影片
營業時間
星期一至六
12:00 - 16:00
18:00 - 00:00
星期日
18:00 - 00:00
以上資料只供參考, 請與餐廳確認詳情
招牌菜
食評 (100)
叫左個西京燒銀雪魚定食，等左半個鐘。條魚冇魚味，亦冇西京燒風味，但鹹到震。。。連伴菜都是發黃的個麵豉湯仲難飲過即沖嗰D 另叫了豬軟骨烏冬，天喇！為什麼變了豬硬骨。好有咬口囉！一定唔會再來
繼續閱讀
價錢係個區黎講都唔太貴.因為佢d 食物都幾新鮮魚生款式名新鮮都ok食品款式不算太多有牛舌,熱鍋食,拉麵,小食,不過每樣質數都不錯有幾樣很值得介紹1)清酒煮蜆,酒味唔重,岩岩好,好好味2)燒菠蘿,真係好好食.甜甜暖暖的,又少少酸酸的3)馬刀貝,很新鮮,很清甜4)燒蕃薯,很甜,岩岩好一口就食左,唔太漏不過只是有一點不太好,不包飲品,要加錢.
繼續閱讀
因為趕Project沒有在正常時間吃午餐，到這間日本料理店時，已經是下午茶時段。這間店子在下午茶都有一些飯款和拉麵餐推出，所以我點了三文魚炒飯連熱飲這樣子。不消很久就有食物到。原本以為下午茶時間的份量應該不多，但這店子真慷慨，相片中的碟子是深深的碟子，即是說盛載了很多飯。可能廚師不知道這碟飯是一名妙齡少女點的呢！三文魚炒飯用料夠多：三文魚粒﹑蛋絲﹑青葱粒﹑紅蘿蔔粒，炒埋一碟。三文魚粒是可以用匙羮撈到的，即是說有咁上下大粒囉。炒飯乾身，沒有油剩在碟底。吃起來，幾種配料互相配搭，能夠食得出個層次感來。米粒是圓圓的，但不是袖珍型的珍珠米，算是大粒的米。整體來說，以下午茶廿多元(HK$)，我覺得是抵食的。
繼續閱讀
上星期六同朋友6個人系mk搵野食個陣發現左呢間放題😁😁😁本人認為都吾錯可以去試下~價錢吾算太貴,我地大概8點入去158加1一個人,咁岩有枱埋單等左5min就有位,1坐低梗系即刻就叫左刺身同壽司先啦,等左無耐就有得食啦,d刺身好新鮮,3文魚勁肥勁好味😝😝😝,壽司同卷都好好味,有個叫瀧澤特卷幾特別,有d海膽同呑拿魚碎系上面,味道真系吾錯😍😍😍之後叫左d一品料理,天婦羅同串燒啦~~都黎得好快,一品料理d野細細碟但系有好多樣野,其中推薦温泉蛋😌正!!跟住天婦羅,岩岩炸起熱辣辣勁好味xD連個天婦羅汁都系熱嫁😁😁😁天婦羅我推薦對芝士年糕同個炸蝦!!跟住仲有d燒物,雖然個燒既雞軟骨幹左小小,但系個燒波羅好甜好多汁,同埋個燒海蝦都系一流😍😍😍😍😍,最後食完仲有甜品哈蜜瓜送反,整體黎講我同班朋友都認為好食得黎價錢又公道😃😃真系真心推薦比各位去試下😚😚😚😚😚
繼續閱讀
前日咁啱同朋友一齊放假，打算去旺角揾放題食，之前都試過好多間，有個朋友上網搵左呢間大家都未食過所以就去試下。個朋友book左位但都要等！見裡面D人做野好慢，慢慢汁台慢慢sat台，我地就咁等左15分鐘，天氣炎熱，一心諗住入到去第一時間叫飲品先，坐低後發覺揾唔到叫飲品既落單紙，就問職員，點知佢話飲品要另外叫每杯$6！嘩~真係從來無食過一間放題係無任飲的，連一杯半杯都無得送感覺好唔底！最後每人都叫左一杯飲品首先我地叫左D魚生，壽司，天婦羅。魚生ok新鮮，不過款式唔多！更有幾款職員話當日未能供應！天婦羅ok無乜特別，但個天婦羅汁好有問題，係好似滾水加左一點有怪味既豉油咁的，唔點好過壽司好難食，D壽司飯非常之淋，有點像爛飯一樣，還有點暖暖的，帆立貝好簿，師父刀功非常一流！蝦壽司同蛋壽司都還可以，最難食係那個叫芝士三文魚壽司，味道像嘔吐物的，我們叫左六件，五件退回廚房去，當初職員話我地唔要咁多唔得，但我地叫佢食一件試試，個職員都笑一笑擰頭話唔食，之後幫我地倒左，係街邊賣三蚊一件仲好食過佢，又係選擇唔多，因為又係有幾款當日未能供應的！之後叫串燒，雞軟骨好像無落油無落汁燒的！乾到好似食緊柴皮咁，雞翅都好乾，無味的，牛柳粒又有異味，以為蔬菜類會無事，點知翠玉瓜係唔熟的，生的只係有小許鹽味！燒三文魚頭算幾好，多春魚就咸到好似咸魚咁，其他唔再夠膽食啦！金菇牛肉卷，唔算得上好食，但可以入到口！壽司卷物，軟蟹卷幾好，之後叫左個佢話係招牌菜既＂瀧澤特卷＂，上面有小許海膽，但臭的，我本身好鐘意食海膽，未食過一間係又臭又有苦味的！都係嗰句，去爭X買三蚊件海膽壽司仲好食之後大家都唔係好開胃，叫左D炸豆腐，沙律同魚生食完就算！但個炸豆腐叫左兩次都無黎，跟住就埋單啦！六個人只係食左一個鍾頭就走啦！當初見到間野限時食1：45分鐘仲驚唔夠時間=.=埋單好肉赤！加一再加埋一杯飲品6蚊每人$190，肉赤係因為無乜食過野咁！以後唔會再黎！
繼續閱讀