影片
付款方式
以上資料只供參考, 請與餐廳確認詳情
第一次留comment, 第一次光顧油麻地分店。收工專登行去油麻地買，一個講唔正廣東話，夾住鯊魚夾嘅女人幫我落單，我叫豬肚加魚皮，但見佢夾緊豬耳，我就問：「咦，依個唔係豬耳咩，我要豬肚喎。」佢仲話：「係啊，咪啱囉。」之後我指住豬肚反問：「唔係依個先係豬肚咩？」佢先get到我要嘅係豬肚而唔係豬耳，之後即刻轉用普通話同我溝通，話唔好意思我以為你要豬耳。聽唔明唔緊要，可以夾餸之前問下客人confirm下，客人已提出疑問，仲堅持話自己冇錯，建議好好練好廣東話。但最嬲嘅係，我光顧咗好多次，價錢越嚟越貴，食物份量越嚟越少，都算。今次真係好離譜，平時魚皮放上面，係佈滿哂，今次。。。空到。。。少到真係好嬲，唔比差評唔得。價錢就識加，但食物份量俾符合價錢嘅要求都做唔到。
繼續閱讀
啱啱開店個陣好鍾意食 成日買但自從做大咗店 開多咗分店加價就預咗 最新價錢 $26一碗麵/粉旺角尼間 味道無以前嘅好 得個辣字啲姐姐換咗幾手 態度都無以前最開始個幾個好 依家尼啲仲會惡返你轉頭加十蚊配菜得個少少我依家寧願食馬會隔離新開個間好過
繼續閱讀
$25正宗四川惹味涼麵～～～四川風味小吃～～～～～～～～～～～～～～～～～～小編一直都喜歡吃酸酸辣辣的味道，之前亦試過很多間四川涼麵😊😊今次係旺角呢一間四川涼麵很正宗～～值得推介喔～ 呢一間涼麵只做外賣，冇得堂食～～但都不阻小編既熱愛，最愛加支竹($8)和雞絲($8)🥰🥰很好吃呢～～這一家店的姨姨非常友善，亦都好有親切感，會想再吃😊😊😊
繼續閱讀
手工涼皮（$25)🐷加豬耳（+$8)賣相：🐧🐧🐧味道：🐧🐧🐧涼皮、豬耳及各項配料與醬料兜亂後，放在透明膠兜內包裝，份量算頗多，足夠飽肚。味道方面，涼皮口感一般，偏軟身，煙韌彈性不足，未經切細分開，夾上手經常有幾大塊黏在一起的情況。醬料份量略嫌偏少，調味一般，不會過鹹，選了小辣的辣度，個人認為比一般小辣弱，未算過於辛口刺激。各項配料種類頗多，有青瓜絲、蔥粒、花生、麵根等，質素不差頗為新鮮。另外點選的豬耳，份量不算多，只有2小束的份，入口爽口彈牙，十分不錯。輪候時間：🐧🐧🐧晚上9點幾前往購買，需要輪候3-4人，即點即整，全程需時約15-20分鐘。🐧❤️結語：中規中舉的四川小食，價錢頗為便宜，宵夜不妨一試。
繼續閱讀
夏日炎炎，當然唔會錯過涼拌小食，特別係四川涼皮🍝，味道酸酸辣辣，超級開胃🤤。喺旺角家樂坊附近開咗一間四川風味小吃店，味道有質素之餘，大份又足料💪🏻，係旺角黎講性價比都幾高。佢哋嘅order 方法就好似車仔麵舖頭咁，當你去到現場嘅時候，你會見到佢哋有一兜兩兜唔同嘅菜都擺咗喺度，先叫咗個粉麵底，先然後再加錢再加菜😍⭐️涼皮+豆乾條 今次我就叫咗個涼皮做粉麵底，然後再加左個菜豆乾，可以再加唔同嘅餸，而選擇都好多😂有最常見嘅雞腎、雞絲、牛肉、牛展、薯仔絲等等，因為我唔係好食得辣啦，所以我就叫咗少少辣，然後要晒芫荽蔥☺️ 💰$25+$8 = $33
繼續閱讀