影片
營業時間
星期一至日
11:30 - 15:00
18:00 - 23:30
以上資料只供參考, 請與餐廳確認詳情
招牌菜
食評 (34)
之前就知道呢度哪些優惠卷是沒有用的，不真實的，任食的一定沒有原本列明最貴的幾樣，而且來得慢份量少。味精多，份量少，味道差已經成爲這裡的標誌。服務也是一般的，這樣非常不行啦，顧客很不開心的。吃過很普通的刺身後, 刷刷鍋和蝦天婦羅等了超過半小時都未到。枝豆， 咸咸地一般。餃子，一般。燒三文魚腩，好腥。黑毛豬，難食。雞翼，香而無味。雞肉串，很一般。這手段擺明孤寒計盡無口齒，樣樣好野都話無，這等餐廳不去也罷。
繼續閱讀
結業了@ 誠日本料理灣仔莊士敦道60號J Senses2 樓12號舖第一次去食, 可惜也是最後一次因為加租.....所以我xmas當日去是最後一天了日本餐廳, 一個lunch 要一百元左右有一個特別地方是包了一個中式湯而且用料豐富我當日叫了一個udo set感覺其實都很中式, 哈哈海鮮方面有魚, 蝦同螺片味道就一般了, 沒驚喜其實, 一D都唔似食緊日本野反而個中式湯就好甜好飲湯中有海參螺片等大埋頭的材料,所以煮出來好甜有同事碗湯更有鮑魚呀!!!!真想多喝一碗
繼續閱讀
星期五晚, 7時左右, 入到去, 全店只有兩桌客人, 有點不祥預兆.吃了三樣野:1. 上盛刺身$480- , 一般過一般- 吃過很普通的刺身後, 全店只有3桌客人, shabu shabu 和 蝦天婦羅等了超過二十分鐘都未到.2. 澳洲蝦雜錦天婦羅- 價值HKD$100的天婦羅, 蝦像是用煎過煎三寶的油來炸, 炸物上有一些啡色的油炸碎點點, 炸漿不脆, "林林地".- 先來了蝦, 以為雜錦(野菜天婦羅)會遲一點到, 點知過了十五分鐘, 問老闆娘, 她說, 因為"d雜錦唔得, 所以比多隻蝦你地", 即係無雜錦, 上菜果陣又唔出聲, 又如其他評論一樣, 無乜野的話就會另外一d"比多舊你"算數3. 牛肉shabu shabu $280-- shabu shabu 海帶湯幾甜- 在shabu shabu 的湯中, 素菜間發現深啡色長方形員邊(像一粒扁身的膠囊丸)並上面有橫紋的東西, 刺開外殼,內有點黃黃米白的,已煮熟了 , 老闆娘說是豆豉, 唯有一笑.只有一位沒經驗的侍應負責招呼客人, 不時給要入廚房幫手的老闆娘指點教佢點做.經營得咁差, 員工無事忙(那個老闆娘成日走左入廚房), 客人唔開心, 為乜 ? 希望再沒有人中招.
繼續閱讀
早前係Groupon買左個2.5 小時半自助餐, 都要 $198/位 及 $388/2位, 另需加10%服務費, 見個餐單有原隻鮑魚壽司 (每人一件), 又有任食美國安格斯西冷牛扒, 係比別家的全放題還要貴, 諗住佢貴d就會比足料啦….買左3個人卷早一日打去book位, 開開心心諗住食餐好嘅, 6點幾上到去全場得我地一檯, 一個疑似老闆娘嘅人比左個冷氣唔到, 用把風扇係隔離吹住個頭的位我地 , 我地問佢要第2個位佢話今日爆晒得返呢個位 (當時只得我地, 都唔知點解唔肯換個位比我地, 有無攪錯), ok算, 咁唯有照坐啦 …..未有野食周圍望, 發現牆上掛滿大大隻字的中文餐牌同價錢, 好似壁報板咁, 好有大排檔 feel 跟住就比左個當日食咩個餐牌我地睇 (見下圖, 同團購果時登出黎一樣架), 佢開始話無 “美國安格斯西冷牛扒”, 今日無貨到, 咁我地問佢用咩補返, 佢話無就係無, 無野補上, 咁我話無呢個牛我唔買呢個卷啦, 大家哦左一陣佢就話比返2串牛舌我地補數, 我地問咁牛舌係咪任食, 佢又話唔得.跟住上 “任食前菜”, 又黎話個 “神秘食材” 係無嘅, 我地已經講 “又無”…..咁你張餐單又寫….佢就話係無架, 咁就行左去…枝豆: 一般食到的味, 咸咸地, 正常無特別日本餃子: 係炸嘅, 脆卜卜, 都ok嘅燒三文魚腩: 連皮燒, 好腥 神秘食材: 無供應 刺身: 每人有3片三文魚, 3片吞拿魚, 4片章紅魚 – 都算新鮮, 但唔算特別好食, 其實同一般日式料理一樣啦食食下前菜個女人又埋黎講, 個任食燉湯, 唔係任食嘅, 只可以每人一盅, 跟住行左去…….我地即時講有無攪錯, 雖然我地都未必會飲第二盅, 飲到成肚水, 但唔係任食又做乜寫任食, 係咪呃人買卷, 氹人落搭呀, 開始覺得佢全心昆客買卷….跟住個壽司黎啦, 6款每人一件: 全部壽司飯唔夠軟身, 有少少似煮飯生米粒, 飯有少少散, 麻麻地 燒三文魚: 同普通三文魚無咩分別, 唔覺係燒, 係個面比新鮮的乾少少鰻魚卷: 用紫菜包住, 有d鰻魚汁, 但我相信卷左好少鰻魚, 因為食唔到鰻魚咁滯和牛油粒壽司: 無咩印象係咩味加州卷: 呢個食落好似有少少海膽質感係入面, 幾好食和牛油粒梅子壽司: 好苦, 好難食帶子壽司: 粒帶子幾鮮味 任食燒物: 全部都係食左一件黑毛豬: 淋身唔鞋, 整到好似中式叉燒, 個味都有少少似, 只係無咁濃蜜味豬扒: 一舊肉質算淋的豬扒, 係個面煎香左, 肉係無乜味, 似乎係雪藏貨雞扒: 同豬扒一樣感覺雞翼: 又係入面無咩味好淡, 係個面煎香左燒翠肉瓜: 一般雞肉串: 3個人黎得2串, 味一般同出面食差不多燉湯: 係個中式燉湯, 雪梨雪耳, 意米紅棗, 仲有d菰 – 呢個唔覺有咩特別好飲, 同一般中式燉湯無異, 亦唔覺有鮮味, 似一般燉瘦肉湯咁, 團購寫佢個湯用河豚炮製, 但係唔見有囉, 亦可能因為無落, 咪無鮮味囉 @@……..呢個就係菜單寫任食但係去到就講只得一人一盅果個任食天婦羅魚天婦羅: 炸得都脆身, 但魚肉又係無乜味南瓜天婦羅: 南瓜好甜, 炸得脆身, 最好食呢個茄子天婦羅: 炸得都脆身, 茄子是好吸油的, 但呢個不會食到一口油, 算唔錯.野菜湯麵: 黎左2碗, 好淡, 真係得d娃娃菜同一舊冬菰, 烏冬就好滑, 湯底係白色, 唔知係味魚湯底, 但成碗野無乜味 , 我地只食左一碗, 另一碗原封比佢拎返走食到呢度我地都停晒口, 檯面d野都食唔晒, 因為唔多好食…..望見隔離檯又係睇果個餐牌, 見佢地個刺身有甜蝦, 又有帶子, 吞拿魚, 章紅魚….e 點解有帶子咁正, 問個 waiter 佢地個餐係咪同我地一樣, 佢話係…..咁問個老闆娘點解佢地有呢d我地無, 佢又話隔離個餐同我地唔同, and 頭先有立魚返, 即刻比左我地先, 隔離檯無晒立魚先比呢d 佢地, 咁我食果個究竟係章紅魚定立魚呢?…..佢見我地有d不滿就話補返3隻甜蝦比我地, 真係3條蟲仔 size.但到我地走時, 見隔離檯跟住上的菜同我地係一樣, 點會係第2個餐, 近來都係得呢個餐做緊咋嘛, 証明呢間野真係連講野都亂咁up 求其洒個客就算 @@無無聊聊睇下個餐牌….oh….我地個鮑魚壽司呢, 又叫個女人黎問佢個鮑魚去左邊, 佢先話無鮑魚比左帶子啦……..吓, 又無, 佢團購賣點係 “壽司款式包括原隻鮑魚及和牛油粒，選料上乘，絕無欺場”…….我話絕不老實, 非常欺場就真!補返無任食牛扒果個 牛舌黎啦: 好食, 但係得2串, 每串2片, 係比我地3個人分……由原本任食牛扒變4片牛舌, 呢間野真係cheap都暈 @@ 呢餐真係有d慶, 有無攪錯呀, 個餐單已經唔多野食, 個價都唔係平, 賣點鮑魚- 無；安格斯牛扒-無 ; 神秘食材 -又無；任食燉湯-得1盅……..真係不能接受, 分明呃錢, 掛羊頭賣狗肉, 搵笨, 乜都無點解唔之前通知人, 我上去前再打上去話而家黎都唔講, 唔係擺明昆水都無人信!2.5小時的時間, 我地食左1個鐘3個字已經唔想再食, 佢有問我地有咩想加, 加乜呀, 全部貴價少少的野都話無, 得返 d cheap 野, 你地收左人地2舊水一位架, 比野菜烏冬同翠肉瓜, 雞翼人食過唔過份 d 啦, 無左牛扒好應該比牛舌或其他同級數食物比客人任食返啦, 又想收錢又唔捨得比人食, 不知所謂, 咁做生意客人唔會有下次, 根本間野都無心做落去, 似乎想做乜呢轉執笠咁款 !之前講話今晚爆滿, 無位轉比我地, 到我地走時8點啦, 計埋我地全場先得4台客咋, 大把吉檯, 咁叫爆滿 ?呢間野, 買左卷的去之前打去問清楚係咪齊晒d野先好去; 無買的, 唔使去, 唔好晒錢, 我去元氣食都滿足過呢餐, 間野食味好一般但唔平, NOT worth !
繼續閱讀
個日成班同事一行13 人上去食晏，每人都係叫套餐，係一碗燉湯&切角魚生飯。燉湯好飲但唔係日本菜，個魚生飯o既魚生跟一般壽司店無異，但個飯底就好失敗，完全唔係日本米亦唔係壽司飯，好影響成間鋪頭。唔會再去
繼續閱讀