牛肉，其他的配料也相當出色。新鮮的菇類🍄🟫和時令蔬菜🥦🥬讓整個火鍋更加豐富，特別是香菇，煮後的鮮香味道令人陶醉。每一口都充滿了自然的甘甜，讓我不禁想多吃幾片。 下次會再來試試其他美食例如壽司🍣拉麵🍜刺身等等
繼續閱讀
兩日前已經through OpenRice book咗枱同女朋友食夜晚，本身睇啲review都唔差，所以先一試。.七點入到去攞位嘅時候場面都好full嘅，一嚟到waitress就叫我哋坐樓上，所以就冇特別再問坐返樓下得唔得喇。結果上到去，個裝修同下面完全唔一樣，非常簡陋，牆又白、燈光又白，好似返大陸啲餐廳樓上閣仔食嘢咁，完全唔係居酒屋應有嘅氛圍。.跟住坐低一揭開menu，個menu上面有兩隻卜泥蟲喺度躝，食慾更大下降，即刻覺得呢度衛生都唔多好。無奈星期六日呢啲鐘數去其他餐廳都要等，我哋都費事轉地方照落order了。女朋友嗌咗個香草吉列牛，我就嗌咗個安格斯牛肉鍋，我哋兩個都係有湯同飯，先唔講本身啲嘢食都遲上，偏偏碗白飯就遲遲都未到，中間waitress都有主動上過嚟講話飯會遲上，但過咗半個鐘之後再催都係冇，結果係由落order後嘅五十分鐘個waitress先嚟同我哋suggest 轉拉麵，因為個飯仲要再等😑.一句講晒，就係經營得唔好所以要靠俾錢上media招客囉😑.食方面其實啲嘢食已經係好普通，香草吉列牛冇大家所講嘅咁好食同特別，牛鍋都係average level，但價錢ok所以都覺得可以嘅。.但最大扣分位真係個環境。其實你地方細，做唔到咁多客就唔好夾硬做。你想做多啲客又求其整樓上位，食客嚟到好難唔失望啦老實講，俾著係其他食客見到要坐樓上都即刻調頭走。更何況係你根本就唔夠人手整咁多客嘅食物，要啲客坐喺咁嘅環境等你咁耐。.香港地俾錢食飯不嬲都係食舖租，只能夠話呢個價位嘅日式嘢喺香港有plenty better options。
繼續閱讀
我地比較早食 6pm就去到一入門口係冇客望住個waitress好似死老豆咁已經冇乜胃口問佢坐邊又唔出聲淨係手指指你成場空位啫 都可以管理下啲人坐邊掛？問佢有冇廁所又好似得罪佢咁唔怪得個個返大陸食嘢，起碼人地服務好嘢食就正常味道冇其它食評講到咁正環境方面，冷氣唔夠，大佬，依家夏天呀，開咁細不如你慳返咪開啦本身想食啲鍋物或者鐵板但咁焗食唔到唔推薦嚟受氣另外如果老細你睇到 建議你請啲人係識笑識講嘢，唔係黑口黑面手指指
繼續閱讀
您可能會有興趣的...