水手有限公司(快餐店)

營業中

休息中

明天便是端午節了，早前到石硤尾「嘉湖」取糭；因8:45已到石硤尾站(9:30才開始)，見時間尚早，便決定在附近找地方吃早餐，眼看除了這間餐廳外，就只有一間酒樓，那就這裏吧！店內保留七八十年代快餐店的格局，懷舊的裝修，客人和待應友善的交流，讓人有回到童年的感覺，什是親切！叫了炸魚柳、火腿通粉、煎雙蛋、餐包及熱檸水，食物不過不失，水準平平，很富有當年的感覺！想懷舊一番，不妨過嚟試試！#水手有限公司 (快餐店)地址: 石硤尾窩仔街1-13號仁寶大廈地舖電話: 27778017

🍚菜遠牛肉飯送例湯$52其實呢個價錢黎講都算抵食，白飯同餸都大大碟，湯又大大碗，我諗碟飯應該有兩碗飯咁多，如果細食嘅朋友就要叫少飯啦!菜心翠綠，都煮得夠嫩。牛肉好淋，但牛肉醃得唔係好夠入味，食落唔夠香，芡汁過多。飯就煮得太軟爛。夜晚坐滿食客，但上菜速度都好快，落單唔夠5分鐘已經出餐食得。環境就點都講唔上乾淨，有蚊滋，餐具衞生都差啲。

去到石硤尾區返學，一定要搵間傳統嘅小店試吓，路經水手快餐店有一種返返去90年代讀中學時候嘅感覺。點個魚香茄子飯食完快啲返學，俾錢打飛，跟住張飛交到廚房，稍等一陣就可以出餐。如果唔要求高，純粹係填飽個肚其實OK嘅，我最欣賞佢碗例湯，材料多，夠味行過可以試吓😊

#MC帶你去石硤尾.石硤尾舊區內小店林立，而且大部份都有有一定歷史，例如依間快餐店，先付錢後取餐嘅快餐店，充滿香港懷舊氣息☺️.✨ 環境店內裝潢簡單，依然保留咗上世紀八、九十年代港式快餐店嘅自助式取餐區、懷舊嘅收銀處、固定式座位、深啡色餐盤等，一磚一瓦都滲透著老香港快餐店嘅歲月痕跡⏳.✨ 大力水飯 (轉意粉) $50賣相唔係精緻，十分貼地咁😎黑椒汁差唔多水咁稀，所以黑椒味唔重。.🍝 意粉同「大力」嘅名稱十分呼應，份量十足，意粉份量一啲都唔吝嗇🤤.🍳 太陽蛋依個值得一讚👍🏻太陽蛋即叫即煎，仲要唔係用模具煎出嚟個隻！蛋黃十分堅挺，蛋黃仲係流心咁㖭👏🏻.🥩 豬扒坦白講，豬扒乾身，咬落肉質偏硬，起碼唔係食鬆肉粉先🫢多數舊式快餐店都會煎定十塊、八塊，咁樣先出餐快，所以睇你好唔好彩，食唔食到新鮮出爐嘅豬扒。.✨ 總結依間鋪係行大件夾抵食路線，依個價錢分分鐘仲平過依家啲連續快餐店。而且，依啲充滿舊時代情懷嘅老店買少見少，未有體驗過嘅新一代可以去感受一下😜.⭐整體︰7.0/10⭐食物︰6.5/10⭐環境︰6.0/10⭐價錢︰8.5/10.==============================📍 水

去過兩次食下午茶🫢冷氣夠足，乾淨衛生，街坊食堂，老人傾計食雞脾👏🏾後生傾計食雞脾👏🏻冇的士佬糟住，冇bb仔哭喊…夥計不會行來行去，姨姨快手落單👩🏻‍🦱，廚師快手煮野👨🏻‍🍳，夥計快手穩陣打包👨🏻，如此光景、平和幸福…食過咖喱雞扒飯🍛🐔菜遠炒飯(唔記得準確名…)🐷🥬真·超好食🤤…唔識形容，家常便飯又絕對唔普通🥹…食嗮🤤…整份食嗮🤤…望住門口街景，歎可樂🥤…

同學話我知，佢發夢見到自己就快死，佢同我講之後，我嚇到好緊要 好大壓力，又好驚！於是衝落街，周圍行，漫無目的咁行，行到腳攰，見到有一間快餐店，即係呢間水手快餐店，就走入去食。發現有件好搞笑嘅事，就係成間快餐店，淨係得我一個係女仔，其他全部都係阿叔麻甩佬。我唔知叫乜嘢好，所以就叫咗炸雞髀plus薯條食。炸雞髀薯條，廚師煮咗好耐，我有問點解咁耐；佢話，即叫即炸！係生炸！所以係耐啲！！OK，等多一陣囉。 雞髀唔係好大隻，但係炸得啲皮好脆，雞肉唔係好嫩滑，不過未至於乾柴，而且有好多鹽，鹹鹹地，好惹味，好好味！ 薯條唔似M記嗰啲幼身嘅，係粗身嘅，都係有好多鹽，好好味！我真係怕我同學會死。

據聞 ,「水手快餐店」屹立於石硤尾有近50年 ..... 當日 , 既然行過路過，何不入去幫襯，一嚐究竟 ~餐廳的裝修和擺設都很 80s , 尤其是掛在牆上的菜單水牌 , 就是八十年代「快餐廳」的風格 , 夠懷舊 .... 無奈播放著的卻是 Mirror 的 音樂 , 換轉是 張國榮/梅艷芳 的就更合適 ~煎蛋免治牛肉飯 : 味道上比預期好，免治肉醬汁酸酸甜甜，香口惹味，也不算太鹹，配個荷包蛋實在一流，是八十年代的味道，很不錯吃 ~凍檸檬茶 (走甜) : 味道正正常常 , 跟一般茶餐廳無異 ~本篇完 ~

六、七十年代香港工商業迅速發展，大批男女出外工作，為解決午餐問題，相續出現多間不同類型嘅快餐店，而快餐文化也逐漸形成。店內幫襯嘅人客，大部份也是附近的街坊，就像很多老人家喜歡到酒樓嘆一盅兩件，其實主要係和相熟嘅老友記傾偈一樣。而這間位於石硤尾的快餐店，不但外貌及內部裝修還保留著當年的格局，連食物也沒有多大改變，就和當年如出一轍，真正的五十年不變！#魚柳雙蛋#火腿通#牛油方飽#熱檸水#五十年不變#水手快餐店地址: 石硤尾窩仔街1-13號仁寶大廈地下電話: 27778017

石硤尾嘅水手快餐店係老字號街坊小店，店入面嘅座位係舊式快餐店設計，一張張用鐵枝焊實喺地下，除咗大型連鎖快餐店之外，而家其實好少見。我叫咗個茄汁焗豬扒飯，估唔到面頭有隻荷包蛋，原來將蛋汁撈埋茄汁一齊食，又真係幾正😋，因為可以中和茄汁嘅甜味。豬扒正常水準，反而個汁有驚喜，酸酸甜甜，入面嘅蕃茄份量都多，啱哂我口味，撈埋個炒飯底一齊食，好開胃👍。

「水手」以前叫「大力水手快餐店」，據了解因為版權問題後來改名叫「水手快餐店」，直到現時招牌寫住「水手有限公司（快餐店）」。但食物、裝潢仍然係維持傳統港式快餐店風格，先去收銀處俾現金，再行去counter等攞食物。間嘢我幾年前食過，最近咁啱要去石硤尾邨，於是就嚟食下。鐵板牛肉炒麵塊鐵板夠熱，份量十足，牛肉份量亦唔少。以往呢份餐喺連鎖快餐店都幾普遍，但係而家已經買少見少。整體幾開胃，亦夠飽肚。大力水手飯，一開始喺牆上面個餐牌見到咁嘅名都唔知係乜嘢食物，咁就叫嚟試下。之後先發現原來係「太陽蛋雜扒飯」，亦都襯托「大力」嘅名稱，飯嘅份量十足，如果胃口細嘅話可以考慮叫少飯。黑椒汁係傳統茶餐廳味道，豬扒、雞扒都唔失禮，有嚼口。

讚1.以舊式快餐店黎講，呢間真係少有既企理2.態度幾好蹯，叫漢堡包但原來佢地話客少所以無做，然後仲即刻講唔好意思，連隨介紹埋魚柳包3.魚柳包幾好味，包有煎過，魚柳炸得香口唔油膩，好簡單但做得幾出色彈1.奶茶有啲鞋呢

呢間舊式快餐店由我做學生嘅時候已經有食過，佢出名係夠平！同埋呢d舊式小店真係買少見少，所以難得返去母校，就再次幫襯一下我叫咗一個魚香茄子飯，大約$40左右，包一杯飲品，價錢來講同普通茶餐廳差唔多至於味道方面，個醬汁其實好惹味嘅，而且唔會太稀，拎嚟撈飯一流不過唔好彩嘅係有幾舊茄子未係煮得好淋，所以嗰幾舊茄子相對地冇咁入味。白飯方面，我鍾意佢哋真係有聽我講，俾咗少飯我，可以減少浪費其實我最鍾意係呢間店嘅員工，佢哋好有人情味，會主動撩人傾吓計鍾意感受舊式香港嘅人可以嚟呢度試一下港式魚香茄子飯

香港90年代快餐店格局, 相信是石硤尾不少居民學生時代的回憶👦👧考完試點了乾炒牛河和大力水手飯aka雜扒飯(配黑椒汁)💪街坊茶記, 味道、份量中規中矩, 希望考試成績都一樣😌

呢間快餐店我N年前仲係學生果陣已經係度了。當時食個疊頭飯先廿零蚊。今次從返舊地，見到入面既裝修擺設同以前一模一樣，真係咩回憶都一湧而出。宜家我地有返咁上下經濟能力，當然係升呢食小菜啦。望下餐牌，嘩！估唔到今時今日仲有５０蚊一個小菜包飯包野飲，真係抗通脹。我地三人叫三個小菜share。叉燒炒蛋好有鑊氣，雖然叉燒唔係話好靚，但比佢咁樣炒一炒又幾好食。再黎豆腐火腩煲，佢既做法比較多汁一點，幾欣賞既係佢仲落左少少生菜，對於我呢D成日出街冇菜好食既人黎講係一個bonus。雜菜煲就麻麻地啦，味道教淡同埋太多非綠色既蔬菜。不過咁既價錢食到咁好份量既野，真係唔話得。

今日嚟到石硤尾，梗係去我嘅石硤尾飯堂水手快餐店啦。呢間餐廳已經有好多年歷史，相信喺附近返工返學嘅朋友都會食過，絕對係石硤尾嘅代表作。水手快餐店之所以可以屹立咁耐，因為佢位置好，亦都因為佢夠快，食物分量多又多元化，價錢平，絕對係附近學生同街坊嘅恩物。晏晝嘅時候，黎都水手快餐店，基本上搵唔到位，成個場都係學生、街坊同埋打工仔。等左10分鐘先搵到位，跟住之後先買嘢食。我同朋友一直都好鍾意食水手啲雞翼，所以我哋叫咗一個炸雞翼米線同埋一份炸雞翼。今次食，啲雞翼好乾，同埋細隻好多，冇以前外脆內軟果種口感，不過佢份量依然係多，出餐速度同以前一樣快，嗰種風味依然無變。水手依然係石硤尾既number 1平靚正快餐！