影片
港鐵灣仔站 A3 出口, 步行約6分鐘
繼續閱讀
電話號碼
2333 9013
付款方式
其他資料
電話訂座
以上資料只供參考, 請與餐廳確認詳情
離離合合不只是情侶，可以是餐廳合夥人！當有人被私有化*，另一創辦人卻另起爐灶，找到丈夫從出江湖，帶領部份舊員工，創立了「嬌姐小廚」，懷念「合時小廚」菜式的客人，現在可以再回味！不過話說回來訂位並不輕鬆，因為啟業以來，一席難求，大家又要耐心排吓隊。（*名震一時的「合時小廚」已成為 Club Batard 私人會所中餐廳)幸好遇上朋友攪局，無需望穿秋水，預先訂菜盡嚐招牌菜，嬌姐及其丈夫華哥，正是新店的主理人，來者不乏熟客，當晚不時親身招待。花彫鴨舌凍似肴肉做法，鴨舌起肉與醉汁定型，每件整整齊齊，長方透明磚頭，杞子、蜜瓜球及鴨舌清晰可見，魚子醬放頂點綴。造型精緻，味道討好，集鹹香、清甜、肉味於一身。碧綠蝦皮餃酥炸蝦膠，外型似餃子，餡料有蝦膠、紫菜及冬菇，配沙律醬 ，棉密質感，餘韻鮮美。韭菜花銀魚小炒皇有腰果、蝦乾、魷魚粒等與韭菜花同炒，乾爽冇汁水，惹味夠鑊氣。千島煙肉餅很有煙燻香，因為內藏煙肉，餡料主要是蝦膠，配千島汁。口感方面與碧綠蝦皮餃有點相似，但各有風味。火焰蝦久別了的火焰蝦，其實我幾鍾意，只不過有點殘忍！新鮮蝦加玫瑰酒浸2分鐘，生蝦受刺激生猛跳躍，然後猛火燒熟，因此肉質保持鮮嫩，每一口皆有陣陣酒香，非常美味！剁椒蒸馬友肥美的馬友，因為不是活魚，以剁椒是個好主意，效果理想，是香惹的鮮味。杏汁菜膽燉豬肺湯足料久熬，奶白醇厚。馳名香妃雞雞的質素唔錯，皮滑肉嫩。黃金炸吊片外酥脆內鮮美。肉蟹新鮮，花雕雞油美味，冬粉吸盡精華最搶手，永遠覺得不夠。特色鮑魚麵造型突出，配個塔裝飾真盞鬼！滋味鮑魚配脆麵，好吃。豬油渣炒芥蘭豬油渣炒菜，始終更香。黯然銷魂飯潮流菜式，沒有不好吃的道理！處理認真，煎荷包蛋上有豉油，半肥瘦叉燒厚切大片，吃得滿足。合時甜品芋頭西米南瓜露，清甜可口。同場加插，食友帶來的脆蜜柑桔，如其名，皮脆肉甜蜜！
繼續閱讀
Throwback visit during Kiu’s Kitchen soft opening in early October. Helmed by Hop Sze former Sous-Chef Wah Gor and his wife Gill Jeh, loyal patrons of Hop Sze can once again enjoy their all-time favourites. Signature 玫瑰露火焗蝦 to start. The aged rose liquor was incredibly aromatic. Prawns were done just right. Would have been better had the texture of the prawns been bouncier. 韮菜小炒皇碧綠𧎚皮餃 was a wow for me. Dumpling wrappings were deep fried to perfection and the flavour profile of the fillings was intriguing. A dish that I would highly recommend ordering. 雞湯花雕蒸馬友 Threadfin was fat and tender, swimming in a pool of luscious concoction of shaoxing wine and chicken butter.極品茶皇雞百花炸釀蝦多士 Too thick for my liking 花雕雞油蒸肉蟹伴水晶粉 薑葱焗龍蝦煎腸粉 Loved this. Lobster was done just right. Cheung fun was wok Hei packed. 焗少爺豬扒飯Overall skilful execution beautiful presentation from start to finish that exceeded my expectations and previous visits to Wah Gor’s training grounds.
繼續閱讀
5807 瀏覽
近日不少報章都有刊登有關灣仔新店「嬌姐小廚」嘅報導，每篇例別講起嬌姐夫婦與「合時小廚」嘅淵源。XO仔自認人面唔夠廣，由「合時」紅到開分店，到最近會所化埋仍未有緣一試，月初都係托靚靚替腳auntie鴻福，先有機會搭人張大枱體驗吓咋。嬌姐走咗出黎開新檔，自然好多熟客爭住捧場，據悉要等到蛇年先有位，似乎去到邊都繼續一位難求喎！日光日白下，藍灰嘅門面唔係咁起眼，要天黑影先突出啲。用餐大堂光線充裕，無奈散枱擺得勁密，午市滿座仲嘈過酒樓，服務生唔知係未上手定係發老脾呢，換碟、加酒水等功夫都要自己黎囉！中餐廳午市同晚市都係同一個餐牌，為怕到時先叫乜都冇，AA制嘅九男女飯焗早已訂好菜單。花雕鴨舌凍（$198/六件）：晶瑩剔透嘅啫喱冷盤厚而彈身，睇得出每件中間都有件鴨舌同妃子，連魚子醬食落口，魚子醬嘅鮮濃似乎搶哂所有味，唔講真係食唔出有花雕妃子香。百花蝦多士（$68/件）：蝦多士一碟過跟意頭好好嘅壽星公上，睇落好有氣勢，但同時難免貴客會對比蝦多士及紅蘿蔔嘅色澤。啡啡嘅蝦多士第一啖已食得出千年油嘅油膱味，百花蝦膠除咗欠缺爽彈之外，亦奪走咗蝦隻原有嘅鮮甜。最弊就係入面勁多蝦殼，失敗透！口水雲吞伴皮蛋：此餸因內含花生，小肥唔可以食，不過聽到席上兩位SM長輩直言阿茂菜式九唔搭八，食材亂溝一通，完全唔掂當！翡翠蝦皮餃（$180/四件）：菠菜羮底本身柔潤滑溜，芳香清甜，蝦皮餃咬落都幾爽彈架，餃中嘅菜菜亦相當脆嫩，不過敗筆在於蝦膠即使冇炸過卻有陣強烈嘅膱味。。。花雕雞油蒸馬友（時價）：以雞油蒸出嘅馬友魚肉軟滑就夠軟滑，散發出嘅花雕香都好芬芳，唯一魚魚唔夠熱，蒸魚大忌也！濃湯沙白豆苗：原煲上嘅浸菜熱力十足，湯底濃甜暖胃，豆苗都好軟腍，沙白肥美冇沙，係咁多味之中煮得較好嘅一道。膏蟹蒸肉餅：肉餅以原隻膏蟹拆咗黎蒸，賣相夠哂睇頭！厚厚嘅肉餅唔算實，但亦談不上鬆嫩，精髓係膏蟹嘅鮮味滲咗入啲豬肉度，實有點精之效。焗少爺豬扒飯煎雞蛋（四位起；每位$85）：焗豬扒飯用上勁多嘅芝士焗製，並由專人負責分。可能招牌名菜俾人讚得太激啦，大家嘅期望過高，所以失望好大，長輩們啲評價堅狠！如相所示，啲蛋蛋煎到熟哂，冇一隻流心，硬咗嘅蛋黃只會增添嚡口；細佬碗中件豬扒又硬又實，毫不鬆爽，二筒uncle之後靜靜雞話佢嗰碗仲玩野，淨係得舊豬骨；飯底又濕又軟，少爺邊洗食軟飯架，叫「姑爺飯」就差唔多，結論竟然係大X樂個焗豬扒飯好食同抵食得多！灣仔人氣中菜館「嬌姐小廚」環境光鮮但坐得比較迫挾，預訂嘅招牌菜講真驚多過喜，質量偏低，冇一味推介得落手，服務及餐飲都有好大嘅進步空間囉！
繼續閱讀
1.嬌姐喺灣仔現址開新店「嬌姐小廚」後一直好旺場，聽朋友講晚飯訂位要等好多個月，呢日趁年廿九公司早收爐，同幾個友好訂位食午餐。2.乳鴿有啲驚艷，熱辣辣勁juicy加上煙燻茶葉嘅香氣，好好味。3.焗少爺豬扒飯好食，煎蛋係呢個飯嘅MVP。4.掛住食乳鴿，食蝦多士嗰陣已經凍咗啲，但係！都仲係脆口而且無話出晒油，不過食完對隻蝦無乜印象。5.魚子醬鴨舌凍、西湖牛肉羹、砵酒蠔、啫啫芥蘭煲都係唔錯嘅選擇。6.最尾仲奉送每人一碗南瓜西米露。7.回頭指數：🌝🌝🌝🌝
繼續閱讀
以前食過西灣河合時覺得都幾好食，所以諗住今年團年飯過嚟食，屋企人已經提早咗好多親身過嚟book位，點知今日去到一場空。Book咗今日6:00 ，屋企人喺預約時間早Doo Doo已經到咗，我就六點去到發現未入座以為未準備好。點知一位女職員話搵唔到我哋嘅Booking，但係明明張紙上面寫住我哋個名6:00三位寫埋枱號，但係我哋嗰張枱最後變咗係一張六人以上嘅枱已經有其他人坐住咗跟住個女職員走去同個阿叔溝通，因為佢哋係喺間房好細聲講開頭聽唔到佢哋講乜，到我跟埋去詢問嘅時候嗰個阿叔話打過俾我哋冇人聽所以以為我哋唔嚟就取消咗，我哋係冇收到任何電話，所以覺得不合理，跟住佢檢查另一本簿嘅紀錄，佢係將我屋企人嘅電話寫錯咗所以點解冇人接聽。我哋勁嬲，佢哋見我哋嘈所以想喺兩張枱中間用一張人哋愛嚟上菜嘅枱安撫我哋，但係嗰張枱根本唔可能坐到三個人，非常印度嘅做法，另外呢個阿叔嘅態度非常之差，開頭完全係正眼都唔望我哋逃避我哋，係我哋喺度嘈好耐佢先至好求其講句唔好意思就算跟住我話要同經理講，點知呢個阿叔就係經理，屋企人因為都好嬲同埋亦都肚餓，我哋決定即刻去搵其他地方食後尾我哋走之後有一位女士追出嚟同我哋了解，佢話佢係幫老闆做嘢既，我同佢講咗個情況，亦都覺得最不滿首先係我哋book枱嘅時候，冇人講明話如果打嚟同我哋reconfirm冇人聽就會取消我哋嘅預約，一般餐廳正常做法都係會留枱15分鐘，真係客入唔到就先至自動取消啫，佢呢個經理嘅做法完全唔合理（我心目中懷疑佢根本就覺得我哋人數太少，所以想取消我哋比張枱一啲人數多嘅客人） 呢位女士就態度好好多道歉之餘話會同老闆跟進嘅，但我都覺得應該要喺度留言，等大家知道恐防大家都會遇到同我一個情況
繼續閱讀