影片
港鐵太子站 E 出口, 步行約4分鐘
繼續閱讀
營業時間
星期一至日
09:00 - 22:30
以上資料只供參考, 請與餐廳確認詳情
門外看到餐牌有肉，冇留意是主打薺菜餃，叫了一碗韭菜餃子米及凍豆漿。湯偏淡，米粉煮得不錯，現在很多店舖都唔識煮米粉，尤其茶餐廳，不知道應將米粉先浸透後才輕輕一淥，韭菜餃不太熱，冇乜肉，但有新鮮韭菜的香味，這是急凍餃子做不到的。豆漿少甜剛剛好。
繼續閱讀
平時好少經過大埔道，有朋友介紹話呢間啲餃子好好味，價錢也合理，所以我親身光顧下。薺菜鮮肉大餛飩 (8隻) $38下午茶唔想食咁飽，食碗湯雲吞就啱啱好。我試咗佢個薺菜鮮肉大餛飩，呢個係佢哋舖頭嘅招牌菜，雲吞夠大粒的，內裏菜和豬肉的比例係1:1，無落味精又夠菜味，食完唔會覺得好肥膩；清湯底有芫荽、蔥和紫菜，唔鹹的，想嘗試健康飲食的也可以一試。餐廳環境就一般，偶爾會發現有蒼蠅，但食物味道完全冇問題。
繼續閱讀
要餃子冇餃子要雞翼冇雞翼要河炒冇河炒口，轉米線俾左麵 隔離幾張枱仲要瘋狂漏單下午1點鐘未準備好唔好開檔啦成間舖得兩條友，前枱不停要同人道歉有半張menu係冇既！！
繼續閱讀
因為阿妹既推介就同朋友黎左試下呢度既餃子,入到黎鋪頭既感覺都係夠光猛,感覺乾淨衛生既,店員唔多,樓面收銀加廚房估計唔超過四個人,算係小本經營既鋪頭仔如果有食開餃子既朋友仔應該會知香港唔係好多地方有得食薺菜餃,我地一人叫左一碗湯餃,因為怕唔夠飽既關係,其中一碗仲加左麵底,再叫多左兩杯豆漿,結果係飽到阿媽都唔認得既個餃子好食,湯底夠清,而除左薺菜餃之外,我十分欣賞佢杯豆漿,好香豆味,直頭係好飲到想叫多杯嗰隻,鍾意食餃子既朋友可以黎一試呀,推薦
繼續閱讀
其實呢間餃子店係行過覺得有啲噏揼有一次係朋友介紹話不如我哋食餃子🥟因為我個朋友住喺深水埗附近所以成日都會食呢間餃子🥟我本身都抱住一個冇乜信心嘅心態 陪佢食 點知好好味 齊菜餃真係好好味韭菜餃都好好味！ 煎餃子都唔錯不過我就唔係太建議你哋食餃子加面底，因為個湯呢唔係好鹹如果你加面底嘅話呢會顯得個面唔夠味因為一睇就知道唔係大集團係普通嘅家庭開去親呢間餃子店都見到個老闆坐咗喺度又有一張枱係有個職員坐喺度包餃子🥟座位唔算好多，但係都有五六張枱冷氣充足而且夠光猛 ，衛生環境都唔錯自從食過第一次之後我就不停帶唔同嘅朋友同埋屋企人去食仲要次次食完都會買幾打返屋企🤩🤩之前一開始買兩打 ，之後開始買四打，說喺雪櫃跟住滾水落5分鐘左右 ，6分鐘，加埋餐廳比我嘅湯，冇得頂
繼續閱讀