影片
港鐵牛頭角站 B2 出口, 步行約4分鐘
繼續閱讀
營業時間
星期一至日
06:00 - 22:00
以上資料只供參考, 請與餐廳確認詳情
招牌菜
相關文章
10月26日今晚收工後,過咗九龍灣搵女友齊齊食飯,行咗過淘大嗰邊,周圍睇,都諗唔到食乜,行下行下,問起女友有間佢經常食嘅茶記,就索性去嗰度食...一入到去,好有七八十年代茶記感覺~~望下牆上餐牌,就決定要個沙爹金菇豬頸肉煲,同埋咖哩雜扒飯~兩個都係餐,有例湯,碗湯並唔流,有老火湯感覺,係合掌瓜煲豬骨,好好飲~先嚟個沙爹金菇豬頸肉煲,呢個餐跟例湯,油菜,白飯,同埋餐茶,都係$40,個煲上檯,仲係熱辣辣,唔重味精,好香沙爹味,豬頸肉唔"鞋",好好食~~跟住個咖哩雜扒飯,所謂雜扒,有火腿,芝士腸,牛扒,豬扒,個汁好香,唔辣,最正係有兩舊蕃茄,我成日覺得,如果咖哩放埋兩舊蕃茄落去,會更好食~~牛扒係難咬啲,但唔通要人地俾肉眼扒你咩...!!??凍熱檸茶都係水準之作,唔怪得女友經常去幫襯,因為唔駛太貴就食到好嘢~
繼續閱讀
【14-1-2011】今日約左牙醫去脫智慧齒。去之前還是吃過飽飽吧~~~(因為之後1、2天，只可以食流質食物……)去到這餐廳，第一個感覺是幾懷舊，室內都好光猛，好似小時屋村的冰室。先來一個例湯~今次是西洋菜豬骨湯~味道好足料，飲後都不覺有味精，好好味~凍奶茶。茶香夠，但滑度未夠，不過都ok的~雪菜鴛鴦柳炆米。賣相……雖然不是十分好看，但味道不錯。炆米最怕是汁太多，炆得剛剛好，碟底不會有多餘的汁和油~份量都幾多~~~鴛鴦柳是豬和牛，但……牛肉和這碟炆米不太合……如果是雞或者會好一些……總括而言，都是好味的~帶著滿足的心情，睇牙醫不怕了~~
繼續閱讀
平時番學番工,,,尖沙咀九龍灣,,,中午食飯餐餐都係40幾50蚊,,,今次行遠少少去到淘大旁邊,,,嘉和園內鋪,,,咁有間叫活力餐廳啦,,,聽人講話幾好食,,,咁咪同班同事去食下囉,,,佢D飯類餐30幾蚊,,,而普通幣餐就廿幾先黎,,,雞尾包,,,本來跟餐係方包,,,但係如果你係出面見到有咩包賣緊,,,佢都可以唔洗錢幫你轉既,,,算係幾抵架啦..牛肉麵,,,普普通通啦...腸仔反蛋,,,由於本人唔太食得生雞蛋既關係,,,叫左佢反蛋,,,反凡比較求其...但可能咁就係茶餐廳既特色吧!!!茶走,,,我覺得唔夠滑姐...by woody
繼續閱讀
海最近忙於鍛練身體，每天也會抽一小時運動，隔天游泳，隔天做陸上運動，除了最愛的網球外，還嘗試過從大圍出發踏單車到沙頭角，再經粉嶺公路回大埔及大圍，全程70公里，真的非常難忘！ 最近，很多朋友也問海一個問題，就是 “喂你係唔係又減肥丫？” 我承認這是其中一個原因，但更重要人長大了，希望照顧的人和事也逐漸變多，試問沒有良好的體能，怎能兼顧？ KC前輩說的對，堅持是最困難也是最容易的事，我會繼續堅持下去的，how about you？今天以飢腸轆轆的姿態走進我的飯堂﹣活力餐廳。這街坊小店市中無休，而水準也頗穩定，還記得小時候這裡是叫“福元餐廳”的，轉手後伙記還在至今，是頗有人情味的小店。 而相信不少九龍灣人也知道，這裡是本區唯一一間有新鮮出爐麵包的茶記（如還有別的請指正），早上的菠蘿油及酥皮蛋撻十分不錯，午市炒粉麵也有水準，而今天，就吃晚市小菜。今天的套餐是沙嗲牛肉粉絲煲，套餐包中湯油菜白飯咖啡或茶，真的胃口小一點也吃不完。先來的是金銀菜煲豬骨，這裡的例湯，尢其是中湯，可稱得上真材實料，菜乾豬骨下足，也放了南北杏，熱度也夠，好喝。再來是油菜，一吃，真的非常油，乏善可陳，未吃完已半飽。沙嗲牛肉粉絲煲熱辣上檯，而且真的用鐵煲盛著，賣相是認真的。用上了青紅椒，洋蔥，乾蒜去煮牛肉及粉絲，聰明地彌補原材料的不足，聞上來香噴噴，吃起來醬汁味道也很豐富，輕鬆地便下了半碗飯。牛肉當然是疏打牛，但今天我醉翁之意不在“牛”，索盡醬汁精華的粉絲才是我的目標，結果白飯吃不完，但粉絲卻吃得乾乾淨淨。飽得不能動，才36大元，不禁要說句世界難撈。還有飲品呢？ 外賣回家給妹妹了，是免費的，這，就是人情味。
繼續閱讀
工友一時性起，話請大家食下午茶，就在這間店買左半打蛋撻﹗睇住佢岩岩出爐，返到地盤都仲係熱呼呼的，未吃已知是好野﹗$2.5一隻﹗酥皮蛋撻，外皮香脆，雖未做到一層又一層的口感，卻有濃濃的牛油香，蛋心脹卜卜的，又軟而滑，蛋味香濃﹗下午茶來番個，再沖番杯熱茶飲下，偷得浮生，鑽地幾辛苦也是樂趣﹗
繼續閱讀