影片
港鐵佐敦站 C2 出口, 步行約4分鐘
繼續閱讀
營業時間
星期一至日
17:00 - 22:00
以上資料只供參考, 請與餐廳確認詳情
食家推介
好喇，我決定同大家介紹下 #四川辣妹子 耀哥嘅隱世美食 （殊 🤫，餐牌冇架！）。由於本人好鬼麻煩，鍾意食魚但又怕食魚皮，淨係鱔嘅皮先會食。所以，就諗到膽粗粗問下耀哥可唔可以整到水煮白鱔。其實呢道水煮白鱔，係我舊年已經試過同耀哥落柯打，今次係第二次食。呢度一煲大約有一斤白鱔左右，件件粗身厚切，魚肉新鮮彈牙結實，鮮味十足，非常好食。配料有黑木耳、豆卜、秀珍菇、靈芝菇、洋蔥、芽菜，而香辛料就有辣椒、芫荽、芹菜同蒜頭，非常豐富，淨係食哂呢煲嘢，一個人已經飽到上心口！記得喇，想試嘅朋友一定一定一定要預早幾日前向耀哥落訂，否則係一定冇得食架！
繼續閱讀
咁難食仲要收呢個價錢， 浪費人生，浪費金錢 情願返屋企自己煮飯食， 都唔會再幫襯，亦都會提醒身邊朋友唔會幫襯，伏伏伏， 大家千祈唔好嚟， 唔好食，同埋，唔好食 唔好食， 好難食
繼續閱讀
我本身好鍾意食川菜，成日行過都想試下，終於第一次去食四川辣妹子，order左水煮魚，炒鵝腸，辣子雞，川北良粉，除左辣，就係勁咸，水煮魚d 魚係千年雪櫃魚，我好鍾意食水煮魚都只係夾左2件食，雞同鵝腸亦唔係新鮮嘅，難食之外就勁貴，200幾蚊個菜，叫左4樣野700幾埋單，好失望，真係請都唔會再去
繼續閱讀
轉咗新舖之後嚟過三次，地方比之前嘅舒適好多，離地鐵站一段距離但都ok！始終舖租係一大問題。我經已一共六次幫襯烤魚，太太讚啲魚烤得外皮脆肉嫩，啲白肉同牛骨髓好正！雞煲都 ok！但真心覺得啲肥牛唔吸引，相信要再買其他好料，因為香港人真係鍾意食靚牛，呢個要扣少少分。如果真心可以食得好辣嘅朋友，可以試下佢哋嘅中辣、或者中大辣，但我個人只頂到小中辣，都經已食到一頭汗。如果係鍾意食川菜麻辣嘅朋友，就一定要試下呢度嘅辣湯，係我食過最好食頭三位！試過佢嘅魽魚、鯇魚，唔腥，好大條，夠曬食！魚唔會好似有啲舖頭咁，仲有啲魚鱗留喺上面！試過食佢嘅麻辣豬耳、口水雞，佢哋嘅麻辣汁係好食嘅！不過有樣餸就麻麻地，就係萵芛絲，食唔慣就覺好硬同埋唔習慣嗰陣味，但我屋企人就好鍾意叫嚟食！服務小哥仔雖然唔鍾意多講野，但仍覺得服務貼心，包裝細心又唔黑面，服務係幾好嘅。依家1800後無堂食，所以佢地就全部轉晒做外賣，外賣包裝質料好，拎到去港島區都無問題！讚！
繼續閱讀
天氣開始涼，上星期想食雞煲，打電話去新南苑一品點知全部爆曬，上Openrice search 到呢間，又有位，就試吓啦！一上到去，以為去咗深圳啲十九夜場，啲vip房傳出陣陣強國歌聲，又嘈又有人猜枚！講返食物，我哋叫咗個雞煲，加打邊爐肥牛，菜，鴨血，粉腸⋯⋯個肥牛衰過x寶啲過期牛肉，有黑點同瘀血嘅！雞煲又唔惹味，得層油，唉！我唔寫咁多啦，費事一陣俾人block我唔俾出呢個post呀，大家唔信嘅，就即管去試吓啦
繼續閱讀