影片
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
同朋友行完朗豪坊，想搵d日式放題食食，一上到去竟然全場爆滿，估唔到平日中午都咁誇張～好彩我地一去到就已經入得去。仲有吧檯位安排到比我地2個人坐，一坐低就掃qr code叫野食。好鍾意呢到既飲品，因為好貼心，由其係唔飲凍飲既朋友，呢到係有一個暖櫃提供熱飲品！朋友就比較鍾意佢外面有個開放式既食物放題區，有海鮮，蝦同青口食！仲有唔同既甜品同小食。食物款式確實好多:最想介紹既係，🔅三文魚刺身，肉身十分鮮甜爽口🔅帶子刺身等；壽司也很多款式，外形漂亮吸引，味道一流🔅小食也有很多：枝豆，粟米粒等；小食類十分精美🔅海鮮類也十分多多，例如：鮮蝦，生蠔，嚮螺等；海鮮類十分鮮甜可口🔅牛乳湯都好夠熱同香甜，配料超多#放題 #好近地鐵站 #香港必喝 #旺角探店 #香港放題店 #香港好去處 #旺角推薦食品#旺角美食 #香港美食 #香港必食 #香港探店 #香港打卡 #香港旅遊
繼續閱讀
即使過咗中秋開始涼涼地，都無阻我思鄉心情，為解一愁，今天相約友人去呢間既款式多到數唔哂既日式放題名店「極尚大瀛喜日本料理」品嚐是日晚餐❗餐廳裝修簡潔，店員非常有禮貌并安排預約客人逐個取飛入座，而上菜速度非常快而且準！我們惠顧了晚市放題 1️⃣🌟新鮮刺身、壽司手卷:刺身包括油甘魚、赤蝦、長腳蟹腳、象拔蚌、泰式鮑魚以及海膽手卷，每一啖都非常鮮美，特別是油甘魚和赤蝦，肉質鮮嫩，入口即融。2️⃣🌟燒物及天婦羅:鹽燒牛舌及西京燒魚入味鮮美。天婦羅部分,蝦及秋葵炸得恰到好處,外脆內軟。3️⃣ 🌟一品料理:金牌紅燒乳鴿肉質嫩滑以及芝士黃金醬燒開邊蝦，而且連榴櫣都有，非常驚喜！4️⃣🌟煮物:金湯酸菜魚湯底濃郁，配上鮮味既魚肉，非常惹味。日式烏冬則彈牙爽口，一試難忘。5️⃣🌟自助吧:自助吧的選擇頗為豐富,有麻辣豬手還有泰式鳳爪等特色小吃。湯品方面,蟲草花膠燉雞湯滋補養顏。各式飲料和乳酪甜品雪糕HaagenDazs都係放題任食，欲罷不能。總括而言,這家日式放題菜式豐富,新鮮出色,令人回味無窮。無論是刺身、燒物、一品料理,還是煮物和自助吧,而且鄰近旺角地鐵站，絕對要推薦俾鐘意日本料理既你。
繼續閱讀
大喜屋一向係放題界中比較水準穩定又抵食嘅人氣之選。鍾意食刺身、壽司等日式料理嘅人嚟到一定可以大快朵頤🥳呢日去到集團旗下嘅極尚大瀛喜日本料理，發現而家嘅放題已經去到更高level，食物、飲品選擇超級豐富👏🏻除咗日式料理，仲有中式美食，選擇多到媲美自助餐。刺身嘅質素尤其出色😋但係價錢就出奇地抵食，8：30後入座每人只需$268就可以任飲任食兩小時，性價比好高，難怪咩時段都座無虛席🔥🍣刺身、壽司、卷物刺身絕對要不停encore😎夠晒新鮮，不論池魚王、油甘魚、挪威三文魚、大赤蝦等都夠鮮甜高質😋另外仲有多款壽司卷物，好似幾甘香嘅海膽手卷、海膽魚子紫菜杯、拖羅蓉軍艦等，size比較的骰，可以叫多幾款🤪比較特別嘅仲有泰式虎蝦、泰式鮑魚，別有一番風味。🦪燒烤、中式熟食、炸物、鍋物、主食熟食除咗大路嘅和物、火鍋、天婦羅之外，仲有鮑汁花膠、川味蒸珍寶鮮蠔、豉汁蒸鱔球等中式美食。花膠絕對係必點回本之選😛😛花膠超大塊，而且真係食到啲膠質，幾正😋裡面仲有鮑片、花菇同西蘭花，媲美酒樓質素。其他必點嘅熟食有法式香草燒羊架、鐵板鵝肝以及鐵板燒汁蒜片一口牛。羊架啖啖肉，肉質夠juicy，調味啱啱好，好食😋鵝肝軟滑甘香，甘香味滲入底下嘅脆片超邪惡😈🥗自助區凍海鮮、沙律、熟食自助區可以任拎青口、翡翠螺以及熟蝦3款凍海鮮。另外都有中華沙律、蒸點心、炒菜、炸物、紅酒燉牛肋條等熟食🥘🍦甜品、雪糕甜品有Haagendaz雪糕、韓國雪條。另外有部軟雪糕機，供應蜜瓜及牛奶兩款味道，雪糕帶點冰感，蜜瓜味幾香幾天然都唔錯😚糖水有香甜嘅椰汁雪燕👍🏻另外仲有唔少杯裝甜品以及糯米糍，好似tiramisu、班蘭布丁、榴槤布丁等。🥃飲品以放題店嚟講，呢度嘅酒精飲品選擇可能係全香港數一數二🤩🤩無諗到咁抵食嘅放題竟然包埋清酒機，任斟熱清酒🍶飲品機仲有3款梅酒選擇，另外仲有部Hoegarden啤酒機，提供清新口味嘅啤酒🍺雪櫃仲有好多款罐裝日本啤酒、汽水、果汁，同埋樽裝冷泡烏龍茶🧃推介指數（10分為滿分）：8分
繼續閱讀
旺角Ｅ１出口一出就會見到這間招牌了，位置非常方便。今天就是家人慶祝所以出來吃飯，時段選了晚上的８點半，性價比會比較高，計算完加１也不用３００元一個人！而且來到剛好不同排隊，可以直接入！日式放題（８：３０ ２６８元／人）之前看到有拖羅刺身任吃的，不過這個月沒了，但就變成了有拖羅壽司，也挺不錯的，用的拖羅質素也挺高的，有點入口即化的口感，有油香和魚味。其他的火炙類別的壽司也挺不錯，推薦火炙三文魚腩壽司和左口魚邊壽司！而來到這裡必吃的刺身選擇也挺多，比較少有的池魚王也有任吃，常見的如三文魚，赤蝦，帆立貝，油甘魚，北寄貝和象拔蚌，甚至連鮑魚和海蜇都有，真的挺意外的！刺身都很新鮮，味道鮮甜。另外還有期間限定的榴槤王可以任吃，愛榴槤的一定要吃多幾件，味道香濃，質感幼滑，就是核大了點，不過是任吃的，吃多幾件就可以了！其他的還有很多不同的料理，質素都挺高的，如濃濃油香的鐵板鵝肝，外脆內嫩的紅燒乳鴿，燒烤必點的川味蒸蠔，嫩滑多汁的鐵板一口牛，嫩滑的豉汁蒸鱔球，炸物也很香脆！最後還有很多種不同的雪糕可選，Haagen dazs雪糕也可以任食，不過令我驚喜的是蜜瓜軟雪糕，味道清甜解膩！
繼續閱讀
今日諗住帶媽咪去食午餐，好彩預先book定位，因為都好爆場！見佢最近推出咗個期間限定拖羅任食超抵食-鐵板鵝肝，夠肥美而且係入即溶的感覺，配搭嘅醬汁啱啱好-蟹黃海皇粥，熱辣辣夠暖胃仲有一隻蝦同蜆肉喺裏面！-炸雞軟骨粒，熱辣辣而且有啲黑椒喺上面又幾好食！我鍾意加少少檸檬汁喺上面-泰式牛肉卷，味道都唔錯！牛肉唔會太熟，加埋壽司飯一齊夠特色-紅燒乳鴿，肉質鮮嫩，經過紅燒烹飪之後，外表金黃夠脆-豉椒炒蜆夠鮮嫩、夠香辣，不會過於鹹腥或過於辣，味道岩岩好-鹽燒三文魚腩、醬燒左口魚邊，最喜愛就是食三文魚腩，貪佢肉質夠鮮嫩，有返少少脂肪感！食落去比較彈牙，左口魚肉質嫩滑，加上香濃的醬料-最後當然係刺身，實在太多款式，樣樣都好新鮮鮮甜特別鍾意食嘅就係佢嘅俄羅斯甜蝦！好鮮甜-飲品方面超級多選擇，又有啤酒又有汽水！
繼續閱讀