影片
港鐵灣仔站 B1 出口, 步行約6分鐘
繼續閱讀
電話號碼
53678408
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
一到lunch time, 蘭杜街就逼爆，間間餐廳門口都有人等緊位。呢間日式小店有丼飯、烏冬、蛋包飯、咖哩飯，任君選擇～😋主食會配日式前菜同埋綠茶或餐湯，前菜係椰菜沙律，餐湯係椰菜蘿蔔湯，清淡而且有好香嘅蘿蔔味～🤩照燒雞扒親子丼 $67照燒雞扒份量比較少，雞皮比較濕，好似冇煎過咁，油脂仲喺塊雞扒度，醃得好入味，偏鹹。飯上面有一層滑蛋，加入咗唔少洋蔥絲。正宗親子丼應該有味醂嘅香味，呢碗親子丼反而有好濃郁嘅照燒汁味，食到底仲有頗多汁。個人不推薦🥲吉列豬扒咖哩蛋包飯 $72吉列豬扒好厚肉，份量好足，冇豬肉嘅臊味，但一嚟到只係暖暖哋，唔係即刻炸嘅。咖哩偏甜口，typical日式咖哩。蛋包飯個蛋好嫩，薄薄一層，啱啱好蓋住個飯，而飯嘅份量好多，啱啱好可以撈曬啲咖哩汁。會話係抵食嘅日本嘢，上蛋包飯嘅速度好快，親子丼反而等咗15-20分鐘，質素普通，期望唔好太高。🤨
繼續閱讀
吉列豬扒味道差，口感好硬。流心芝士漢堡扒味道都係差，芝士係流心，不過唔好味。咖哩汁正常。價錢唔算平，同區灣仔有好多選擇好過佢。總括而言，質素唔係好，唔會有下次。
繼續閱讀
喺灣仔蘭杜街呢一間日式蛋包飯舖，前兩日行過本來我想去嗰間台灣舖頭呢，但係執咗，所以我就睇到呢一間就入嚟試吓。佢哋主打三樣產品，第一係蛋包飯，第二係日式咖喱飯，第三就係其他日式嘅井！我哋嗌咗一個蛋包飯加雞扒，另外一份就係蛋包飯加吉列豬扒，我哋都係要咖喱汁嘅！一次過試晒咁多樣！我覺得雞扒都唔錯，咖喱都幾好食吉列豬扒呢我嫌佢太乾身。 蛋包飯同埋咖喱汁都好食。我哋仲叫咗一個煎餃，呢個就一般般！小店總係要鼓勵嘅，我見平時都好多人去食飯！
繼續閱讀
首先，想讚一讚店員服務態度好好👍就算係午膳好忙碌嘅時間，佢哋都好樂意解答問題。今次就嗌咗個烏冬拼炸豬，份量好多，一個女仔食唔晒。豬扒炸得啱啱好，烏冬都好豐富，有埋溫泉蛋同腐皮，價錢喺灣仔區嚟講都算係適宜🤭今次就喺外賣平台上面訂嘅，咁啱撞到有折扣優惠，60蚊已經可以買單🤩整體嚟講都推薦大家去食，雖然餐廳鋪面唔算好大，但係都有幾多位，如果lunch喺灣仔附近返工又唔知食咩嘅話，依家係唔錯嘅選擇，同埋佢哋啲外賣餐具都好精緻！
繼續閱讀
五目屋. 用餐日期: 2024年2月5 午餐位於灣仔既小店，食日式咖哩飯同一D家庭式料理。睇番價錢好多都係$100樓下，偏親民。午餐時間都要等位，不過唔算等好耐就入得。餐廳係用QR code自助落單，而午市套餐會包一份日式沙律同一杯綠茶(綠茶可轉麵鼓湯)。跟餐沙律係好普通既椰菜絲沙律，中間加左少少羅白絲同栗米粒，配沙律醬，普普通通。《$24 炭火免治雞軟骨肉串》$24係跟餐價，正價單點要$36，一份有兩串，扁身既肉串長過隻手指，冇炭火香，上枱唔係熱辣辣，只係暖暖地。就咁睇就平平無奇，咬落可以食到雞軟骨，口感都幾特別。《$72 特製吉列豬扒蛋包飯+秘製日式咖哩》特製吉列豬扒咖哩蛋包飯，上面淋左少少豬扒醬，本來係無得輸既經典配搭，但可惜豬扒炸得太燶，見到顏色偏黑，食落可以食到苦味，豬扒又乾又柴，完全冇肉汁，咬落實的的唔鬆化，扣左好多分。配既飯係普通白飯，唔係調味飯，亦唔係茄汁飯，但新奇既係飯中間有少量蘑菇真係好少見。飯唔係粒粒分明，用既係普通米，唔係珍珠米，雖然未去到爛，但係飯粒冇咬口。蛋做到半流心，但就唔係一切落去好似瀑布咁流落黎果種，感覺比較似茶餐廳炒滑蛋放左係上面咁。《$67 流心芝士漢堡扒蛋包飯》相比起炸到燶哂既豬扒，流心芝士漢堡扒就好少少。比較欣賞既係咖哩汁都比得幾大方，唔會食到最後乾爭爭冇哂汁，咖哩汁入面仲有羅白粒，好有日式家庭料理既感覺。飯同上面一樣都係蘑菇飯，漢堡扒都幾厚身，感覺可以再煎得焦香少少，切開一半中間會有芝士汁，冇流心效果，不過唔會太Dry。人均消費：$80 環境：7/10食物：6/10服務：6/10性價比：7/10整體：6/10
繼續閱讀
您可能會有興趣的...