影片
港鐵油麻地站 C 出口, 步行約2分鐘
繼續閱讀
開飯介紹
主打四川烤魚，另亦供應惹味的肉類串燒、海鮮燒物，佐酒一流。店內以吉他、唱片等作裝飾，營造輕鬆的用餐環境，適合和三五知己聚餐。
繼續閱讀
附加資料
24/9 開張
以上資料只供參考, 請與餐廳確認詳情
天氣一凍就想食熱辣辣嘅嘢，今晚食依個烤魚新年優惠套餐真係啱晒。$488，話就話兩人份量，但多到食唔晒😃。依個套餐除咗烤魚，仲有涼伴青瓜木耳、手切安格斯肥牛、精選海鮮拼盤、田園鮮蔬拼盤。烤鉗魚要咗青花椒麻辣，小辣，已經好惹味。魚唔算多骨，魚肉滑魚皮香口，食得好滋味。入面仲有配菜，吸哂啲味勁正。海鮮拼盤有鮮蝦、廣島生蠔、珊瑚蚌、日本帶子，深海龍躉件，全部都好新鮮。珊瑚蚌爽口、龍躉啖啖肉、帶子肥厚。田園鮮蔬有菜仲有蘿蔔、粟米、薯仔。好吸味，又飽肚。涼伴青瓜木耳，等烤魚嘅時候已經好快食清光。座位闊，坐得舒服。早啲來少啲人仲正。
繼續閱讀
陪個熱愛食烤魚既朋友 不斷尋覓全🇭🇰 最好食既烤魚今次被選中既餐廳 就係位於油麻地 新光商業大廈2樓 🐟旺旺烤活魚🐟原來新光商業大廈 有兩個入口🤪係彌敦道個邊個入口 先可以上到餐廳六點左右上到去 唔洗等位 即入😎⏩️藤椒脆魚皮💰52呢個真係必食👍🏻👍🏻👍🏻👍🏻👍🏻有脆魚皮已經難得 仲要咁好食 少之有少🥺份量多 超爽口彈牙 夠入味隔離枱個叔叔都話：呢到啲脆魚皮係全香港最好味😋😋佢一枱6個人 好似叫左三碟🫣真係好好食 呢碟野要番兜再番兜🤭⏩️錫紙烤鴨血🦆🩸💰48又一個出色既小菜鴨血底仲有啲薯粉 吸哂鴨血既精華😋😋諗起都想食多兜⏩️招牌烤鉗魚🐟 招牌酸菜底💰288魚比想像中大 肉厚 入味酸菜偏甜 帶微酸酸菜加魚煮出個湯底 又香又甜 一路食一路飲湯😂睇相都見到啲芫茜🌿有幾澎湃等於平時一份既份量 但呢到係免費🆓⏩️紅薯粉 💰26⏩️炸支竹💰28配料既份量 全部都大大份兩個人又再一次眼闊肚窄🤪🤪‼️‼️餐廳仲要做緊 細藍妹$9.8/樽‼️‼️一啖魚🐟 一啖啤酒 🍻 正正子😌😌下次要多啲人一齊食 咁先可以KO到條🐟 又可以食多幾款配料再加兩碟⏩️藤椒脆魚皮⏪️完美😌
繼續閱讀
烤魚😍 超鐘意食烤魚，呢間仲要有煎過😍 條魚係鉗魚黎，肉質彈牙唔多骨，魚係 HKD 288 .鐘意佢呢個湯底：港式蕃茄湯底😂 我諗應該即係蕃茄薯仔，同埋有好多芫荽♥️ 佢仲可以叫BB辣，食到後尾個辣味好出🙈 而且蕃茄味好鮮，唔會死鹹.同埋都提議叫個田園拼盤 (HKD 68) 👍🏻 夠健康，幾新鮮，好鍾意食佢啲蓮藕、白蘿蔔，好爽，配埋蕃茄湯好鮮。.真心正，再叫多個鮮冬菇同響鈴，響鈴吸晒啲汁，冇得彈.同埋有支裝無糖可樂😆 特別有feel
繼續閱讀
今日同男朋友行完旺角 心血來潮好想食烤魚見到油麻地呢間旺旺活烤魚決定試試佢 暖下胃餐廳位於2樓 霓虹燈牌非常吸晴 加埋時尚裝修 環境闊落 坐得好舒服 我哋叫咗一個二人套餐（$488）有一個冷盤，原條烤魚，安格斯牛，海鮮拼盤，蔬菜拼盤啱晒我呢啲有選擇困難症嘅人湯底方面我哋揀咗祕製香辣（bb辣）烤鉗魚非常大條 厚肉少骨唔識食魚嘅朋友都唔使驚烤魚本身已經有非常多配菜 我特別欣賞豆卜同芽菜 吸哂湯汁的香味湯底非常濃味 如果食開重口味就一定好鍾意啦安格斯牛肉都絕不欺場不會太薄 而好有肉味！至於海鮮拼盤 都好滿意 估唔到帶子配香辣湯底係咁夾！同場加映有$9.8一支藍妹啤酒一啖辣湯一啖啤酒 正呀最後食埋個紅糖糍粑 今日真係大滿足捧住個肚走
繼續閱讀
📍 旺旺烤活魚 （油麻地店）行行下油麻地見到呢間烤魚店 朋友話好想試下 ～我地叫左個2人烤魚套餐$368.簡左酸菜味 bb辣好好食😋我地清曬啲酸菜咁濟😂條魚好大條又唔多骨又滑～烤魚本身配左豆卜 索埋啲湯汁黎食 正～仲有啲金菇肥牛牛味都好重 唔會好肥 油花幾靚 好食～蔬菜拼盤有 白蘿蔔 薯仔片 粟米 蓮藕 生菜都好新鮮～最中意食薯仔片😋煮到淋曬好好食 又入味呢到既紅薯粉好qq好好食！我自己一個人食左大半🫣真係好推薦酸菜味 我同朋友都覺得好好食🤭但下次黎食會叫小辣 感覺辣啲過癮啲
繼續閱讀