富金軒酒家

營業中

休息中

是咁的，由於下大雨，所以沒有去太遠，留在屋企樓下間酒樓飲茶就算現名為富滿樓（前身：富金軒）大家都明白，屋村商場酒樓都有一班熟客，我呢啲好日都唔係樓下飲茶既人，落到酒樓飲茶未必會有優越既招待去到酒樓，叫我們排隊等位，咪排隊等位羅，前面有一組排隊是兩位茶客，她們被安排搭枱，然後我們繼續等待，與此同時，我們之後都有其他茶客排隊，在這個時候，不知從何來有5位茶客，可以不用排隊，侍應一看見他們就安排他們入去酒樓位置某個地方坐低，當時我附近看見酒樓的經理，我問經理，大家都在排隊，為何剛進的5位茶客可以不用排隊，然後那位經理十分好笑的回答我，『2位係比5位等得耐』，跟住我望住經理，這是什麼道理？有枱不是按輪候次序安排入座嗎？說時遲那時快，原先那位安排入座的侍應，看見我和經理交談，馬上安排我入咗，入座的位置就是原本排我前面那台二人的茶客，其實他們入座後，同一張枱都有兩位的位置可以安排給我們，但是那位侍應並沒有即時安排，我不知道他是想那二人的位置留待給熟客定點？但當我和經理交談時，她看見後可以即時安排我們入座？而家香港的飲食業不停叫人留港消費，但，你們有無尊重跟你們要求排隊的茶客嗎？

$88一份柚子蜜蝦球，柚子蜜少都不得了，加埋一$96.8。服務差，而且不衛生，有個姓簡的男樓面，開茶或加水，手都會 揸實出水口，極度不衛生！其次，我哋都未食完嘢，個四眼比較高個經理就執曬啲餸及碗筷走， 當時只不過係晚上八點左右，都未到收工時間就這樣對客人。

想食野就要付出多🤏🏻，冇乜要求就去返相對應既餐廳，相信大部分人都有呢個concept🤔，我都唔例外。今日有啲忙，但老婆想飲🫖，所以求其搵間酒樓🈵足下。呢間酒樓絕對係冇要求の選，但見佢限聚✌🏻人同枱距都做足，就入佢！佢地走平價路線，🫖錢都係8蚊🐔，就算伏左都唔覺痛。正💲點心紙以外，早市仲有👯‍♀️寶，分別係25個8️⃣同28個🎱，除返開一籠都係15蚊有找，仲平過唐記🤭。我地叫左兩個孖💎，食物都正常，埋單都係七十幾，同去🍵記食個早🍽差唔多。將價就貨，笨唔覺得伏。下次想搵點心🩺肚都可能會再來🤗。

2個人去食 點知要同一個陌生人搭枱 不過有張紙仔格住 食物質素非常之差 去返油塘商場/大本型其他酒樓更好 職員服務態度非常差 仲要漏咗我嘅點心 疫情情況下既唔好食又唔好服務 多數老人家去 住油塘嘅人千祈唔好幫襯 啲餐具仲要好污糟

今日同同事嚟到呢一間街坊酒樓到飲茶我哋叫咗不同嘅點心但係我哋覺得味道都麻麻 而且衛生情況有啲惡劣啲碗碟非常之污糟而且有啲油好難洗得甩而且服務態度都一般 不過算啦街坊茶樓就係咁

心機菜酒樓價錢酒店出品看得出廚師一份心機一年都冇來了相約朋友再來這間平平無奇的居邨洒樓食個晚飯驚喜在每一道菜上台都另我目定口呆食得好開心;特別推介千蔬扇影;京波腩;千葉豆腐朱寸骨;買相好味道都相當吸引時隔一年這間酒樓令我刮目相看……

大家千萬唔好去呢間酒家，因為服務態度超級差。其實我大約一年前已經去過食，但因為食物素質太差，唔好味又貴，選擇又少，所以之後就無再去，多數都係去附近其他茶樓飲茶。今日星期日大好假期，突然想去飲茶，唸住成日都係幫襯其他酒樓，又好耐無去，就比多次機會佢啦。其實我主要係想食煎芋餅，或者芋絲春捲，無既話真係無咩特別興趣想去呢度飲茶。加上已經2點幾，無食開唔知下午茶幾點完，廢事去到無得食，咁我米打電話去問下幾時截單囉。對話如下（歷時38秒）：＂唔好意思，請問你地下午茶截單時間係幾時？＂＂eheheh。。。兩點。。。eh你等等。。。兩點半到四點，但系三點八截架啦＂＂喔唔該，咁請問你地有無芋絲餅或者芋絲春捲？＂＂咁你家姐有無（員工正在與他人聊天）下，你講咩話？＂＂你地有無芋絲餅或者芋絲春捲？＂＂無wo我地得芋頭糕＂＂咁請問係米煎架？＂＂我地宜家繁忙時段，你黎就黎啦下！＂答都無答我就咁講，睇黎你地宜家賺好多錢唔稀罕有客wo，想食既野又似乎無，服務態度又差，仲要未食就影響我心情，你咁忙，我米唔黎囉，無謂搞到你更加忙啦，一陣你又躁底就唔好啦。大家唔想毀左自己既假期同光陰，或者浪費時間金錢，就真係真係唔好去食

又到此晚餐，點了多款小菜。有雞有魚，當然也要來一份青菜。炒青菜跟高湯時蔬浸豬膶價格相若。貪小便宜的心態又跑出來了！所以要青菜浸豬膶。高湯時蔬浸豬膶　　　一碟清湯浸豬膶，表面有很多塊豬膶。  豬膶顏色較深，外形不太厚。肝小葉不算脹卜卜，肝小葉之間的坑紋很明顯，表面不平滑，還附著凝固的血塊。　事前應該是没有把豬膶清洗乾淨和啤水。　假如我是廚房職員，為了盡快上菜讓客人享用，當然不會花時間，花心機來清洗豬膶這種食材。又洗又浸，都要時間啦！　豬膶切片後，就要盡快烚／浸熟，上菜。　果然，豬膶口感很糊，甘味很出。總之跟爽／脆／甜扯不上關係！　幸好豬膶的生熟度剛剛好，没有變硬變老，整體尚算ＯＫ。下次再臨，也許會再點這個浸豬膶。前提是：如果再到油塘的話！　　另外也點了不同小菜。 瑤柱雲英雞　　小米之父想要啖啖肉，反正特價，點了全隻。  蝦球伊麵　　雪藏蝦肉很爽脆，但蝦肉纖維不明顯，應該是長期存放雪櫃的效果～肌肉纖維細胞內的水份結冰後會撐破細胞壁。　生劏龍躉二味，一炒一蒸。龍躉魚皮有豐富的膠質，是天然的骨膠原呀！  最後來一碗甜品，綠豆沙，有臭草，可能是自家制作。

該日早上放假,約家中長者去飲早茶,老人家已經早半個鐘同姐姐去等位,我同另外家人大概述點半左右到,等左大概十五分鐘先有位,但係個場係有好多吉位,果位支客語氣十分不好,話有人,過左5分鐘話有位,跟住入去坐好,跟住有位林姓部長定咩職位,總之著衫同其他吾同的女士態度,語氣差到想打佢,今時今日咁嘅服務態度絕冇下次,我寧願行遠少少去大本型!

呢個收銀員態度真係超差，唔知係咪恃住得佢一間酒樓。今朝去買外賣時個語氣已經衰，好似極唔耐煩咁，找錢俾單仲要扔俾我😡做收銀多野做咪更應該開心，出街食飯有邊個想受到差勁既對待？？最後我搵個老細同佢講，佢答可能忙 大家將就下搞錯，接到投訴仲要幫到出面？你個收銀仲要鬧番我轉頭？心諗：唉....，係咪咁都要將就呢？真係世界變！咩事呀？幫襯仲要受氣！做得服務性行業就唔該攞最基本既禮貌，大家都尊重番大家，咁我買野又開心，你做野又舒服囉。

早起和家人飲早茶富金軒特色——搭檯其實我和家人都比較大胃😂每次都叫得桌子滿滿的所以搭檯不僅有外人感覺不便 而且兩桌點的菜不夠位子放這裏也沒有問你要不要搭檯 直接就逼你搭所以介意的人就要注意此外 我們進去後十多分鐘都還沒有人幫我們開茶叫了幾次但還是要等挺久的基本菜單款式還算多「手拍青瓜」給的泰式辣醬很多所以很視乎你喜不喜歡醬青瓜份量也是多的 足料「家鄉咸薄撐」偏白身 煎得不夠金黃 不脆但味道來説是ok的整體來說 這裏的點心、食物份量是多的而味道就一般價錢也算較便宜

👉🏻蓮蓉包大讚👍🏻又甜又清香既蓮蓉配濃郁既蛋黃😻👉🏻燒賣冇以前咁油膩 瘦肉比例多左👉🏻雞扎不論火腿定雞 都食到幾重既酒味 感覺認真左不過呢間野貴左好多 孖寶以前好似$18 而家要$27.8🙈

早茶永遠全場開晒杯留位，又冇員工帶位，假若隨便座下，員工隨即上前開口大駡，又話有人已留位，開茶又永遠開錯自己入去沖茶又駡撇除員工態度極差，其實食物味道不錯的，早茶優惠多選擇多手拉腸粉夠滑，雞札足料，馬拉糕鬆化，牛肉球香口，排骨肥瘦適中，食物在一般屋邨酒樓水準之上只可惜....

今晚家人約好在油塘晚餐， 作為中秋團團圓圓。 但是適逢大假期，特價係列全部暫停 。唯有在正價小菜及圍餐選擇。 最後選了嫦娥奔月全包宴888元六人份量。 職員很快呈上各款食物。 當中的脆皮炸生蠔令我印象難忘。 本來以為是一般呎寸的生蠔， 誰知一碟4件超大件 。夾起來和玻璃杯對比，就知有几大。 表面灑有炸蒜，應該很惹味。 炸漿唔算太厚，並非以炸粉來扮大件。 脆脆的表面有少少鹹，原來有鹽粒。 中間超厚的蠔身，一D都唔霉, 嚐到的鮮味, 真係熱辣辣又多汁。 要咬好多啖, 才可消滅整個生蠔呢!!! 這個炸生蠔，真是中秋節的驚喜。 另外其他菜式都ok.上湯焗蝦球看MENU以為是用一般的蝦.誰知是用龍蝦.雖然細細隻, 但總算有驚喜.龍蝦肉清甜OK.伊麵則好似未曾油炸, 似是蛋麵/拉面的質感.紅燒飽參翅肚看到一絲絲的肉絲一點海蔘, 黑色果D花膠仔(魚肚)翅的呎寸很細, 份量少.但唔知鮑魚在何處.清蒸沙巴班仔無食到脆皮炸子雞表皮很脆, 但炸得有點硬甜品 : 紅豆沙這個餐, 5個大人也未能消滅.仲要以拎部份做LUNCH BOX.可能是大家細食吧!

今晚來油塘探朋友，在其樓下的酒樓晚餐。這家經常有超值套餐， 所以大家對這家都OK。就座後，先看看今日優惠！係龍躉及斑腩喎。蒜蓉蒸斑頭腩表面很多蒜蓉覆蓋著斑頭腩頭腩下方，則以雲耳墊底，而且油的份量亦不少！先夾一件魚肉，撥開蒜蓉，噢，是魚背鰭位！但有很多魚鱗未刮淨呢！邊食邊吐出魚鱗，大煞風景，背鰭位有很多膠質，加上肉質不錯，總算拉回不少分數。下方的雲耳吸收了整碟的精華，更是不可錯過！加上雲耳木耳之類，是降血脂好幫手，個人喜歡伴著蒜蓉一同吃，蒜蓉都是對健康有益呢！這碟蒸班頭腩下油太多了，無論如何都要多吃一口雲耳和蒜蓉中和一下。翡翠炒龍躉球看到大大塊金黃色魚肉，就記起Gigi姐飲食節目內，講及如何將大魚扒慢慢煎香。這碟雖然不是大魚扒，可是質素比得上節目中的大魚了！龍躉雖未成球，其凹凸有緻的魚肉紋理，已教人垂涎欲滴！魚肉煎得剛剛好，肉質結實彈牙唔硬。鮮味略遜，幸好外在少少鹹的芡汁搭夠。我更關注厚厚的魚皮～骨膠原！！！！！魚皮的彈性有如橡皮糖，要咀嚼多次呢。幻想下皮膚充滿著骨膠原，骨膠原，骨膠原……墊底的西蘭花吸收了龍躉芡汁，真係一滴精華也不會浪費。HKD 138享用這款魚魚套餐，實屬超值！