影片
以上資料只供參考, 請與餐廳確認詳情
近排睇外賣平台甘熱門就想叫個外賣，就睇中依間餐廳好似唔錯。叫到黎一朾開份回鍋肉餐加加埋埋得五塊回鍋肉同幾塊極薄嘅蓮藕片。七十幾蚊一個餐五塊回鍋肉，會唔係太過過分？？另一方面，回鍋肉個口味炒淡，得少少豉油味。連野飲都冇飲筒第一次幫襯真係冇下一次
繼續閱讀
之前係另一個店名(應該係頂咗手) 今次去食，啲人手唔同晒。 首先，個女待應淨係識講普通話，我用廣東話落單佢聽得一舊舊。 其次，我哋先左啲啲前菜食下，到等齊人再點烤魚時，竟然話賣晒！(大佬！果時先6點半喳喔！招牌嘢哦！ 賣哂定冇做呀？) 一行人失望到頂！ 但因為叫咗前菜食，唯有夾硬叫埋其他主食啦！ 最後，上菜慢到pk, 得幾圍台已經做唔切。 啲口水又係預先雪好既，難食到爆。 個回鍋肉得幾片肥肉，啲葱蒜多到以為係回鍋肉炒菜。 酸菜魚就辣到好似水煮魚咁(唯一好食嘅係啲魚片，都幾滑) 。 總之: 冇下次！
繼續閱讀
正如之前川菜食評提到，我心目中好食既川菜唔一定要勁辣，但要有夠香、麻。近排同一位來自四川既師傅傾計，佢都係話四川人唔係食好辣，但要有麻，佢話湖南人食得仲辣。佢推介老四川，於是諗住黎朝聖，但原來已經轉左手。為左可以同之前食既川菜餐廳比較，叫番水煮牛肉，一上菜，睇落色、香都唔錯，牛肉入口有少少花椒香、麻，要咬埋花椒，味道先更出，如果可以再煮得入味d就好。白飯相對細碗，有d唔夠送菜。下次再試下其他菜式。
繼續閱讀
同事想食川菜，帶左我地黎，聽個名就覺得搞笑，即管試一試。餐廳係牛頭角舊區果邊，唔算大，order 都係即叫即做。田雞香鍋(小辣)田雞比想像中細舊，好似配料重多。配料裹面有木耳、莞茜、薯仔片、蓮藕片同辣椒。尖椒雞(小辣)尖椒雞辣得幾過隱，應該叫大辣會更加好。乾煸四季豆(小辣)正常輸出，火喉夠，乾身，唔會太油膩。酸菜魚(辣)酸菜魚比較辣，不過魚肉好鬼滑。加左菊花花瓣，成件事就即value up 左！成餐辣得黎，飲晒成包紙包飲品都搞唔掂。鐘意食辣既朋友就會明白，係辣得幾過癮既！
繼續閱讀
本來想著來吃老四川，進了店以後才發現已經轉手了。詢問之後發現都是四川老師傅開的，決定還是試一試好了。點了一個辣子雞一個自選香鍋，辣子雞還沒端上來已經聞到一陣爆香的味道，嘗試了一下發現鮮香麻辣四味俱全，老闆好厲害！真的爆誇這個辣子雞，吃完一口就決定這家列入我的必吃川菜館子了！！！香鍋也完全驚艷，不過相對辣子雞我還是更喜歡辣子雞。三個人吃不了太多，下次一定要試試酸菜魚和水煮魚，看到隔壁點了水煮魚也好好吃的樣子！
繼續閱讀