影片
港鐵旺角站 E2 出口, 步行約3分鐘
繼續閱讀
電話號碼
64067303
營業時間
今日營業
12:00 - 15:30
18:00 - 23:30
星期一
全日休息
星期二至四
12:00 - 15:30
18:00 - 22:30
星期五至日
12:00 - 15:30
18:00 - 23:30
以上資料只供參考, 請與餐廳確認詳情
好想試呢間小店，前後嚟過3次，頭2次爆場要等，最後離開咗。今次星期日2點去到，先知道原來可book位，雖然我哋冇訂座，要留名等call，但臨近落場（1500），女店員話等2張檯便可，預計15-20分鐘。因為太想食，今次就等下啦~大約2點半收到call。坐低後都要等一段時間先有食物，因為舖頭有12個位，滿座，而只得老細一個人煮，，所以都唔簡單。餐廳較細，2人檯都係同隔離檯「痴」住，較難傾計，感覺侷促。電子落單，但餐牌上有唔少食物售完，選擇有限。原本最想食的金畢文芝士冇得食，牛油果醬意粉亦冇，同時冇乜非肉類選擇，所以素食係「click」既。不過，店員問准老細可以幫我煮黑松露菌意粉，但我哋覺得少貴（$138），冇點到。西班牙黑毛豬黑松露薯蓉沙律：睇狗狗爸爸切肉時已覺得塊肉好腍，狗狗爸爸話好食、有肉汁，只係肉細件，亦唔算厚；薯蓉有淡淡黑松露香味，幾好食，只係間中食到有薯粒未壓爛；好食有部分原因係薯蓉油脂重，帶油香，但就幾heavy；沙律菜係點綴，份量少，簡單地配芝麻醬，唔特別避風塘粟米：必食！由於冇太多素食選擇，所以熱氣都揀咗呢個小食，但絕對冇點錯。粟米香口，蒜粒炸到焦燶，椒鹽味重，勁惹味！食的時候有少少不便，因為粟米連芯，芯多渣食唔到，單食粟米粒要花啲功夫，唔係太易可以叉住咬嚟食巴斯克芝士蛋糕：細細件，味道同質感其實幾好，淡芝士味（真係淡架），冇乜甜味，應該比較健康；蛋糕表面唔夠燶，裡面算係半軟心，有少少杏仁碎擺盤，配埋蛋糕一齊食會帶少少咬口；但蛋糕的溫度係問題，上檯時蛋糕已唔凍，近室溫，我唔慣甜品係呢個溫度，感覺有啲怪菠蘿梳打：唔錯，唔會太甜整體嚟講，用餐環境係一般以下，冇乜私穩，而且因為空間細，設計、裝修上較難突出到餐廳的個性；等食要有耐性，亦要一路上菜一路食，所以share會比較好，我見隔離檯個蛋卷嚟咗好耐，但佢哋堅持等齊食物先一次過食，變咗個蛋卷攤到凍曬都好食有限；老細煮嘢好俾心機，一個人炮製咁鬼多嘢（包括甜品），唔容易，好捱得；食物份量偏細，主菜唔係好夠食（正常女仔食量），但味道係唔錯嘅。如果著重用餐體驗、環境同氣氛，呢度唔係好理想；如果只想食到用心製作的食物，可以考慮外賣，但以外賣嚟講，價格略高。支持老細物色較大的舖位，到時先再考慮幫襯！
繼續閱讀
要數近期小編最滿意嘅餐廳，一定係位於旺角通菜街嘅「𝙲𝚑𝚎𝚏𝚜' 𝚔𝚒𝚝𝚌𝚑𝚎𝚗」😋 小店座位唔算好多，但勝在味道出眾，而且店主一手包辦埋大廚角色，又鍾意同食客傾偈，認真熱情好客好夠𝙷𝚎𝚊𝚛𝚝💯❤️ 雖然一個人煮，但上菜速度都好快，而且係烹調技巧上都好講究，有慢煮嘅、有炆燉嘅，相當有實力👍🏻《 超長厚切鹽燒牛舌漢堡配薯條🍟 》$138 5 / 5 🌟🌟🌟🌟🌟真係成隻手掌咁長嘅原條牛舌🤩 首先牛舌可以好肯定冇羶味，簡單鹽燒過後牛味突出之餘，質感係綿密有咬口，唔韌唔鬆散岩岩好👍🏻 面頭麵包芝麻特別香，就咁單食都好好食😋 裡面嘅芝士醬唔會鹹或者重口味，所以整體食完都唔會膩同滯，果然每個細節夾埋就顯功架👍🏻 不過漢堡包咁大份，搞到旁邊嘅薯條都無咩點理😝 哩個價錢係好抵😋《 麻辣忌廉小龍蝦闊條麵🍝 》 $108 4.5 / 5哩道店家新推出嘅𝙵𝚞𝚜𝚒𝚘𝚗菜好過癮😋 西餐嘅精緻擺盤，配搭中式麻辣嘅火熱口味🤤 每啖都好重花淑味，後有忌廉中和辣度，無論嗜辣定唔係好食得辣嘅朋友都絕對要試😎👍🏻《 招牌蜜汁豬仔髀 》 $40 / 2 𝚙𝚌𝚜 4.5 / 5熱辣辣嘅豬仔髀燒得剛剛好，外皮無焦到之餘，內裡已經熟到脫骨，證明大廚功力十足👍🏻《 巴斯克藍芝士蛋糕 》 $28 4.5 / 5甜品巴斯克芝士蛋糕係主廚嘅得意之作😎源自高級餐廳嘅炮製配方，蛋糕表層係出檯前用火炙逼出芝士嘅焦香味～食落芝士味特別重🤤綜合而言，餐廳主廚嘅匠心炮製真係值得尊重同捧場，希望有人賞識可以越做越有規模，依家要搵到咁有理念同實力嘅餐廳真係買少見少，絕對值得被看見😎👍🏻———————————————🏠環境舒適度：💛💛💛👅舔脷回頭度：💛💛💛💛💛📸打卡able度：💛💛💛💛🙇🏻♀️服務滿意度 ：💛💛💛💛💛———————————————
繼續閱讀
薯圈雖然係跟餐，但非常出色，一d都吾hea, 特別係個黑松露醬勁好食，問左，原來係主廚自己整的，難怪咁好食😋泡菜牛脷（都係跟餐）食落好有「咬口」但吾會散到好似過熟好粉咁，不過泡菜味都幾濃，吾鐘意食泡菜就應該吾岩食，我本身好鐘意食泡菜，所以覺得非常夾😋牛好食，生熟處理得好到位，粟米都好食，吾會整到勁乾但反而係薯蓉，吾知係咪一時失手，over cook 放左陣，就feel到起膠🥲最最最鐘意食，就係佢，勁好食，有少少鹹香味，扁意粉有q彈感，吾錯🌹*** 但最大問題會係洗手間，衛生程度真心要改善，因為本身得主廚一個煮，出菜比較慢，好難可以唔去洗手間/.\
繼續閱讀
Chefs’ Kitchen係一間位於通菜街西式小店，入面只有2個員工（大廚同侍應），而且舖頭偏好細，只放得落3-4張枱～ 但廚師同侍應都好用心對待所有客人，會主動推介同介紹菜式～ 而且食物同餐牌都有花心思設計👍🏼 整體都又好食又抵食！•🥢 昆布活蜆扁意粉 $108呢款寫到係「廚師絕活 一定要試」😆 淨係賣相已經幾有心思，有10隻漲卜卜嘅蜆，食落鮮甜無沙👍🏼 意粉軟硬適中，仲食到蜆同昆布嘅鮮味😍 配埋少少炸蒜同簡單調味，味道更有層次😋•🥢 美國頂級安格斯牛肩胛．黑松露薯蓉 $148牛肩胛可選生熟度，我哋揀咗5成熟。牛肩胛嘅表面煎香，中間非常粉嫩😍 大廚介紹嘅時候話牛肩胛嘅油脂較少但筋多，口感會相對結實啲，但佢已經盡量去咗大部分嘅筋，所以食落口感都會軟嫩啲👍🏼 有好香濃牛味加埋表面嘅微微焦香好夾😋 配菜都有花啲心思，有煎番茄、蒜蓉炒椰菜同埋黑松露薯蓉～ 黑松露薯蓉唔係非常軟滑嗰種，反而仲有啲薯仔粒，有多啲口感，但重點係黑松露味真係好香🤤 •🥢 照燒泡菜汁厚切牛脷 $68牛脷係先慢煮再煎香，所以咬落口感好腍好嫩。照燒泡菜汁都幾特別，泡菜有輕微辣味同酸味，加埋照燒汁嘅甜，同牛舌都幾夾😛 不過相對上份量就少啲。•🥢 黑松露薯條 +$28呢個薯條係啤酒漿嗰種幼薯條，食落好鬆脆👍🏼上面灑咗啲芝士粉，旁邊就有黑松露沙律醬，而且薯條分量都唔少，$28嚟講好抵食！
繼續閱讀
【外賣小店轉旺角開大舖·家庭式西餐廳🤩】//////之前喺葵涌做外賣小店 終於衝出旺角開大舖 恭喜🎉🙂↔️當晚見到廚師一腳踢 一次過制作全餐廳客人嘅食物 出餐速度都幾快 同埋食過佢哋嘅牛脷就知味道品質高水準🙌🏻😁.｜孜然羊肉漢堡 ($100)漢堡轉套餐可以配脆炸薯條同飲品🥤廚師將羊肉重新調味 保留肉汁 羶味香濃 漢堡包包體軟熟 塗滿牛油 充滿芝麻香😝｜黃金流砂• 天婦羅軟殼蟹扁意粉 ($98)軟殼蟹油炸後變得香脆 連殼帶肉都可食用調味就鹹咗少少 配蒜香鹹蛋黃意粉意粉清淡creamy👏🏻番茄湯味道自然｜照燒泡菜汁厚切牛脷 ($68)牛脷經兩小時炆煮 真係好軟腍😻配照燒泡菜汁酸甜開胃｜巴斯克藍芝士蛋糕($28)加入檸檬皮好清新(´▽｀)藍芝士有鹹香最上層用火槍燒過 有炙燒焦香味道幾特别———📍Chefs' Kitchen (旺角)旺角通菜街34號地舖
繼續閱讀