影片
港鐵旺角站 E2 出口, 步行約5分鐘
繼續閱讀
電話號碼
59787328
營業時間
今日營業
11:00 - 02:00
星期一至日
11:00 - 02:00
以上資料只供參考, 請與餐廳確認詳情
夜晚七點鐘去到，見到得一台客，都覺得伏伏地，但因為趕時間就冇諗咁多，叫咗碗米粉分湯外賣，一返到去打開蓋以為自己叫錯咗飯😳啲米粉碎到咁樣好心就唔好出俾人啦！🤬牛腩冇牛腩味，雲吞又冇雲吞味，仲好意思間舖叫做牛腩王，真係笑死人😂😂😂😂😂😂😂。真係好犀利！可以令到我成為第一個忍唔住寫食評嘅舖頭😂😂😂😂😂😂😂😂完全唔明點解果幾十個人可以俾到好評，一係就係冇味蕾完全食唔出味道😂
繼續閱讀
呢排天氣好反常每日都係咁落雨，落下停下搞到返工好狼狽。由於今日喺旺角見客亦好少地方泊位所以無揸車，果然天有不測之風雲。雖然多左人離港消費，但今日亦見有好多旅客來港，咁都真係唔錯呀~ 今日見完客都到下午茶時間，一如以往睇下附近有啲咩嘢食醫個五臟廟，對於我一個人搵食首選當然係牛腩麵，行經過波鞋街時見到一間應該都開咗無耐嘅牛腩麵舖頭，見到佢鋪面五隻大字「雄記牛腩王」，就即管試下係唔係咁厲害。入到去店舖位置都好寬敞，而餐牌上面亦有非常多嘅款式選擇， 當然主力都係牛腩，而對我嚟講一次過可以食到三樣鍾意嘅嘢一定係牛三寶，今次麵底要咗個幼麵，而且可以加$20蚊就可以有碟菜同埋一杯凍飲，好唔好食就未知，不過就一定好抵食。落餐後大約等咗十分鐘所有食物都陸續上枱啦~~~ 牛三寶麵入面有牛腩、牛肚、牛筋，首先從賣相上見到牛腩都有三大件，肥瘦適中而且油脂分佈很均勻；牛肚份量好多而且分別有金錢肚同我最鍾意嘅草肚兩款；牛筋份量多又大件，就咁睇就已經好多膠質。味道方面牛腩炆得好入味而且好嫩滑，嚼勁十足有口感；牛肚口感相當好，咬開一絲絲牛肚非常入味；牛筋除咗有豐富膠質之外，亦炆得相當淋身入味，煙煙靭靭好似食緊花膠咁；當然唔可以少咗配角就係又爽又彈牙嘅幼麵，完全冇鹼水味；再加上秘製嘅腩汁、湯底濃淡得宜，亦帶陣陣牛香唔會太肥膩。腐乳通菜新鮮爽脆，配合腐乳非常惹味。最後當然加埋我最愛嘅凍檸檬茶，大大杯非常夠凍而且檸檬有好多片一啲都唔吝嗇，甜度適中相當滿足。 雖然出面落緊大雨，但自己一個慢慢享受下午茶時光亦係忙裏偷閒嘅一個小確幸，埋單都唔駛$100蚊，牛三寶麵咁大碗份量又多，再加埋菜同埋飲品性價比好高，食完就繼續行埋波鞋街睇下有無啱心水波鞋先~~~
繼續閱讀
食港式嘅潮州粉麵，雲吞、水餃、魚蛋各有所好，但講到粉麵舖嘅靈魂，一定係嗰個又香又濃嘅腩汁。位於旺角嘅雄記牛腩王，喺門外路過已經聞到香噴噴嘅腩汁，作為我嘅comfort food之一，忍唔住入嚟食番碗先得。牛三寶麵 牛三寶有齊牛腩，牛筋同金錢肚，但重點當然係加上香濃腩汁嘅湯底。牛腩嘅肉味突出，肉質軟腍；牛筋膠質豐富，夠晒入味；牛肚彈牙爽口，同樣出色。至於麵底份量十足，夠晒飽肚。咖哩崩沙腩飯 最正嘅當然係崩沙腩啦！崩沙腩係牛腩中最矜貴嘅部份，係牛肚皮嘅腩位，位於牛嘅橫膈膜附近，表面有一層橫膈膜連腩肉，呢個部份嘅肉質更軟腍腍，肥瘦適中。至於咖哩汁嘅辣味適中，用嚟撈飯一流！
繼續閱讀
今晚須要上堂。須要一個快食填肚。經過旺角波鞋街見到間牛腩王入到去舖子細細。五臟俱全。見到舖面裝修真係好清靜。環境一流。座位與座位的距離拉近好多。完全無壓迫感入到舖頭更是要食牛腩。但牛腩都有分崩沙腩或坑腩。但發現左下面係可以崩沙腩再加上坑腩。崩沙腩。河粉嫩滑。油與肉分明。肉質鮮嫩加上獨特調味。令肉味更鮮更甜。配上獨有清湯牛腩必備神絮「鮮甜清湯」。更加相得益彰！坑腩。。坑腩牛腩肉質入口更是入口即化的現象！
繼續閱讀
經過諗住隨便入嚟食餐便飯，冇諗到品質都幾好我同朋友分別叫咗一個牛三寶撈麵、崩沙腩撈麵，我哋兩個都加咗$20升級油菜加凍飲套餐。我哋叫嘅應該係成間店唔算最貴嘅面啦，買單唔使$100一個人。牛三寶撈麵⭐️⭐️⭐️⭐️⭐️分量充足，有肉有菜，分別有牛腩、牛肚、牛筋。味道確實唔錯，撈麵係用冇味精嘅牛骨湯底煮嘅，加d蠔油撈起身好香。不過記住蠔油千祈唔好撈得咁多，會比較鹹。崩沙腩撈麵⭐️⭐️⭐️⭐️⭐️經典優質嘅港式崩沙腩味道，面底係鹼水麵，好鍾意呢隻味。見到出邊嘅小黑板，還有三種非常抵食咗常餐，下次過嚟試吓先得
繼續閱讀
您可能會有興趣的...