影片
開飯介紹
來自加拿大的漢堡店，除了肉類漢堡外，也特別提供素食漢堡。
繼續閱讀
營業時間
今日營業
11:00 - 19:45
星期一至五
08:00 - 20:45
星期六至日
11:00 - 19:45
公眾假期
11:00 - 19:45
以上資料只供參考, 請與餐廳確認詳情
食家推介
喺灣仔返工咁耐都冇食過呢間漢堡包，今日同朋友出去食，應該盛意拳拳咁樣推介，終於都忍唔住試吓貴嘢Fish Burger Set $107魚柳漢堡單買都要成70幾蚊，真心好貴但係食落就知道真係唔簡單，夠魚柳係用咗紐西蘭鱈魚，完全冇腥味冇雪味，食落仲要係彈牙，漢堡包仲要脆脆地，超級好食薯條揀咗最普通嘅粗薯，薯仔肉夠厚，炸到熱辣辣自然好食Cookie and Cream Milkshake +$24Milkshake 據說係用咗兩球嘅Movenpick 打出嚟，所以個味道係好似飲緊雪糕，真材實料冇得輸
繼續閱讀
Triple O 對我黎講係comfort food。每次都會點chocolate milkshake， 但今日既milkshake 完全無朱古力味！失望！另外就係環境有D污糟，希望可以改善下！
繼續閱讀
【灣仔區】【Triple O's by White Spot】三年前喺荃灣嗰間 Triple O's 食個餐，嗰排適逢係 Halloween 寫作大賽，我用我篇用餐體驗去參加呢個比賽，不幸贏得冠軍。獎品係兩個自選漢堡，當時餐廳嘅小編仲走咗入嚟留言，嗰排我做緊「十八區 Foodie」嘛。之後都喺疫情嘅時間幫襯過幾次金鐘同灣仔嘅分店，我覺得呢啲有杯好飲奶昔嘅美式快餐店真係要好好珍惜。金鐘嗰間我都記得我寫過，不過已經唔記得幾時寫喇，如果唔係都會嘗試拎返出嚟做個對比，唔係盲目咁亂寫吖嘛。不過今次我都係食 $66 嘅「原味牛肉漢堡」，畢竟呢個有和牛漢堡扒、生菜、蕃茄、秘製 Triple O 醬汁同熱烘麵包嘅組合都係佢哋嘅經典菜式嚟。味道上同之前比較，個分別都唔算好大，而今次都有加 $30 升級套餐，食多啲嘢。薯條我加 $13 轉「意大利芝士蒜蓉薯條」，個醬係幾香幾惹味，唔使淨係薯條咁寡。嘢飲我加 $24 要「Ovaltine Shake」，即係阿華田奶昔，飲落又幾有特色，阿華田獨有嘅香味都幾出。夾埋 $133，成日食都係咁上下價。。。（地址：灣仔港灣道25號海港中心1樓121號舖）
繼續閱讀
每次經過灣仔區，都會諗起依間漢堡包店～其實咁多間漢堡包店嚟講，我覺得Triple O‘s 係我最愛嘅頭三間之一，因為餡料水準真係唔錯，而且即叫即整，非常夠熱，係高質素漢堡黃金魚堡我每次都會食佢的魚柳包套餐跟包會附上一件檸檬，食嘅時候可以唧少少汁上去。魚柳夠晒大塊，外脆多汁。麵包夠鬆軟，配搭生菜一齊食，相當好味當然薯條食都係我至愛！粗薯條夠口感，而且茄汁可以任加，正正👍🏼Nutella奶昔（期間限定）呢隻榛子朱古力係我至愛，加做奶昔都係第一次～非常好飲，每一啖都好似食緊榛子棒嘅感覺，奶昔口感細滑，好飲
繼續閱讀
Triple O's 係香港都有好多年歷史， 由十幾間分店到現在只剩返三間( 金鐘、灣仔、西營盤)Triple O's 係來自加拿大溫哥華的漢堡包店， 而漢堡則用100%澳洲牛肉去製成。 呢間過江龍快餐店嘅裝潢設計就和McDonald's連鎖快餐店無異， 沒有打卡位特色。食物方面份量十足，特別係漢堡包! 漢堡包偏軟淋， 配上triple-o自家製醬汁，非常美味，但食到一半就開始飽。 另外雞柳非常鮮嫩， 配上蜜糖芥末有雙重口感 作為加拿大過江龍必推加拿大地道美食Poutine，Poutine喺香港好少機會食到, 薯條鋪滿肉汁、車打芝士、黑椒和鹽。 雖然薯條不再香脆，但有另一番的風味!!雖然係美味，但以環境裝潢而言價位真係有點高，相信這正是多間店舖結業的原因
繼續閱讀