影片
營業時間
今日營業
07:30 - 21:00
星期一至日
07:30 - 21:00
以上資料只供參考, 請與餐廳確認詳情
東薈城啲餐廳食到悶悶地，今日嚟到Super sandwich見到有蕃茄烏冬，先至$48即刻入嚟試吓🥳蕃茄雞扒烏冬（$48）呢個正正常常，主要係個價錢比較合理，有一塊中等size嘅雞扒，蕃茄湯底都比較濃，烏冬嘅份量對於一個女仔嚟講算多，最後都整咗少少烏冬未食晒，奶茶好飲，茶底夠濃，又唔會太苦澀。另外仲有半塊多士同埋一個太陽蛋，不過唔明點解淨係比半塊，多士應該都唔係好貴呀🤣為咗呢個價錢，下次可以再嚟幫襯😙
繼續閱讀
嚟到東涌，想搵間價錢抵食嘅餐廳，建議可以嚟super sandwiches睇睇，有時啲Menu都會推出啲價錢抵食嘅餐廳。今日我就見到有呢個蕃茄湯系列嘅午餐好選擇。我揀咗燒豬扒，煎太陽蛋，蕃茄湯烏冬配多士🥳 揀咗熱檸水，total $49💰大約15分鐘內就有得食，豬扒薄薄地一塊，濃湯都夠蕃茄味，不過味道就比較清淡，我個人要再加少少鹽，可能係我食得比較重口味啲。烏冬嘅份量再加埋煎蛋，一個午餐嚟講都算幾飽幾抵食。下次會再幫襯呢個餐😋
繼續閱讀
叫咗下午茶蕃茄湯烏冬…….豬扒+煎蛋+多士…….但多士無唔提供牛油…….要牛油就要俾$1/粒……咁大個人第一次係香港餐廳食麵包/多士係唔提供牛油……咁大間公司叫一個餐，一個牛油都唔提供…….另外叫咗個蕃茄雞肉意粉….雞肉好硬而且無味，只係靠個汁先有味….另外叫咖啡如果唔要奶係要額外㩒制……如果只係叫即磨咖啡會俾一杯有奶嘅咖啡…….食物質素麻麻麻麻、如果無任何改善，下次大概唔會再幫襯………………..
繼續閱讀
平時喺東涌成日食中餐，有時都想食吓啲西餐廳，今日午餐時間決定嚟呢度。平日嘅午餐時間亦唔算太多多人，一般嚟講等5分鐘到好快就有位可以坐。1️⃣黑松露蘑菇忌廉意粉（$64）等咗大概20分鐘就會有機械人送餐上嚟，忌廉意粉熱辣辣好抵讚，忌廉都俾得唔少煮得Creamy，加咗煎香嘅蒜片令成個意粉增加咗蒜香味。不過蘑菇就略嫌口感唔係太好，如果可以將蘑菇在切碎啲就更加好啦。2️⃣燒烤菇芝士熱烘三文治（$74）三文治烘得好香脆，麵包入邊夾住嘅烤菇份量都唔少，平時如果唔係好有胃口想食得輕盈啲，都可以選擇考慮呢個餐，凍檸茶就冰塊比較多，檸檬亦算新鮮。Menu
繼續閱讀
平日嘅下午茶時間，喺東涌想搵個地方飲杯嘢、坐一坐，食少少輕食。呢個時間Super sandwiches 人唔算多，就入咗去。下午茶都有平啲嘅選擇，叫咗個蔬菜湯通粉+碎蛋酥，包埋飲品 $38。蔬菜湯通粉中規中矩，碎蛋酥個酥餅偏硬身，浸落湯食仲keep到脆口。裡面用機械人送餐，食完離座先有職員收走，飲住杯嘢，可以無壓力坐耐啲，悠閒啲☕️
繼續閱讀