影片
港鐵柴灣站 B 出口, 步行約2分鐘
繼續閱讀
營業時間
星期一至六
06:00 - 17:00
星期日
全日休息
以上資料只供參考, 請與餐廳確認詳情
自從N年前，去過《澤記快餐飯店》一試他們的巨形魚柳包之後，我一直對這一個巨物念念不忘。雖然早知道這店的位置，但返工既地點不在柴灣，再加上此店星期日及假期不營業，幾乎只會在春秋二祭才會出現在柴灣的我，一直都只是在望梅。這一次，大家約了在一個星期六去拜山，我立即提出，一定要帶家人來兒食早餐，完成我多年來的心願。太太的早餐是蕃茄蛋治。單是厚厚的炒蛋餡已經令我太太說，我一定食唔晒。我們要求了烘底，令到出來的多士又香又脆。蛋香，蕃茄厚切而且新鮮，美味又夠飽肚。來《澤記》的主要原因，更可以說是唯一原因，就是來朝聖他們的巨形魚柳包。雖然，魚柳只是最平價的鯰魚柳，但配台了烘到脆的包，海量的沙律醬，當然也有香香脆脆，比麵包更大的巨形魚柳。香味十足，味道十足，份量更超過十足。真係值得專程來品味架。凍檸茶的色水晶瑩剔透。但入口卻是充滿了茶香味同檸檬味。夠甜，夠香，也夠滑，是茶底好才能夠出現的一杯港式檸檬茶。奶茶，我同兒仔分別要了一凍及一熱。同樣，茶的質感非常之滑，茶味亦很香，也是一杯值得我專程來喝一杯的好奶茶。早餐，尤其是名物魚柳包的份量的確是驚人。份量大，味道好，的確是非常之吸引。星期一至六，若是有事要一早來柴灣，這小店的早餐，絕對是不容錯過。
繼續閱讀
今日去開柴灣。好掛住佢個巨型魚柳包。魚柳包同店員想要茄汁，一位戴眼鏡短頭髮嘅女士走來答。「我哋冇茄汁。 」之前攞嚟食，每次都問佢攞茄汁，不過人哋而家話冇就算啦，可能太耐冇嚟人哋改咗。奇怪就係我出去埋單嘅時候買一支好大嘅茄汁。究竟係有啲咩問題令到佢話冇茄汁。食緊嘢嘅時候聽到佢哋同啲熟客講話唔明點解而家啲人上晒大陸消費，其實佢哋咪正正回答咗呢個問題。茄汁而家真係咁貴？還是食魚柳包唔應該有茄汁？其實真心真係想留港消費，不過你哋咁嘅服務態度真係令到我哋無奈要轉移陣地
繼續閱讀
星期六番半日工，放工後專登入柴灣試吓呢個巨型魚柳包。雖然要坐喺馬路邊食，其實都有一番風味。如果唔怕熱唔怕曬嘅話咁樣就冇所謂，側邊啲車行過好似去返幾十年前街邊食嘢𠴱種風味。魚柳大過塊包，魚柳唔會太厚粉，配埋千島醬簡直一流。啱啱上菜時，咬咗一啖，塊魚柳新鮮炸起，好辣嘴，而且好juicy，啲汁會漏少少出嚟不過要小心一邊食一邊漏到成手都係醬。大熱天時配埋凍啡直頭係透心涼埋單都係$37，食完之後覺得物有所值
繼續閱讀
問吓柴灣街坊都知道，澤記嘅巨型魚柳包真係好出名，不過因為自己好少去東區，所以一直都冇試到。直到有一次朋友帶我嚟食晏晝，佢就極力推薦我試一試個魚柳包。晏晝嚟食魚柳包嘅話，嘢飲就要額外再計正價，嗰陣時我就冇再嗌嘢。淨係個包唔算好貴，都係三十幾四十蚊。佢一上枱嘅時候真係嘩出聲，塊魚柳同我嘅手臂一樣咁長。喺我仲幫佢打緊卡嘅時候，有另一台食客走過嚟問我可唔可以幫個魚柳包影相，可想言之個size係幾咁吸引。好老實講，我最後係食唔晒個包，但係打包返去我又覺得已經唔好食。魚柳真係熱辣辣，好正，但係我略嫌佢粉味重咗少少，如果個粉味冇咁重嘅話就真係一流，不過老實講呢個價錢我當淨係買塊魚柳都抵。就算淨係食塊魚柳，我都唔知點樣開始食好，因為真係太大塊，去到最後都係剩返少少魚柳同埋個麵包皮，不過我朋友就同我講話如果下次再食澤記，佢建議我食豬扒或者雞扒包，佢話佢覺得豬扒同雞扒包好食過魚柳包。
繼續閱讀
去柴灣行吓，專登睇網上有咩好介紹，所以係衝住巨型魚柳包嚟食！.冇冷氣要坐街邊，怕熱嘅人可能要三思，我今次坐近馬路邊，感覺都幾通風，只係真係太近馬路，大貨車駛過嘅時候，都有啲壓迫感.但叫嘢食嘅時候，突然想轉軚，試另一款同樣屬於隱藏餐牌嘅食物…雞扒包 $32雖然尺寸冇魚柳咁大，但基本上都大過塊包。而且佢塊雞扒煎得好好食，又香又脆，每一口咬落都滲出好滑嘅雞油，都係好食之選😋😋 （但溫提食包嘅人要自備紙巾，份量真係好大，食到後面一定整污糟手😂）.星洲炒米+凍奶茶 $49朋友話現場感覺鑊氣好大，所以試吓食炒嘢，但結果冇咩驚喜，食落口感覺一般，不過價錢幾抵雞扒扒包冇得跟餐叫飲品，凍檸茶正價$23，頗貴.見其他食客嘅食物賣相都唔錯，可能只係星米今次失準，有機會會再幫襯👍🏻
繼續閱讀