影片
營業時間
今日營業
10:00 - 20:00
星期一至日
10:00 - 20:00
以上資料只供參考, 請與餐廳確認詳情
前陣子沒有堂食，每晚都回家吃飯，在南昌這個街市看到這間凍肉舖都幾受歡迎，而且不時有特價產品，就過去看一看，店員說花膠系列做緊推廣特價，買了兩包回家。【上湯花膠】做法亦非常簡單，先把湯底煲滾，然後再將花膠放落去加熱，本身想做火鍋湯底，不過又不想太肥膩所以都是直接煮起就喝掉。湯底味道幾濃郁，是雞湯的清甜不會太鹹調味剛剛好，花膠煮一回就變軟身很方便，很滋潤又養生的感覺。最重要價錢都不算貴，而且可以放在雪櫃很久，買回來雪了三星期味道仍然很好。【花膠仿翅羹】這個翅羹亦很容易處理，先把湯底煮滾再加花膠加熱，份量約兩個人吃。這個翅的味道都是清淡不會覺得有很重味精，很喜歡碗仔翅加上花膠更加補身，如果有醋附送就更佳。
繼續閱讀
今日經過南昌OceanThree，聽聞佢哋d花膠產品好好味又好容易整，就買咗花膠碗仔同埋上湯花膠嚟試下。兩包花膠都係放入熱水煲10分鐘左右就完成，非常之方便簡單，跟住倒入碗就食得。碗仔花膠就好似碗仔翅加入花膠咁，但係碗仔翅嘅料就非常豐富，有好多冬菇絲木耳等等嘅材料。而上湯花膠就有非常濃沃嘅味道，加埋花膠，然後自己再煮個米粉撈埋嚟食，真係食到停唔到口，因為個上湯真係超鮮甜。如果下次有機會去OceanThree我會試埋佢哋其他花膠嘅產品，其實佢哋仲有好多牛柳生蠔等等來自外國嘅食材，有機會我都會買返屋企煮。
繼續閱讀
肺炎肆虐下，冇咩地方好去。唯有周圍去行下街市， 買下餸返屋企煮飯仔。路過被這張生蠔廣告所吸引，為番$10蚊1隻生蠔，真係好吸引。可惜賣哂!!原來要打電話預約定先有。唯有下次醒少少啦。望下望下，先知原來這間Oean Three有很多分店。好少見凍肉店咁乾淨衛生，凍肉整齊排列，標籤分明。 感覺良好。食唔到生蠔，見有即食花膠， 都好喎。 填補下我心靈的空虛， 一於就買左2包，返屋企試下。買咁少嘢，都送保溫袋同乾冰，服務的確很好。鮑汁花膠， 鮑汁濃郁， 仲有少少掛汁。 花膠份量都唔少，有五六舊， 全部跟指示，稍為翻滾一下就用得。加咗一個素麵及生菜，立馬成碗麵高貴哂。花膠雞煲， 原來都係藍鱈魚花膠， 入面仲有蛋 ，木耳，豬肉等等，咬落又爽又有唔同層次的口感。由於係蠔油汁底及雞煲味，所以味道濃郁，有種食碗仔翅的感覺。呢嗰份量，兩個人食，一人一碗，剛剛好。
繼續閱讀
最近愛上左鑽凍肉櫃，長期打爆個冰箱🤣買定一堆急凍食物，鍾意幾時整又得，又唔使成日落街市同人迫！尤其南昌街市優化左之後我成日都去行，經過親Ocean three都會入定貨😎今次都買咗好多嘢，有花膠翅啦，有即食鮑汁花膠，有西班牙豬腩，芥末八爪魚，仲買咗啲日式pancake添！翹-北歐藍鱈魚花膠翅（素翅）加熱就食得好方便，份量都夠食飽飽！材料方面都好足下，有藍鱈魚花膠、雞蛋、豬肉、木耳、仿翅粉絲加埋鮮蠔油蠔汁，養顏又好味😋翹-北歐藍鱈魚花膠配鮑汁這個用來送飯或者撈麵都係一流！個包汁超濃郁夠晒味！花膠夠晒厚身多肉，而且完全唔腥，同樣養顏又好味！
繼續閱讀
新冠肺炎猶如冤魂不息，驅之不散，晚市禁止堂食，外賣固然多了，在家吃飯的日子也多了。這天又是個在家吃飯的日子，除了太太烹調的餸菜外，我還為這晚餐加上了由以外賣新鮮生蠔海鮮刺身等食材打響名堂的 Oceanthree Development Limited代售的有名花膠品牌「翹」的「上湯花膠」。這「上湯花膠」中的花膠早經浸熟，花膠與上湯是獨立包裝，花膠不會因為在上湯中浸泡過久而影響到其質感，吃的時候只需翻熱片刻，便可成為一碗有湯可喝，又有花膠可吃的佐膳菜式。這「上湯花膠」的上湯雖然沒下味精，但包裝上寫著是由豬骨、雞腳、雞肉燉熬而成，味道十分濃郁，花膠也許因為翻熱得不是太久，未算非常軟滑，但份量都有幾多，喝著好味的上湯，吃著養顏滋補的花膠，仍然不錯。其實我除買了「上湯花膠」外，還買了同樣由「翹」出品的「花膠碗仔翅」。兩者相比，我覺得「花膠碗仔翅」更加好吃，真材實料的碗仔翅，一般碗仔翅有的材料，好像冬菇絲、木耳絲、雞絲等都有，加上數塊大小不一的花膠，口感濃稠，味道也好，吃時加點醋，更能提味，這「花膠碗仔翅」足有兩碗，可供兩人食用，碗仔翅中的花膠雖沒有「上湯花膠」那麼多，但口感更為豐富，我更加喜歡呢！
繼續閱讀